தமிழ் சினிமாவில் முன்னணி நடிகராக இருந்து வருபவர் அஜித்குமார். எந்த ஒரு சினிமா பின்புறமும் இல்லாமல் இன்று தனக்கென தனி இடத்தை தமிழ் சினிமாவில் பிடித்திருக்கிறார். ஆரம்பத்தில் இவருக்கு கார் ரேசிங்கில் தான் அதிக ஆர்வம் இருந்திருக்கிறது. தனது 18 வது வயதில் கார் ரேசிங்கில் கலந்து கொண்டார் அஜித்குமார். அந்த நேரத்தில் மாடலிங்கும் செய்து வந்தார். அதன் மூலம் அவருக்கு சினிமாவில் நடிக்கும் வாய்ப்பு கிடைத்தது.
1990களில் தமிழ் சினிமாவில் நாயகனாக அறிமுகமான அஜித் குமார் காதல் மன்னன் வாலி போன்ற பல வெற்றி திரைப்படங்களில் நடித்து தமிழ் சினிமாவின் சாக்லேட் பாயாக வலம் வந்தார். 2000 காலகட்டத்திற்கு பிறகு பல கமர்சியல் வெற்றி திரைப்படங்களில் நடித்து முன்னணி நடிகராக ஆனார் அஜித்குமார்.
இப்போது நீண்ட இடைவேளைக்கு பிறகு அஜித்குமார் நடித்த விடாமுயற்சி திரைப்படம் பொங்கலுக்கு வெளியாகும் என்று கூறி பிப்ரவரி ஆறாம் தேதி ரிலீசானது. இந்த படம் தள்ளிப் போனதால் எல்லா திரைப்படங்களின் ரிலீஸும் குழப்பத்திற்கு உள்ளானது. அதே போல் இவர் நடித்த Good Bad Ugly திரைப்படம் ஏப்ரல் பத்தாம் தேதி ரிலீசாகும் என்று கூறப்படுகிறது. இந்நிலையில் Good Bad Ugly படத்திற்காக மிக குறுகிய காலத்தில் அதிக எடையை அஜித்குமார் குறைத்து இருக்கிறார். அது எப்படி சாத்தியமானது என்று பலருக்கும் கேள்வி இருந்தது. இது சம்பந்தமாக தற்போது ஒரு தகவல் வெளியாகியிருக்கிறது.
அது என்னவென்றால் அஜித்குமார் முதலில் 100 கிலோ எடை வரை இருந்திருக்கிறார். Good Bad Ugly படத்திற்காக அவர் எடையை குறைக்க வேண்டும் என்பதால் முழுவதுமாக நீர் உணவுகளை தான் அவர் எடுத்துக் கொண்டாராம். Liquid Foods மட்டுமே அவர் தொடர்ந்து மருத்துவர்களின் அறிவுரைப்படி சாப்பிட்டு வந்திருக்கிறார். மேலும் மருத்துவர்களின் கண்காணிப்பில் பல புரோட்டின் ஷேக்களையும் குடித்து வந்து இருக்கிறார். அதனால் தான் குறுகிய காலத்தில் அவரால் 25 கிலோ எடையை குறைத்தது என்பது சாத்தியமானது என்று தகவல் வெளியாகி இருக்கிறது.
