ஜெயிலர் படத்தின் மாபெரும் வெற்றிக்குப் பின் சூப்பர் ஸ்டார் ரஜினியின் 170-வது படமாக வேட்டையன் திரைப்படம் அறிவிக்கப்பட்டது. லைகா புரடக்சன்ஸ் தயாரிக்கும் இப்படத்தினை ஜெய்பீம் திரைப்பட இயக்குநர் ஞானவேல் இயக்கியுள்ளார். அனிருத் இசையமைத்துள்ளார். ரஜினியுன் அமிதாப்பச்சன், ராணா டகுபதி, பகத் பாசில், மஞ்சுவாரியர் துஷ்ரா விஜயன், ரித்திகா சிங், ஒரு பெரிய நட்சத்திரப்பட்டாளமே நடித்துள்ளது.
இப்படத்தின் மனசிலாயோ பாடல் ஏற்கனவே இணையத்தினை ஆக்கிரமித்துக் கொண்டிருக்கும் வேளையில் இன்று டிரைலர் வெளியானது. 2 நிமிடங்கள் 39 வினாடிகள் ஓடக் கூடிய இந்த டிரைலர் முழுக்க சூப்பர் ஸ்டார் ராஜ்ஜியம் தான். ஆக்ஷன் காட்சிகளில் 70வயதைக் கடந்த நிலையிலும் ஆக்ரோஷமாக நடித்திருக்கிறார் ரஜினிகாந்த்.
ஜனனி இல்லாமல் உருவாகப் போகும் எதிர்நீச்சல் 2.. ரசிகர்கள் ஏமாற்றம்.. மதுமிதா நெகிழ்ச்சிப் பதிவு
முற்றிலும் ரஜினி ரசிகர்களைத் திருப்திப்படுத்தும் வகையில் ஞானவேல் இயக்கியிருக்கும் இப்படத்திற்கு ஏற்கனவே எக்கச்சக்க எதிர்பார்ப்பு நிலவியுள்ளது. வருகிற அக்டோபர் 10-ம் தேதி தசரா பண்டிகை விடுமுறையையொட்டி படம் வெளியாக உள்ளது. பான் இந்தியா திரைப்படமாக உருவாகியுள்ள வேட்டையன் படத்தில் ரஜினியின் வழக்கமான பஞ்ச் வசனங்கள் தெறிக்க விடுகிறது. என்கவுண்டர் ஸ்பெஷலிஸ்ட்டாக ரஜினியின் கெட்டப் இன்னும் மூன்றுமுகம் ரஜினியை நினைவூட்டுகிறது.
அநீதியை நீதியாலதான் வெல்லனும்.. இன்னொரு அநீதியால அல்ல.. போன்ற வசனங்கள் டிரைலரில் இடம்பெற்றுள்ளது. ரஜினி என்ற பெயருக்கு அப்படி என்னதான் ஆற்றல் உள்ளதோ தெரியவில்லை. டிரைலர் வெளியான ஒரு மணிநேரத்தில் 1 மில்லியனுக்கும் அதிகமான பார்வைகளைப் பெற்றிருக்கிறது.
வேட்டையன் படத்தினையடுத்து லோகேஷ் கனகராஜ் இயக்கத்தில் அடுத்தாக கூலி படத்தில் நடிக்கவிருக்கிறார் ரஜினிகாந்த். தற்போது மருத்துவமனையில் சிகிச்சை பெற்று வரும் ரஜினியின் உடல்நிலை பூரண குணமடைந்தபின் ஷுட்டிங் தொடங்கும் என எதிர்பார்க்கப்படுகிறது.