பிரபல நடிகரும் இயக்குனருமான தியாகராஜன் அவர்களின் மகன் தான் நடிகர் பிரஷாந்த். சென்னையில் பிறந்து வளர்ந்தவர் பிரஷாந்த். தனது 17 வது வயதிலேயே திரையுலகில் கால் பதித்து நடிக்க ஆரம்பித்தவர். தமிழ், தெலுங்கு, மலையாளம், இந்தி ஆகிய மொழித் திரைப்படங்களில் நடித்தவர் பிரஷாந்த்.
1990 ஆம் ஆண்டு ‘வைகாசி பொறந்தாச்சு’ திரைப்படத்தின் மூலம் தமிழ் சினிமாவில் அறிமுகமானார். தொடர்ந்து ‘திருடா திருடா’, ‘செம்பருத்தி’, ‘கிழக்கே வரும் பாட்டு’, ‘ஆணழகன்’, ‘மன்னவா’ ஆகிய திரைப்படங்களில் நடித்தார் பிரஷாந்த்.
1998 ஆம் ஆண்டு இயக்குனர் ஷங்கர் இயக்கிய ‘ஜீன்ஸ்’ திரைப்படத்தில் இரட்டை வேடங்களில் நடித்தார். இப்படம் மாபெரும் வெற்றிப் பெற்று பிரஷாந்திற்கு திருப்புமுனையாக அமைந்தது. இப்படத்தின் பாடல்களும் கூட மெகாஹிட் ஆனது. தொடர்ந்து ‘பார்த்தேன் ரசித்தேன்’, ‘பிரியாத வரம் வேண்டும்’, ‘பூமகள் ஊர்வலம்’ போன்ற பல வெற்றித் திரைப்படங்களில் நடித்தார் பிரஷாந்த்.
1990 களில் புகழின் உச்சத்தில் தென்னிந்தியாவின் பிரபல நடிகர்களுள் ஒருவராக இருந்தார் பிரஷாந்த். தமிழ் சினிமாவின் சாக்லேட் பாயாக வலம் வந்தார் பிரஷாந்த். 2000 களின் நடுப்பகுதியில் மார்க்கெட் சரிந்து ஒரு கட்டத்தில் சினிமாவை விட்டே விலகி இருந்தார் பிரஷாந்த்.
தற்போது நீண்ட இடைவேளைக்குப் பிறகு பிரஷாந்த் ‘அந்தகன்’ திரைப்படத்தில் நாயகனாக நடிக்கிறார். இப்படம் வருகிற ஆகஸ்ட் மாதம் 15 ஆம் தேதி ரிலீஸ் ஆகிறது. தற்போது இந்தப் படத்தின் முதல் பாடலை வருகிற ஜூலை 24 ஆம் தேதி நடிகர் விஜய் அவர்கள் வெளியிட இருக்கிறார். இந்தப் பாடலை இசையமைப்பாளர் அனிருத்தும் நடிகர் விஜய் சேதுபதி அவர்களும் இணைந்து பாடியுள்ளனர். இந்தப் பாடலிற்கு பிரபுதேவா கோரியோகிராபி செய்துள்ளார் என்பது குறிப்பிடத்தக்கது.