பிக் பாஸ் தமிழ் சீசன் 9 இன் 19 ஆம் நாள் நிகழ்வுகள் வீட்டில் பலத்த சலசலப்பையும், சண்டைகளையும், துரோக உணர்வையும் ஏற்படுத்தியது. இந்த நாள் முழுக்க உணர்ச்சி போராட்டங்கள் நிறைந்த ‘ஃபுல் மீல்ஸ்’ எபிசோடாக அமைந்தது.
1. பார்வதியின் கதறல் மற்றும் சுபிக்ஷாவின் தந்திரம்
பார்வதி உடல்நலம் சரியில்லாமல் தவித்த நிலையில், சுபிக்ஷா விளையாட்டில் வெற்றிபெற்று பாஸ் பெற்றார். இது பார்வதிக்கு சுத்தமாகப் பிடிக்கவில்லை. சுபிக்ஷாவிடம் பாஸ் வாங்க வேண்டிய நிலையை நினைத்து அவர் கார்டன் ஏரியாவில் கதறி அழுதார்.
சுபிக்ஷா, விக்கலுடன் டீல் பேசி, தன் வெற்றிக்கு பிறகு விக்ரம்ஸுக்கு ‘சாரி’ சொல்லி, பாஸை வேறு யாருக்கோ வழங்குவதாக கூறினார்.
இந்த சம்பவம், திவாகர் மற்றும் பார்வதியின் கூட்டணிக்குள் பெரும் விரிசலை ஏற்படுத்தியது. பார்வதி, “இவள் போன்ற ஆட்களிடம் நான் போய் நிற்க வேண்டுமா?” என்று புலம்பினார்.
பார்வதியின் ஆத்திரத்திற்கு காரணம், சுபிக்ஷாவிடம் தான் கெஞ்சியதெல்லாம் அவர்களுக்கு புரியவில்லை என்றும், டீல் போட்டது வெளியே தெரிந்தால் தனது முகம் உடையும் என்றும் அஞ்சியதே.
2. திவாகர் – பார்வதி மோதல் மற்றும் வினோத்தின் தூண்டுதல்
சுபிக்ஷாவை பற்றிப் பார்வதி கார்டன் ஏரியாவில் கோபமாக பேசிக்கொண்டிருந்தபோது, திவாகர் வந்து “நீ சொல்வது சரிதான்” என்று கூறினார். அப்போது ஆத்திரமடைந்த பார்வதி, “நீ எப்ப பாரு ரிவ்யூ செய்வதுதான் சரி என்று சொல்லி சொல்லிதான் என்னை இந்த மாதிரி செய்ய வைத்துவிட்டாய்” என்று திவாகர் மீது பாய்ந்தார்.
திவாகர் தன் மீதான குற்றச்சாட்டை மறுத்து, தான் வெகுளி என்றும், இன்னசென்ட் என்றும் மீண்டும் ஒரு பிம்பத்தை கட்டமைக்க முயன்றார்.
வினோத் வேண்டுமென்றே பார்வதியை தூண்டிவிட்டு, “அந்த திவாகர் பேச்சை கேட்காதே, உன் பேச்சை அவன் கேட்கவில்லை” என்று பேசி, திவாகர் – பார்வதி இடையேயான சண்டையை மேலும் அதிகரித்தார்.
3. திவாகர் Vs கமருதீன் சண்டை
‘Worst Performer’ தேர்வில் சிறைக்கு செல்ல நேர்ந்த கமருதீனுக்கும் திவாகருக்கும் இடையே பெரிய சண்டை வெடித்தது.
கமருதீன் ‘Worst’ என்று திவாகர் சுபிக்ஷாவை தவறாக பேசியபோது, வினோத், “மரத்துக்கு புடவையைக் கட்டுனா கூட வந்து நிற்பாள்” என்று பேசினார். இதை திவாகர் சுபிக்ஷாவுக்கு எதிராக பயன்படுத்த முயன்றபோது, கமருதீன் குறுக்கிட்டார்.
திவாகர் கோபத்தில், “எனக்குப் படிப்பு முன்னாடி வந்துவிட்டது, என் பேக்ரவுண்ட் என்ன தெரியுமா?” என்று ஜாதி பெருமையை பேசுவதாக பேசினார்.
இதைக் கமருதீன் உடனடியாக பிடித்து, “தேசிய தொலைக்காட்சியில் நின்று உன்னுடைய பேக்ரவுண்டை நீ எப்படிப் பேசலாம்? என்ன செய்துவிடுவாய் நீ?” என்று கேள்வி எழுப்பினார். இந்த தாக்குதலை சமாளிக்க முடியாமல் திவாகர் சட்டென்று அமைதியானார். பார்வதி மற்றும் திவாகர் இருவருக்குமே ஜாதிப் பெருமை பேசும் குணம் உண்டு என்ற குற்றச்சாட்டு பார்வையாளர்களுக்கு அவ்வப்போது எழுகின்றது.
கமருதீன் சத்தமாக பேசுவதைப் பயன்படுத்தி, தான் ‘சோக்கு’ என்ற வார்த்தைக்காக் கோபப்படவில்லை என்றும், சுபிக்ஷாவை தவறாகப் பேசியதால்தான் கோபப்பட்டதாகவும் திவாகர் நடித்து, மற்றவர்களின் அனுதாபத்தை பெற முயன்றார்.
4. சிறை தண்டனை மற்றும் மற்ற சண்டைகள்
‘Worst Performer’ ஆகத் தேர்வான கமருதீன் மற்றும் பார்வதி ஆகியோர் சிறைக்கு அனுப்பப்பட்டனர். சிறையில் இருந்தபோதும், கமருதீன் திவாகரின் செயல்களை விமர்சித்தார். “லவ் பண்ண பொண்ண பத்தி நான் வெளியில பேசுவேன், அவளை கல்யாணமே பண்ணுவேன். நீ என்ன செய்வாய்?” என்று கமருதீன் சவால் விட, திவாகர் அமைதியாய் கடந்து சென்றார்.
மொத்தத்தில் நேற்றைய எபிசோடு ‘இன்னசென்ட் போர்வை’ மற்றும் பாத்ரூம் சர்ச்சை,
திவாகர் வேண்டுமென்றே இன்னசென்ட் பிம்பத்தை பயன்படுத்தி காய்களை நகர்த்துவது போன்ற காட்சிகள் இருந்தது. அதேபோல் திவாகர் தான் ‘சென்சிபிள் ஆள்’ என்று கூறிவிட்டு, பெண்கள் பயன்படுத்தும் பாத்ரூமுக்குள் சென்றது விமர்சனத்திற்கு ஆளானது. பிக் பாஸ் வீட்டின் இந்த நாள், குழுக்களின் முகத்திரை கிழிந்த நாளாகவும், தனிப்பட்ட துரோகங்கள் வெளிப்பட்ட நாளாகவும் அமைந்தது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
