சித்தார்த் தென்னிந்திய சினிமாவில் பணியாற்றும் பிரபலமான நடிகர் பின்னணி பாடகர் மற்றும் தயாரிப்பாளர் ஆவார். 2003 ஆம் ஆண்டு பாய்ஸ் திரைப்படத்தின் மூலம் தமிழ் சினிமாவில் நாயகனாக அறிமுகமானார். இந்த படத்தில் நடிகராக மட்டுமல்லாமல் உதவி இயக்குனராகமும் பணிபுரிந்தார் சித்தார்த். தொடர்ந்து ஆயுத எழுத்து படத்தில் நடித்தார். பின்னர் தெலுங்கு சினிமாவில் நடிக்க தொடங்கினார் சித்தார்த்.
நீண்ட காலம் தெலுங்கு சினிமாவில் பணியாற்றி புகழ் பெற்ற பிறகு 2014 ஆம் ஆண்டு தமிழ் சினிமாவுக்கு திரும்பினார் சித்தார்த். அந்த ஆண்டு ஜிகர்தண்டா திரைப்படத்தில் நடித்தார். பின்னர் காவியத்தலைவன், எனக்குள் ஒருவன், ஜில் ஜங் ஜக், சிகப்பு மஞ்சள் பச்சை, காதலில் சொதப்புவது எப்படி, தீயா வேலை செய்யணும் குமாரு, அரண்மனை 2, இந்தியன் 2, அருவம் போன்ற திரைப்படங்களில் நடித்தார் சித்தார்த்.
2023 ஆம் ஆண்டு சித்தா என்ற திரைப்படத்தில் நடித்து அந்த படத்தை தயாரிக்கவும் செய்தார். சித்தா திரைப்படம் விமர்சன ரீதியாக அனைவரின் பாராட்டுகளையும் பெற்றது. அடுத்ததாக இந்தியன் 3 மற்றும் பலப்படங்களில் கமிட்டாகி பிஸியாக நடித்து வருகிறார் சித்தார்த். இவர் நடிகை அதிதி ராவை திருமணம் செய்து கொண்டார். தற்போது இவர் நடித்த 3BHK படம் வெளிவர இருக்கிறது.
இந்நிலையில் 3BHK பட நிகழ்ச்சிகள் கலந்து கொண்ட சித்தார்த் தனது சினிமா வாழ்க்கையை பற்றி பகிர்ந்து இருக்கிறார். அதில் அவர் நான் சினிமாவிற்கு வந்து 25 ஆண்டுகளில் சொந்த வீடு கூட இல்லாமல் இருந்திருக்கிறேன். அந்த வலி எனக்கு தெரியும். என்னுடைய மனைவி அதிதி ராவுக்கும் அந்த எண்ணம் இருந்தது. சமீபத்தில் தான் நானும் அதிதி ராவும் சொந்தமாக ஒரு வீடு வாங்கினோம். அந்த சொந்த வீடு கனவு என்பது இங்கு பலருக்கும் இருக்கிறது என்று பகிர்ந்து இருக்கிறார் நடிகர் சித்தார்த்.
