இசையமைப்பாளர் இளையராஜாவின் மூத்த புதல்வர் கார்த்திக்ராஜா.இவர் சிறுவயதில் இருந்தே இசையமைத்து வருவது சிறப்பு. முதன் முதலில் இவரது இசையமைப்பில் வந்த பாடல். பாண்டியன் படத்தில் இடம்பெற்ற பாண்டியனின் ராஜ்ஜியத்தில் உய்யலாலா,இந்த பாடலும் அந்த காலகட்டத்தில் மிகுந்த வரவேற்பை பெற்றது.
தொடர்ந்து பொன்னுமணி படத்தில் இடம்பெற்ற அடியே வஞ்சிக்கொடி பாடலுக்கு இசையமைத்தார். இந்த இரண்டு படத்துக்கும் இளையராஜாதான் இசை என்றாலும் இந்த இரண்டு பாடலை மட்டும் கார்த்திக்ராஜா இசையமைத்து இருந்தார்.
வள்ளி படத்தில்தான் ஓரளவு முழு இசையமைப்பாளராக அறிமுகமானார் இவர். இவர் உழைப்பாளி, தர்மசீலன் என பல படங்களில் பின்னணி இசை மட்டும் அமைத்துள்ளார். பின்னணி இசை அமைப்பதில் மிகவும் திறமைசாலி இவர்.
சில வருடங்களுக்கு முன் பிரசன்னா, சினேகா நடித்த அச்சமுண்டு அச்சமுண்டு படத்தில் எல்லாம் பின்னணி இசையை சிறப்பாக அமைத்திருந்தார் கார்த்திக்ராஜா.
எண்ணற்ற படங்களுக்கு இசையமைத்திருக்கும் கார்த்திக்ராஜா தற்போது விஜய் சேதுபதியின் மாமனிதன் படத்துக்கு இசையமைத்து வருகிறார்.
இன்று பிறந்த நாள் காணும் கார்த்திக்ராஜாவை வாழ்த்துவோம்