அடுத்த தலைமுறை தொழில்நுட்பமான 5ஜி ஸ்மார்ட்போனை பயன்படுத்த அனைவரும் விருப்பம் கொண்டு வரும் நிலையில், நிறுவனம் Redmi A4 5G என்ற மாடலை அறிமுகம் செய்ய உள்ளது. Snapdragon 4s Gen 2 சிப் கொண்ட இந்த மொபைல் Redmi 14C மாடல் போல இருக்கும் என்றும், 50MP கேமரா இருப்பதாகவும் கூறப்படுகிறது.
இந்தியாவின் சியோமி தலைவர் முரளி கிருஷ்ணன் இதுகுறித்து கூறிய போது, “இந்தியாவில் பத்தாவது ஆண்டை கொண்டாடும் ரெட்மி நிறுவனம், ரெட்மி A4 5G என்ற மாடலை அறிமுகம் செய்ய நடவடிக்கை எடுத்து வருகிறது. இந்திய சந்தைக்காகவே வடிவமைக்கப்பட்ட இந்த ஸ்மார்ட்போன் அனைவரையும் கவரும், மேலும் டிஜிட்டல் இடைவெளியை சமமாக்கும்,” என்றும், இந்த சாதனம் இந்தியாவில் 5G க்கு ஒரு முன்னோடி ஆகும்,” என்றும் அவர் தெரிவித்தார். இருப்பினும், ரெட்மி A4 5G ஸ்மார்ட்போனின் முழு தொழில்நுட்ப விவரங்களை அவர் வெளியிடவில்லை என்பது குறிப்பிடத்தக்கது.
ஆனால், அதே நேரத்தில் இந்த ஸ்மார்ட்போனில் 6.7-இன்ச் LCD, HD+ தீர்மானம் மற்றும் 90Hz ரெஃப்ரெஷ் விகிதம் இருக்கும் என எதிர்பார்க்கப்படுகிறது. கூடுதலாக, 8MP முன்னணி கேமரா மற்றும் 18W சார்ஜிங் ஆதரவுடன் 5000mAh பேட்டரி இருக்கும் என எதிர்பார்க்கப்படுகிறது.
மேலும், Snapdragon 4s Gen 2 சிப், Snapdragon 4 Gen 2 அம்சங்களும், 90fps FHD+ ஸ்க்ரீன், இரண்டு கேமரா மற்றும் Gigabit 5G இணைப்புக்கு தேவையான மோடத்தை கொண்டுள்ளது, மேலும் Dual-frequency GNSS (L1 + L5) உடன் NAVIC ஐ இந்த மாடல் கொண்டுள்ளது என்றும் கூறப்படுகிறது.
