தமிழ் சினிமாவின் இந்த ஆண்டின் முதல் பாதி பெரிய ஹீரோக்கள் படம் இல்லாமல் வெறிச்சோடி காணப்பட்டிருந்த நிலையில், இரண்டாம் பாதியில் தொடர்ச்சியாக நிறைய படங்கள் அடுத்தடுத்து வெளியாகி வருகிறது. இந்தியன் 2, ராயன், தங்கலான் உள்ளிட்ட திரைப்படங்களின் வரிசையில் சமீபத்தில் விஜய் நடிப்பில் வெங்கட் பிரபு இயக்கத்தில் உருவான ‘கோட்’ திரைப்படம் வெளியாகி நல்ல வரவேற்பை பெற்றிருந்தது.
ஏஜிஎஸ் நிறுவனம் தயாரித்த இந்த திரைப்படத்திற்கு யுவன் சங்கர் ராஜா இசையமைத்திருந்தார். விநாயகர் சதுர்த்தி விடுமுறை சமயத்தில் வெளியான இந்த திரைப்படம் முதல் நாளிலேயே 100 கோடிக்கு மேல் வசூல் செய்து தமிழ் சினிமாவில் மிக முக்கியமான ஒரு சாதனையும் புரிந்துள்ளது. தமிழ் சினிமாவில் இதுவரை 2 திரைப்படங்கள் தான் முதல் நாளில் 100 கோடி ரூபாய்க்கு மேல் வசூல் செய்துள்ளது. அந்த இரண்டு திரைப்படங்களும் விஜய் நடிப்பில் உருவான லியோ மற்றும் கோட் என்பதும் குறிப்பிடத்தக்கது.
கோட் திரைப்படம் கலைவாண விமர்சனங்களை பெற்று வந்தாலும் வசூல் ரீதியாக மிகப்பெரிய சாதனையை புரிந்து வரும் நிலையில் விஜய் என்றும் தவிர்க்க முடியாத நடிகர் என்றும் ரசிகர்கள் பெருமையாக குறிப்பிட்டு வருகின்றனர். வெங்கட் பிரபு – விஜய் கூட்டணி அமையும் போது ரசிகர்கள் அந்த படத்தின் மீது மிகப்பெரிய அளவில் எதிர்பார்ப்பை ஏற்படுத்தி இருந்தனர். அந்த வகையில், பலருக்கும் திரைப்படம் சரியாக அமையாமல் போனாலும் அதனை விரும்பிய ரசிகர்கள் பலரும் தொடர்ந்து கண்டுகளித்து கொண்டாடி தீர்த்தும் வருகின்றனர்.
ரஜினிகாந்த், கமல்ஹாசன், விஜயகாந்த், அஜித்குமார் உள்ளிட்ட பல நடிகர்களின் ரெஃபரன்ஸும் திரைப்படத்திலிருந்தது ரசிகர்களை அதிகம் கவர்ந்திருந்தது. இப்படி கோட் திரைப்படத்தில் பல சிறப்பம்சமான விஷயங்கள் இருக்கும் அதே வேளையில், மற்ற இயக்குனர்களுக்கு கிடைக்காத ஒரு பெருமை வெங்கட் பிரபுவுக்கு கிடைத்துள்ளது பற்றி தற்போது பார்க்கலாம்.
நடிகர் அஜித்தை வைத்து மங்காத்தா திரைப்படத்தை இயக்கியிருந்த வெங்கட் பிரபு தற்போது விஜய்யையும் கோட் திரைப்படத்தின் மூலம் இயக்கியிருந்தார். தமிழ் சினிமாவை பொருத்தவரையில் எஸ். ஜே. சூர்யா, கே.எஸ். ரவிக்குமார், விஜய் என 4 -5 இயக்குனர்கள் வரை தான் விஜய் மற்றும் அஜித் ஆகிய இருவரையும் இயக்கி உள்ளனர்.
அந்த வரிசையில் தற்போது வெங்கட் பிரபு இடம் பிடித்துள்ள நிலையில் மேற்குறிப்பிட்ட எந்த இயக்குனர்களுக்கும் கிடைக்காத ஒரு பாக்கியம் வெங்கட் பிரபுவுக்கும் கிடைத்துள்ளது. அஜித் மற்றும் விஜய் ஆகிய இரண்டு பேரை இயக்கியதுடன் மட்டுமில்லாமல் அவர்கள் இருவருடனும் இணைந்து நடித்த ஒரே இயக்குனரும் வெங்கட் பிரபு தான். சிவகாசி திரைப்படத்தில் விஜய்யுடன் இணைந்து நடித்த வெங்கட் பிரபு, அஜித்துடன் ஜீ திரைப்படத்தில் இணைந்து நடித்திருந்ததும் குறிப்பிடத்தக்கது.