பிரதீப் ரங்கநாதன் தமிழ் சினிமாவில் வளர்ந்து வரும் இயக்குனர் மற்றும் நடிகராவார். இவர் ஆரம்பத்தில் குறும்படங்களை இயக்கியதன் மூலம் தனது சினிமாவில் தனது கேரியரை தொடங்கினார். அதற்கு பிறகு படத்தொகுப்பு உதவி இயக்குனர் என பல பணிகளை செய்து வந்தார்.
2019 ஆம் ஆண்டு ஜெயம் ரவியை வைத்து கோமாளி என்ற திரைப்படத்தை இயக்கினார் பிரதீப் ரங்கநாதன். இந்த திரைப்படம் நல்ல விமர்சனங்களை பெற்று வெற்றி பெற்றது. அதை தொடர்ந்து 2021 ஆம் ஆண்டு லவ் டுடே என்ற படத்தை இயக்கி அதன் மூலம் நாயகனாக தமிழ் சினிமாவில் அறிமுகமானார் பிரதீப் ரங்கநாதன். இந்த படமும் வெற்றி பெற்றது அவருக்கு திருப்புமுனையாக அமைந்தது. அதை தொடர்ந்து நாயகனாக பல படங்களில் கமிட்டாகி நடித்து வருகிறார் பிரதீப் ரங்கநாதன்.
இந்நிலையில் பிரதீப் ரங்கநாதன் நடிப்பில் அஸ்வத் மாரிமுத்து இயக்கத்தில் Dragon திரைப்படம் கடந்த பிப்ரவரி 21 ஆம் தேதி வெளியானது. இந்த திரைப்படம் குறைந்த பட்ஜெட்டில் எடுக்கப்பட்டிருந்தாலும் நல்லதொரு கதைக்களம், காட்சிகள் எல்லாமே நன்றாக இருக்கிறது என்று இதுவரை எல்லோரும் நல்ல விமர்சனங்களை கூறி வருகிறார்கள். வசூலிலும் நல்ல முன்னேற்றம் காணப்பட்டது.
இந்நிலையில் தற்போது Dragon திரைப்படம் வெளியாகி 10 நாட்கள் கடந்த பிறகு கடந்த வாரம் சனி ஞாயிற்றுக்கிழமை வார இறுதி நாட்களை முன்னிட்டு இந்த திரைப்படம் 100 கோடி வசூலை தொட்டிருக்கிறது. இந்த தகவலை படகுழுவினர் அதிகாரபூர்வமாக அறிவித்து இருக்கின்றனர். 36 கோடி என்ற லோ பட்ஜெட்டில் தயாரிக்கப்பட்டிருந்தாலும் அஸ்வத் மாரிமுத்துவின் கதைக்களம் மற்றும் பிரதீப் ரங்கநாதனின் அபாரமான நடிப்பின் மூலம் 100 கோடி வசூல் சாதனை படைத்து அனைவரையும் ஆச்சர்யப்பட வைத்திருக்கிறது Dragon திரைப்படம். இதனால் பட குழுவினர் மிகுந்த மகிழ்ச்சியில் இருக்கின்றனர்.
