துஷாரா விஜயன் தமிழ் சினிமாவில் வளர்ந்து வரும் நடிகை ஆவார். திண்டுக்கல்லில் பிறந்த துஷாரா விஜயன் ஃபேஷன் படிப்பை முடித்திருக்கிறார். அதற்கு பிறகு 2019 ஆம் ஆண்டு புதுமுகங்கள் தயாரித்த போதை ஏறி புத்தி மாதிரி என்ற திரைப்படத்தில் நடித்ததன் மூலம் தமிழ் சினிமாவில் அறிமுகமானார்.
2021 ஆம் ஆண்டு ஆர்யா நடித்த சார்பட்டா பரம்பரை திரைப்படத்தில் ஆர்யாவுக்கு ஜோடியாக நாயகியாக நடித்ததன் மூலம் பிரபலமானார் துஷாரா விஜயன். இந்த திரைப்படம் அவருக்கு சினிமா கேரியரில் திருப்புமுனையை ஏற்படுத்தியது. அடுத்ததாக 2022 ஆம் ஆண்டு நட்சத்திரம் நகர்கிறது திரைப்படத்தில் நடித்திருந்தார்.
இந்த வருடம் தனுஷ் இயக்கி நடித்த ராயன் திரைப்படத்தில் முக்கிய கதாபாத்திரத்தில் நடித்து புகழ்பெற்றார் துஷாரா விஜயன். இதன் மூலம் அவருக்கு பல சினிமா வாய்ப்புகள் கிடைக்க ஆரம்பித்தது. சூப்பர் ஸ்டார் ரஜினிகாந்த் நடிப்பில் வெளியாக இருக்கும் வேட்டையன் திரைப்படத்திலும் துஷாரா விஜயன் நடித்திருக்கிறார்.
வேட்டையன் பட ப்ரமோஷன் நிகழ்ச்சியில் கலந்து கொண்ட துஷாரா விஜயன் தனுசை பற்றி பேசி இருக்கிறார். அவர் கூறியது என்னவென்றால், வேட்டையன் பட சூட்டிங் ராயல் ஷூட்டிங்கும் ஒரே நேரத்தில் தான் நடந்தது. நான் வேட்டையன் படத்தில் தலைவருடன் ஒரு சீன் நடித்து விட்டு தான் ராயன் படம் சூட்டிங் வந்தேன்.
அப்போது தனுஷ் என்னிடம் வந்து வேட்டையன் படத்தில் நடிச்சிட்டு வறீங்களா தலைவர் கூட நடிச்சீங்களா அப்படின்னு என்கிட்ட கேட்டாரு. நான் ஆமான்னு சொன்னேன். உடனே தனுஷ் சார் நான் யாரை பார்த்தும் பொறாமை பட்டதில்லை உன்னை பார்த்து நான் முதல் முறையா பொறாமைப்படுறேன் அப்படினு சொன்னாரு என்று ஓபனாக பேசி இருக்கிறார் துஷாரா விஜயன்.