தமிழ் சினிமாவில் முன்னணி நடிகராக இருந்து வருபவர் அஜித்குமார். எந்த ஒரு சினிமா பின்புறமும் இல்லாமல் இன்று தனக்கென தனி இடத்தை தமிழ் சினிமாவில் பிடித்திருக்கிறார். ஆரம்பத்தில் இவருக்கு கார் ரேசிங்கில் தான் அதிக ஆர்வம் இருந்திருக்கிறது. தனது 18 வது வயதில் கார் ரேசிங்கில் கலந்து கொண்டார் அஜித்குமார். அந்த நேரத்தில் மாடலிங்கும் செய்து வந்தார். அதன் மூலம் அவருக்கு சினிமாவில் நடிக்கும் வாய்ப்பு கிடைத்தது.
1990களில் தமிழ் சினிமாவில் நாயகனாக அறிமுகமான அஜித் குமார் காதல் மன்னன் வாலி போன்ற பல வெற்றி திரைப்படங்களில் நடித்து தமிழ் சினிமாவின் சாக்லேட் பாயாக வலம் வந்தார். 2000 காலகட்டத்திற்கு பிறகு பல கமர்சியல் வெற்றி திரைப்படங்களில் நடித்து முன்னணி நடிகராக ஆனார் அஜித்குமார்.
நீண்ட இடைவேளைக்கு பிறகு அஜித்குமார் நடித்த விடாமுயற்சி திரைப்படம் பொங்கலுக்கு வெளியாகும் என்று கூறி பிப்ரவரி ஆறாம் தேதி ரிலீசானது. இந்த படம் தள்ளிப் போனதால் எல்லா திரைப்படங்களின் ரிலீஸும் குழப்பத்திற்கு உள்ளானது. அதே போல் இவர் நடித்த Good Bad Ugly திரைப்படம் கடந்த வியாழக்கிழமை வெளியானது. ரசிகர்கள் இந்த படத்திற்கு நல்ல விமர்சனங்களை கொடுத்து வருகிறார்கள். இந்நிலையில் Good Bad Ugly படத்தின் இயக்குனர் ஆதிக் ரவிச்சந்திரன் உடன் அஜித்குமார் மீண்டும் இணைந்து படம் பண்ண போகிறார் என்ற தகவல் வெளியானது.
Good Bad Ugly திரைப்படம் விரைவில் 200 கோடியை தொட இருக்கும் நிலையில் இந்த படத்தில் வரும் ஒத்த ரூபாயும் தாரேன், என் ஜோடி மஞ்ச குருவி, இளமை இதோ இதோ போன்ற பாடல்கள் என் அனுமதி இல்லாமல் பயன்படுத்தப்பட்டிரு க்கிறது அதனால் ஐந்து கோடி இழப்பீடு தர வேண்டும் என்று இளையராஜா பட குழுவிற்கு நோட்டீஸ் அனுப்பி இருந்தார். இதற்கு அடுத்ததாக Good Bad Ugly படத்தின் தயாரிப்பு நிறுவனம் இளையராஜா அவர்களுக்கு பணம் தர முடியாது என்று கூறி இருக்கிறார்கள். அது என்னவென்றால், இந்த படத்தில் வரும் எந்த விண்டேஜ் பாடல்களை பயன்படுத்தி இருக்கிறோமோ, அந்த இசை நிறுவனத்திடம் முறையாக அனுமதி பெற்றுவிட்டு தான் நாங்கள் பயன்படுத்தி இருக்கிறோம். அதனால் இளையராஜா அவர்களுக்கு பணம் தர முடியாது என்று பதிலடியாக கூறியிருக்கிறார்கள்.