உலக நாயகன் கமல்ஹாசனின் 70-வது பிறந்த நாளான இன்று அவர் நடிக்கும் தக் லைஃப் படத்தின் ரிலீஸ் தேதி அறிவிக்கப்பட்டுள்ளது. உலகநாயகன் கமல்ஹாசன் இன்று தனது 70-வது பிறந்தநாளைக் கொண்டாடுகிறார். இதனையொட்டி முதல்வர் ஸ்டாலின், துணை முதல்வர் உதயநிதி ஸ்டாலின், திரைப்பிரபலங்கள், மக்கள் நீதி மய்யம் தொண்டர்கள், நிர்வாகிகள், ரசிகர்கள் உள்ளிட்ட பலரும் வாழ்த்துத் தெரிவித்து வருகின்றனர். மேலும் தற்போது அவர் நடித்து வரும் படமான தக் ஃலைப் படத்தின் ரிலீஸ் தேதியையும் அறிவித்து அவருக்கு பிறந்தநாள் பரிசாகக் கொடுத்திருக்கிறது படக்குழு.
மெட்ராஸ் டாக்கீஸ், ராஜ்கமல் பிலிம்ஸ், ரெட்ஜெயண்ட் மூவிஸ் ஆகியவை இணைந்து தயாரிக்கும் தக் லைஃப் திரைப்படத்தின் டீசரும் வெளியானது. நாயகன் வெளியாகி 37 வருடங்களுக்குப் பிறகு மணிரத்னம் மற்றும் கமல்ஹாசன் இணைந்துள்ளனர். இப்படத்தில் உலக நாயகன் கமல்ஹாசனுடன் சிம்பு, திரிஷா, அசோக் செல்வன், ஐஸ்வர்யா லட்சுமி, அபிராமி, நாசர் உள்ளிட்ட பலர் நடிக்கின்றனர். இசைப்புயல் ஏ.ஆர்.ரஹ்மான் இசையமைக்கிறார். இப்படத்தின் ஷுட்டிங் பணிகள் முடிவடைந்து தற்போது போஸ்ட் புரடக்ஷன் பணிகள் நடைபெற்று வருகிறது.
டிரம்ப் வெற்றியால் இந்தியாவுக்கு சாதகங்கள் என்ன? பாதகங்கள் என்ன?
இந்நிலையில் தக் லைஃப் திரைப்படம் அடுத்த வருடம் அதாவது 2025 ஜுன் மாதம 5-ம் தேதி வெளியாகும் என படக்குழுவினர் அறிவித்துள்ளனர். டீசரில் கமல் மற்றும் சிம்பு இடம்பெறும் காட்சிகள் இடம்பெற்றிருக்கிறது. டீசர் முழுக்க சண்டைக் காட்சிகளே இடம்பெற்றிருக்கின்றன.
மேலும் கமலின் தோற்றம் குருதிப் புனல் திரைப்படத்தினை நினைவூட்டுகிறது. கடைசியாக கமல்நடிப்பில் வெளிவந்த விக்ரம் அவருக்கு இமாலய வெற்றியைக் கொடுத்தது. அடுத்ததாக வெளிவந்த இந்தியன் 2 திரைப்படம் பல்வேறு விமர்சனங்களைச் சந்தித்த நிலையிலும் வெற்றி பெற்றது. மேலும் கல்கி AD படத்தில் சிறப்புத் தோற்றத்தில் நடித்திருந்தார் உலகநாயகன். தற்போது தக் லைஃப் திரைப்படம் நான்கு மொழிகளில் தயாராகி ரசிகர்களிடையே பெரும் எதிர்பார்ப்பினை ஏற்படுத்தியிருக்கிறது.