சசிகுமார் தமிழ் சினிமாவில் பணியாற்றும் திரைப்பட இயக்குனர், நடிகர் மற்றும் தயாரிப்பாளர் ஆவார். ஆரம்பத்தில் இயக்குனர்கள் பாலா மற்றும் அமீர் ஆகியோரிடம் உதவி இயக்குனராக பணிபுரிந்தார் சசிகுமார். 2008 ஆம் ஆண்டு சுப்ரமணியபுரம் என்ற திரைப்படத்தை இயக்கி நடித்ததன் மூலம் தமிழ் சினிமாவில் இயக்குனர் ஆகவும் நடிகராகவும் அறிமுகமானார் சசிகுமார். முதல் படத்தின் மூலமாகவே அனைவரின் கவனத்தையும் ஈர்த்தார் சசிகுமார்.
அடுத்ததாக 2010 ஆம் ஆண்டு ஈசன் எந்த திரைப்படத்தை இயக்கினார் சசிகுமார். இது தவிர சுப்பிரமணியபுரம் பசங்க ஆகிய திரைப்படங்களை தயாரித்தும் இருக்கிறார். அவரது நடிப்பிற்கு நல்ல வரவேற்பு கிடைக்கவே தொடர்ந்து நாடோடிகள், போராளி, சுந்தரபாண்டியன், தாரை தப்பட்டை, வெற்றிவேல் போன்ற குடும்ப கதை அம்சம் கொண்ட படங்களில் நடித்தார் சசிகுமார்.
சசிகுமார் படம் என்றாலே எந்த ஒரு ஆபாசமும் இருக்காது குடும்பத்துடன் சென்று பார்க்கலாம் என்ற நம்பிக்கை மக்களிடையே இருக்கிறது. உடன்பிறப்பே கொடிவீரன் போன்ற குடும்பத்திற்கு முக்கியத்துவம் தரும் பல படங்களில் நடித்து வருகிறார் சசிகுமார். தற்போது பல படங்களில் கமிட் ஆகி பிஸியான நடிகராகவும் இருந்து வருகிறார் சசிகுமார்.
தற்போது சசிகுமார் நடித்த டூரிஸ்ட் ஃபேமிலி திரைப்படம் வெளிவர இருக்கிறது. இந்த படத்தின் நிகழ்ச்சியில் கலந்து கொண்ட சசிகுமார் தான் நடித்த அயோத்தி படத்தால் நடந்த நல்ல விஷயத்தை பற்றி பகிர்ந்து இருக்கிறார். அவர் கூறியது என்னவென்றால் அயோத்தி படத்தின் மூலமாக விமானத்தில் இறந்தவரின் உடலை கொண்டு செல்லும் நடைமுறையை எளிமையாக மாற்றி இருக்கிறார்கள். மேலும் ஒரு லட்சம் வரை மானியமும் கொடுக்கப்படுகிறது. இதனால் 500 குடும்பங்களுக்கு மேல் பயனடைந்துள்ளார்கள் என ஒருவர் என்னிடம் கூறினார். இதை அறிந்த பின் எனக்கு மிகவும் சந்தோஷமாக இருந்தது. நான் நடித்த படத்தின் மூலமாக இவ்வளவு நல்லது நடந்திருக்கிறது என்று நினைக்கும் போது பெருமையாக இருக்கிறது என்று கூறியிருக்கிறார் சசிகுமார்.
