உங்கள் சம்பளம், கமிஷன், வட்டி, முதலிய வருவாய் மூலங்களில் TDS ஏற்கனவே பிடித்துக் கொள்ளப்பட்டிருந்தால், அதை மீண்டும் பெற ITR தாக்கல் செய்வது அவசியம். பல முறை அதிக TDS பிடித்துக்கொள்ளப்படும், அதை திரும்ப பெற ஒரே வழி ITR தாக்கல் செய்வதே. இல்லையெனில், அந்த தொகை அரசாங்கத்திடமே கடைசி வரை இருக்கும்.
2. நிதி இழப்புகளை சமநிலை செய்தல்
ஒரு குறிப்பிட்ட ஆண்டில் வணிகம், பங்கு முதலீடு, சொத்து முதலீடு போன்றவற்றில் இழப்புகளை சந்தித்திருந்தால், அதை எதிர்கால வருமானத்துடன் சமநிலை செய்யலாம். ஆனால், இதை செய்ய வேண்டும் என்றால் ITR தாக்கல் செய்திருக்க வேண்டும். இல்லையெனில், அந்த இழப்புகளை எதிர்கால வருமானத்திலிருந்து கழிக்க முடியாது, இழப்புகளை நாம் சந்திக்க வேண்டிய சூழல் ஏற்படும்
3. கடன் பெறுவதில் வசதி
வீட்டு கடன், கார் கடன், தனியார் கடன் ஆகியவை பெறும்போது, வருமானத்திற்கான ஆதாரம் தேவைப்படும். ITR என்பது மிக முக்கியமான நிதி ஆவணமாக அமையும். ITR இல்லாமலும் கடன் கிடைக்கலாம், ஆனால் அதிக வட்டி வீதத்தில் கிடைக்கும். ITR தாக்கல் செய்வது உங்கள் நிதி நிலையை உறுதி செய்யும் மற்றும் கடனை சிறந்த நிபந்தனைகளில் பெற உதவும்.
4. விசா விண்ணப்பம் எளிதாக முடியும்
அமெரிக்கா, கனடா, ஆஸ்திரேலியா, ஐரோப்பிய நாடுகள் போன்றவை விசா பெறுவதற்கு நிதி நிலைத்தன்மைக்கான ஆதாரங்களை கேட்கின்றன. கடந்த ஆண்டுகளின் ITR பதிவுகளைச் சமர்ப்பிப்பதன் மூலம் நீங்கள் நிதி விஷயத்தில் வலுவாக இருக்கிறீர்கள் என்பதைக் காட்ட முடியும். இது உங்கள் விசா பெறும் வாய்ப்புகளை அதிகரிக்கும்.
5. நிதி நம்பிக்கையை அதிகரித்தல்
பெரிய பண பரிவர்த்தனைகள் செய்யவோ, சொத்து வாங்கவோ, வணிக முதலீடு செய்யவோ திட்டமிட்டால், ITR உங்கள் நிதி நம்பிக்கையை உறுதி செய்யும். வங்கிகள், ரியல் எஸ்டேட் வாங்குதல், வணிக ஒப்பந்தங்கள் போன்றவற்றில் இது ஒரு வலுவான ஆதாரமாக இருக்கும்.
எனவே ITR தாக்கல் செய்வது வெறும் சட்டப்பூர்வமான கட்டாயம் மட்டுமல்ல; இது நமக்கே பல்வேறு நன்மைகளை வழங்கும் ஒரு முக்கிய நிதி ஆவணமாக அமைகிறது. கடன் பாதுகாப்பு, வரி மீதிகளை திரும்ப பெறுதல், சீரான நிதி பரிவர்த்தனைகள் போன்றவற்றுக்கு ITR தாக்கல் செய்வது உங்கள் நிதி எதிர்காலத்தை பாதுகாக்க உதவும்.
