விஜய் தொலைக்காட்சியில் ஒளிபரப்பாகும் பிக் பாஸ் 3 நிகழ்ச்சி மற்ற தொலைக்காட்சி நிகழ்ச்சிகளின் ஒட்டுமொத்த டிஆர்பியை தின்னும் அளவு சென்று கொண்டிருக்கிறது.
நேற்றைய நிகழ்ச்சியில் பிக் பாஸ் வீட்டிற்கு பிக் பாஸ் 2 போட்டியாளர்களான ஜனனி ஐயர் மற்றும் ரித்விகா வந்தனர். ரித்விகா படத்தின் டிரைலர் அங்கு ரிலீஸ் ஆனது.
ஜனனி ஐயர் படத்தின் ஃபர்ஸ்ட் லுக் இங்கு ரிலீஸ் ஆனது. அடுத்து அனைவருக்கும் ஷாக் கொடுக்கும் வகையில் பிக் பாஸ் ஒரு அறிவிப்பினை வெளியிட்டார்.
பைனலில் ஒருவர் மட்டுமே வெற்றி பெற்று ரூ.50 லட்சம் பெற முடியும். இன்று ரூ.5 லட்சத்தைப் பெற்றுக்கொண்டு இப்போதே வீட்டைவிட்டு வெளியேற விரும்புவோர் வெளியேறலாம் என்று கூறப்பட்டது.
அனைவரும் இதைக் கேட்டு ஷாக் ஆனபடி இருக்க, இன்னொரு ஷாக் கொடுக்கும் வகையில் கவின் எழுந்து நின்றார்.
அப்போது சாண்டி, நீ எதுக்கு எழுந்து நிக்கிற என்பதுபோல் மறுத்துப் பேசினார்.
உடனே சோகம் தாங்காத லோஸ்லியா எங்களுக்கு காரணம் தெரிந்தாக வேண்டும் என்று கேட்டார். ஆனாலும் கவின், நான் ரெடி போக என்று மீண்டும் கூறினார்.
அவர் போவாரா இல்லையா என்பது இன்றைய நிகழ்ச்சியில்தான் தெரியவரும்.