பல வாகன உரிமையாளர்கள் தங்கள் Fastag வாலட்டை ரீசார்ஜ் செய்ய மறந்து விடுகிறார்கள். இதனால், சுங்கச்சாவடியில் இருமடங்கு பணம் செலுத்த வேண்டிய நிர்பந்தம் உண்டாகிறது. ஆனால், இனி அப்படி நடக்காமல் இருக்க ரிசெர்வ் வங்கி புதிய விதியை கொண்டுவந்துள்ளது. Fastag இருப்பு நிர்ணயிக்கப்பட்ட வரம்பை விட குறைந்தவுடன், வாடிக்கையாளரின் வங்கிக் கணக்கிலிருந்து Wallet டிற்கு தானாகவே பணம் வந்து சேரும்.
இந்திய ரிசர்வ் வங்கி ஃபாஸ்டாக் மற்றும் என்சிஎம்சி ஆகியவற்றை இ-மாண்டேட் கட்டமைப்பில் சேர்த்துள்ளது. அதாவது, இப்போது ஃபாஸ்டாக் மற்றும் நேஷனல் காமன் மொபிலிட்டி கார்டு பயன்படுத்துபவர்கள் இந்த இரண்டு பேமெண்ட் கருவிகளிலும் திரும்பத் திரும்ப பணம் போட வேண்டும் என்ற கட்டாயம் இனி இல்லை.
ஃபாஸ்டாக் மற்றும் என்சிஎம்சியின் கீழ் பணம் செலுத்துவதற்கு Fixed நேரம் இல்லை என்று ரிசர்வ் வங்கி தனது செய்திக்குறிப்பில் தெரிவித்துள்ளது. Fastag Wallet இல் எந்த நேரத்திலும் பணம் செலுத்த வேண்டியிருக்கலாம். அதனால் குறிப்பிட்ட கால வரம்பு ஏதுமின்றி வங்கி கணக்கில் இருந்து பணம் வரவு வைக்கப்படும். இந்தக் கட்டணக் கருவிகளில் உள்ள இருப்பு நிர்ணயிக்கப்பட்ட வரம்பிற்குக் கீழே குறையும் போது, வாடிக்கையாளரின் கணக்கிலிருந்து பணம் தானாகவே கழிக்கப்பட்டு, இந்தப் Fastag Wallet இல் சேர்க்கப்படும். இதற்காக, பயனர் மீண்டும் மீண்டும் Fastag ரீசார்ஜ் பண்ண தேவையில்லை.
இ-மேண்டேட் கட்டமைப்பு என்றால் என்ன
2019 இல் நிறுவப்பட்ட இ-மேண்டேட் கட்டமைப்பு, வாடிக்கையாளர்களின் கணக்குகளில் வரவிருக்கும் டெபிட்களை அவர்களுக்கு அறிவிப்பதன் மூலம் அவர்களைப் பாதுகாக்க வடிவமைக்கப்பட்டுள்ளது. வாடிக்கையாளரின் கணக்கிலிருந்து பணம் எடுப்பதற்கு குறைந்தபட்சம் 24 மணிநேரத்திற்கு முன் மின்-ஆணை மூலம் இந்த இ- மேண்டேட் கட்டமைப்பிற்கு அனுமதி வழங்க வேண்டும்.
‘இ-ஆணை’யின் கீழ், அதாவது பணம் செலுத்துவதற்கான மின்னணு ஒப்புதல், தற்போது, தினசரி, வாராந்திர, மாதாந்திர போன்ற நிலையான கால வசதிகளுக்கு, ஒரு குறிப்பிட்ட நேரத்தில் வாடிக்கையாளரின் கணக்கிலிருந்து தானாகவே பணம் செலுத்தப்படுகிறது. இந்த முறைக்கு, மின்-ஆணை மூலம் பணத்தை ஒருமுறை டெபிட் செய்ய பயனர் அனுமதி வழங்க வேண்டும்.
குறிப்பாக, ஃபாஸ்டாக் மற்றும் என்சிஎம்சியில் உள்ள நிலுவைகளை தானாக நிரப்புவது இதில் அடங்கும், இவை முறையே சுங்கச்சாவடிகள் மற்றும் பல்வேறு பொதுப் போக்குவரத்து அமைப்புகளில் தடையற்ற பயணத்திற்கு அவசியமானவை ஆகும்.