தமிழ் சினிமாவில் முன்னணி நடிகராக இருப்பவர் சிவகார்த்திகேயன். எந்த ஒரு சினிமா பின்புறமும் இல்லாமல் தனது உழைப்பினால் உயர்ந்தவர் சிவகார்த்திகேயன். சின்னத்திரை விஜய் டிவியில் தொகுப்பாளராக மிமிக்ரி செய்பவராக தனது கேரியரை தொடங்கினார் சிவகார்த்திகேயன். அதன் மூலம் அவருக்கு சினிமா வாய்ப்பு கிடைத்தது.
மெரினா திரைப்படத்தின் மூலம் தமிழ் சினிமாவில் நாயகனாக அறிமுகமான சிவகார்த்திகேயன் பின்பு மெல்ல மெல்ல நல்ல கதையம்சம் கொண்ட படங்களில் காமெடி படங்களில் நடித்து பிரபலமானார். பின்னர் கமர்சியல் படங்களில் நடித்து மக்கள் மனதில் இடம் பிடித்தார் சிவகார்த்திகேயன். வேலைக்காரன் சீம ராஜா திரைப்படங்கள் பாராட்டப்பட்டது.
இப்போது சிவகார்த்திகேயன் நடிப்பில் வெளியாகி மாபெரும் வெற்றி பெற்று இன்னமும் திரையரங்குகளில் ஓடிக்கொண்டிருக்கும் திரைப்படம் அமரன். இந்திய ராணுவத்தில் பணிபுரிந்த மேஜர் முகுந்த் வரதராஜன் அவர்களின் வாழ்க்கை வரலாறை மையமாக வைத்து இந்த படம் எடுக்கப்பட்டது. தற்போது இந்த திரைப்படம் 300 கோடி வசூலை தாண்டி இந்த ஆண்டின் பிளாக்பஸ்டர் படமாக ஓடிக் கொண்டிருக்கிறது.
இப்படத்தின் வெற்றிக்கு பிறகு சிவகார்த்திகேயன் மிகவும் பிஸியாகிவிட்டார். அடுத்தடுத்து பல படங்களில் கமிட்டாகி நடித்துக் கொண்டிருக்கிறார். இந்நிலையில் சுதா கொங்கரா இயக்கத்தில் புறநானூறு என்ற திரைப்படத்தில் சிவகார்த்திகேயன் நடிக்க இருப்பதாக ஏற்கனவே செய்திகள் வெளியானது.
இந்த படத்தின் பணிகள் தொடங்க இருப்பதாகவும் படத்தில் வில்லனாக நடிக்க வைக்க விஷால் மற்றும் ஜெயம் ரவியுடன் பேச்சுவார்த்தை நடந்து கொண்டு இருப்பதாக செய்திகள் வெளியாகியிருக்கிறது. இதனால் சிவகார்த்திகேயனுக்கு வில்லனாக விஷால் ஜெயம்ரவி நடிக்க இருக்கிறார்களா என்று நெட்டிசன்கள் வாயடைத்து போய் இருக்கிறார்கள்.