சென்னை: புழல் சிறையில் கஸ்தூரி எப்படி இருக்கிறார்: பொதுவாகவே புழல் சிறைக்கு ஒவ்வொரு நாளும் அழைத்து வரப்படும் கைதிகள் முதல் நாளில் அங்குள்ள ஹாலில் மொத்தமாக தங்க வைக்கப்படுவது வழக்கமாகும். அதன்படி தங்க வைக்கப்பட்ட அவர் அறை எண் 10-ல் அடைக்கப்பட்டார். சாப்பிட மறுத்து வந்த அவர். நேற்று முன்தினம் இரவு சிறையில் போதிய தூக்கம் வராமல் அவதிப்பட்டுள்ளார்.
சென்னையில் கடந்த சில தினங்களுக்கு முன்பு நடந்த ஒரு ஆர்ப்பாட்டத்தில் நடிகை கஸ்தூரி கலந்து கொண்டு பேசும் போது, தெலுங்கு இன மக்கள் குறித்து தவறான கருத்தை பேசியதாக தெலுங்கு அமைப்பினர் பல்வேறு புகார்கள் தெரிவித்தனர். இதையடுத்து இவர் மீது வழக்குப்பதிவு செய்யப்பட்டது.
இதனிடையே தலைமறைவாக இருந்த கஸ்தூரியை பிடிக்க 2 தனிப்படை அமைக்கப்பட்டது. தெலுங்கானா மாநிலம் ஐதராபாத்தில் தங்கி இருந்த கஸ்தூரியை தனிப்படை போலீசார் கைது செய்து சென்னைக்கு கொண்டு வந்தனர். நேற்று முன்தினம் மாலை கோர்ட்டில் ஆஜர்படுத்தி புழல் பெண்கள் சிறையில் அடைத்தனர்.
நேற்று மாலை அவரது வக்கீல் குழு புழல் சிறைக்கு வந்து கஸ்தூரியை சந்தித்தார். பின்பு வெளியில் வந்த அவரது வக்கீல் டி.ஆர்.பிரபாகரன் செய்தியாளர்களிடம் பேசுகையில். ‘நடிகை கஸ்தூரி தரையில் படுத்து தூங்க முடியாமல் இரவு முழுவதும் கண்விழித்து இருந்தார். நேற்று காலை உணவு சாப்பிடாத நிலையில் மதியம் சக கைதிகளுக்கு வழங்கப்படும் உணவினை சாப்பிட்டார். நடிகை கஸ்தூரிக்கு முறையாக சம்மன் வழங்காமல் போலீசார் கைது செய்துள்ளனர். சிறையில் அவர் நல்ல மனநிலையில் இருக்கிறார். ஜாமீன் கேட்டு எழும்பூர் கோர்ட்டில் மனு கொடுத்துள்ளோம். விரைவில் அவருக்கு ஜாமீன் கிடைக்கும்’ என்றார்.
புழல் சிறையில் கஸ்தூரி எப்படி இருக்கிறார்: பொதுவாகவே புழல் சிறைக்கு ஒவ்வொரு நாளும் அழைத்து வரப்படும் கைதிகள் முதல் நாளில் அங்குள்ள ஹாலில் மொத்தமாக தங்க வைக்கப்படுவது வழக்கமாகும். அதன்படி, நேற்று முன்தினம் சுமார் 15 பெண் கைதிகள் வந்திருந்தார்கள். அவர்களுடன் ஹாலில் நடிகை கஸ்தூரி தங்கவைக்கப்பட்டிருந்தார். பின்னர், வழக்கமான சிறை வளாகத்தில் அடைக்கப்பட்டார். அறை எண் 10-ல் அடைக்கப்பட்ட அவர், நேற்று முன்தினம் இரவு சிறையில் போதிய தூக்கம் வராமல் அவதிப்பட்டுள்ளார்.
நேற்று காலை உணவை தவிர்த்துள்ளார். சிறைத்துறை அதிகாரிகளின் வற்புறுத்தலுக்கு இணங்க அவர் மதிய உணவை குறைந்த அளவே சாப்பிட்டாராம். சிறையில் அதிக நேரத்தை புத்தகம் படிப்பதில் ஆர்வம் காட்டினாராம். சிறையில் முக்கிய பிரமுகர்களுக்கு ஏ1 வகுப்பு வழங்கப்படுவது வழக்கம். நடிகை கஸ்தூரி பிரபலமான நடிகை என்பதால் அவருக்கு ஏ1 வகுப்பு வழங்கப்பட வாய்ப்பு இருக்கிறது. அதற்கு அவர் முறைப்படி நீதிமன்றத்தை அணுகி அனுமதி பெற வேண்டும். எனவே விரைவில் முதல் வகுப்பு கேட்க வாய்ப்பு உள்ளது. அதேநேரம் நாளை ஜாமீன் மனு விசாரணைக்கு வருகிறது. அப்போது அவருக்கு ஜாமீன் கிடைத்தால் வெளியே வந்துவிடுவார்.இல்லை என்றால் கொஞ்ச நாட்கள் சிறையில் இருக்க வேண்டிய நிலை உருவாகும்.