அஜீத் நடிப்பில் கடைசியாக வெளியான துணிவு படம் மிகப்பெரிய வெற்றியைப் பெற்ற நிலையில் அடுத்தாக விக்னேஷ் சிவன், மகிழ் திருமேனி உள்ளிட்டோரிடம் கதை கேட்டார். இதனையடுத்து மகிழ்திருமேனி கூறிய கதையானது அஜீத்துக்குப் பிடித்துப் போக விடா முயற்சி எனத் தலைப்பிடப்பட்டு கடந்த ஒன்றரை ஆண்டுகளாக ஷுட்டிங் நடைபெற்று தற்போது போஸ்ட் புரடக்ஷன் பணிகள் நடைபெற்றுக் கொண்டிருக்கிறது. அஜீத்துடன் அர்ஜுன், திரிஷா, ஆரவ் உள்ளிட்ட பலர் நடித்துள்ளனர்.
அஜர்பைஜான் நாட்டில் ஷுட்டிங் நடந்து வந்த நிலையில் அண்மையில ஷுட்டிங் முடிந்ததாக படக்குழு வீடியோ ஒன்றை வெளியிட்டது. மேலும் ஷுட்டிங் ஸ்பாட்டில் எடுக்கப்பட்ட சில காட்சிகளையும் வெளியிட்டு ரசிகர்களுக்கு அப்டேட் கொடுத்தனர். லைகா நிறுவனம் தயாரித்துள்ள விடா முயற்சி படத்துக்கு அனிருத் இசையமைக்கிறார்.
இந்நிலையில் விடா முயற்சி திரைப்படம் தீபாவளிக்கு வெளியாகும் என்று எதிர்பார்த்திருந்த நிலையில் தற்போது தீபாவளி ரேஸில் இருந்து பின்வாங்கியுள்ளது. இந்த வருடம் கங்குவா, வேட்டையன், அமரன், இந்தியன் 2, தி கோட் ஆகிய பெரிய பட்ஜெட் படங்களுடன் விடா முயற்சியும் லிஸ்ட்டில் இருந்தது.
வாழையை வம்புக்கு இழுத்த பிரபல எழுத்தாளர் சாரு நிவேதிதா.. இப்படி ஒரு விமர்சனமா?
தற்போது மேற்கண்ட படங்கள் அனைத்தும் ஒன்றன்பின் ஒன்றாக வெளியாகி வசூல் வேட்டை நடத்திவரும் நிலையில் விடா முயற்சி திரைப்படம் மீண்டும் பின்வாங்கியுள்ளது. தீபாவளிக்கு அமரன், கங்குவா போன்ற படங்கள் வெளியாகும் நிலையில் அதனுடன் விடா முயற்சியும் வரும் தல தீபாவளியாக இருக்கும் என எதிர்பார்த்துக் கொண்டிருந்த ரசிகர்களுக்கு படம் 2025 பொங்கலன்று வெளியாகும் என தகவல்கள் தெரிவிக்கின்றன.
இதனால் ரசிகர்கள் வெறுப்படைந்துள்ளனர். துணிவு படத்துடன் விஜய்யின் வாரிசு படம் வெளியாகியது. அதன்பின் விஜய் நடித்த லியோ, தி கோட் ஆகிய இரு படங்கள் வெளியாகி அடுத்தடுத்து வெற்றிகளைக் கொடுத்த நிலையில் அஜீத் மட்டும் அப்படியே இருக்கிறார். இதனால் ரசிகர்கள் அதிருப்தி அடைந்துள்ளனர். எனினும் அஜீத் படம் எப்போது வந்தாலும் திரையில் நாங்கள் கொண்டாடத் தயாராக இருக்கிறோம். இன்னும் காத்திருக்கிறோம் கமெண்டுகளில் தெரிவித்து வருகின்றனர்.
தற்போது அஜீத் ஆதிக் ரவிச்சந்திரன் இயக்கத்தில் குட் பேட் அக்லி படத்தில் நடித்து வருகிறார். இந்தப் படம் அடுத்த ஆண்டு ஏப்ரல் மாதம் வெளியாகும் என எதிர்பார்க்கப்படுகிறது.