தமிழ் சினிமாவின் மூத்த மற்றும் முன்னணி நடிகராக இருந்து வருபவர் கமல்ஹாசன். தனது ஐந்து வயது முதலே நடிப்பை தேர்ந்தெடுத்து நடிக்க தொடங்கியவர் கமலஹாசன். 1960 ஆம் ஆண்டு களத்தூர் கண்ணம்மா என்ற திரைப்படத்தில் நடித்ததன் மூலம் தமிழ் சினிமாவில் குழந்தை நட்சத்திரமாக அறிமுகமானார் கமலஹாசன். அன்றிலிருந்து இன்று வரை கிட்டத்தட்ட 60 ஆண்டுகளுக்கும் மேலாக தமிழ் சினிமாவில் நடித்து வருகிறார் கமல்ஹாசன்.
இவரை உலகநாயகன் என்று அழைக்கின்றனர். அது மட்டும் இல்லாமல் இன்றைய இளம் தலைமுறை நடிகர்கள் அவரை ஒரு ஆசானாகவே பார்க்கின்றனர். இவர் நடித்த ஹிட் படங்கள் ஏராளம்.1980 90களில் புகழின் உச்சியில் இருந்தார் கமல்ஹாசன். அதற்கு அடுத்ததாக இன்றும் மனம் தளராமல் நாயகனாக பல திரைப்படங்களில் நடித்து வருகிறார் கமல்ஹாசன். இவர் நடித்த தக்லைப் திரைப்படம் வெளிவர இருக்கிறது.
கமல்ஹாசன் அவர்கள் நடிப்பது மட்டுமல்லாமல் பல திரைப்படங்களை தயாரித்தும் இருக்கிறார் கமல்ஹாசன். மேலும் மக்கள் நீதி மய்யம் என்ற அரசியல் கட்சியையும் நடத்தி வருகிறார் கமல்ஹாசன். தனது கட்சியின் சார்பாக மாநிலங்களவை எம் பி ஆக வருகிற 25 ஆம் தேதி பதவி ஏற்க உள்ளார்.
இந்நிலையில் சினிமாவில் நடிப்பது குறித்து கமல்ஹாசன் அவர்கள் அதிரடியாக ஒரு முடிவு எடுத்திருக்கிறாராம். அது என்னவென்றால், சம்பளம் தொடர்பான பிரச்சனைகள் தொடர்ந்து வருவதால் இனி வரும் காலங்களில் கமல்ஹாசன் அவர்கள் அவரின் சொந்த தயாரிப்பு நிறுவனமான ராஜ்கமல் ஃபிலிம் இன்டர்நேஷனல் தயாரிப்பின் கீழ் மட்டுமே நடிக்கப் போவதாக முடிவெடுத்து இருப்பதாக தகவல் வெளியாகி இருக்கிறது.
