தமிழ் சினிமாவில் ஒரு மாஸ் நடிகராக இருப்பவர் நடிகர் விஜய். அவரின் நடிப்பில் சமீபத்தில் வெளியாகி பெரும் வெற்றியை பெற்ற திரைப்படமாக கோட் திரைப்படம் அமைந்தது. பாக்ஸ் ஆஃபிஸிலும் சாதனை படைத்தது. மல்டி ஸ்டாரர் படமாக வெளியான இந்தப் படத்தை வெங்கட் பிரபு இயக்க யுவன் சங்கர் ராஜா இசையமைத்திருந்தார். படத்தில் ஒவ்வொருவருக்கும் தேவையான முக்கியத்துவம் கொடுக்கப்பட்டிருந்தது.
இந்தப் படத்தில் மிகவும் டிரெண்டிங்கான பாடல் மட்ட பாடல். த்ரிஷா மஞ்சள் கலர் சேலையில் வந்து அசத்தியிருப்பார். அந்தப் பாடலுக்கு இன்று வரை ரீல்ஸ் வீடியோக்களை விட்டு ரசிகர்கள் அவர்களின் ஆதரவை கொடுத்து வருகிறார்கள். மட்ட பாடலுக்கு முதலில் ஆட இருந்தவர் தெலுங்கு நடிகை ஸ்ரீலீலாதான். குண்டூர்காரன் படத்தில் அவர் போட்ட ஆட்டம் தமிழிலும் போட வைக்க வேண்டும் என எவ்வளவோ முயற்சித்தார்கள்.
விஜய் படம் என்றால் நடிக்க வந்து விடுவார் என்றுதான் நினைத்தார்கள். ஆனால் ஸ்ரீலீலாவை பொறுத்தவரைக்கும் முதன் முதலில் தமிழில் எண்டிரியானால் ஹீரோயினாகத்தான் எண்டிரியாவேன் என்று அந்த முடிவில் உறுதியாக இருந்துவிட்டாராம் ஸ்ரீலீலா. இந்த நிலையில் இப்போது தமிழில் ஒரு ஆல்பம் பாடலுக்கு நடிக்க போகிறாராம் ஸ்ரீலீலா.
அதுவும் அந்த ஆல்பத்தை அனிருத்தான் பண்ணப் போகிறாராம். அனிருத்தும் ஸ்ரீலீலாவும் சேர்ந்துதான் நடிக்கப் போகிறார்களாம். ஏற்கனவே அனிருத் படங்கள் மற்றும் வெளி நாட்டு கச்சேரிகள், விளம்பர படங்கள் என பிஸியாக இருக்கிறார். இதில் ஆல்பம் பாடலையும் உருவாக்க போகிறாராம்.
இப்போது அனிருத் தேவாரா படத்தில் பிஸியாக இருக்கிறார். அது முடிந்ததும் வேட்டையன் திரைப்படத்திற்காக ரீ ரிக்கார்டிங்கை ஆரம்பிக்கப் போகிறார். இப்படி அடுத்தடுத்து பிஸியாக இருக்கும் அனிருத் இந்த ஆல்பம் சாங்கை எப்போது ஆரம்பிக்க போகிறார் என்று தெரியவில்லை. இதற்கிடையில் விஜயுடன் ஆட மறுத்து இப்போது அனிருத் என்றதும் ஓடி வந்துட்டாரே ஸ்ரீலீலா என்று நெட்டிசன்கள் கூறி வருகிறார்கள்.