நாம் எல்லா நாட்களிலும் பூஜைகளையும், சடங்குகளையும் செய்வதில்லை. மக்கள் அனைவரும் எந்தவொரு நல்ல காரியத்தையும் தொடங்குவதற்கு முன் எந்த நாளில் இதை செய்தால் அந்த காரியம் வெற்றி அடையும் என்று ஜோதிட சாஸ்திரத்தில் பார்த்து தான் தொடங்குவார்கள். இப்படி நாள் பார்த்து எந்தவொரு விஷயத்தையும் ஆரம்பிக்கும் முறை இன்று நேற்று இல்லை, பல நூற்றாண்டுகளாக உள்ளது. இப்படி ஒரு நல்ல காரியங்களை ஆரம்பிக்க ஏற்ற திதி நாட்களை தான் நாம் சில நாட்களாகவே பார்த்து கொண்டு வருகிறோம்…
இன்று அப்படிப்பட்ட ஒரு நல்ல நாளான சப்தமி திதி நாளை பற்றி பார்ப்போம்….
இந்த திதிக்கு உரியவன் எல்லா உயிரினங்களுக்கும் அவசியமான சூரிய பகவான். இந்த உலகில் கற்பனையை மிஞ்சிய ஒரு அதிசயம் தான் இரவு, பகல் மாற்றம். இந்த இரவு பகல் மாற்றமே சூரிய பகவானால் தான் நிகழ்கிறது.
இந்த சப்தமி திதி நாளில் ஏழு குதிரைகள் பூட்டி காட்சி தரும் சூரிய பகவானை வணங்குவது பல நன்மைகளை நமக்கு ஏற்படுத்தும். நீண்ட தூரம் பயணம் மேற்கொள்ள விரும்புவர்கள் இந்த நாளில் செல்லலாம். எந்தவொரு பாதிப்பும் ஏற்படாது. மேலும் புதிய ஆடை, அணிகலன்கள் வாங்குவதற்கும் மற்றும் புதிய வீடு மாற்றுவதற்கும் ஏற்ற நாள் இந்த சப்தமி திதி நாள்.