புத்தாண்டு ராசி பலன் 2025 – அஷ்டமத்து சனியால் அசராத சிம்மம்.. லாப குருவால் கொட்டும் பண மழை!

2025 புத்தாண்டு பிறக்கப்போகிறது. இந்த ஆண்டிலாவது நமக்கு நல்லது நடக்க வேண்டும் என்பது பலரது எதிர்பார்ப்பு. நல்ல வேலை கிடைக்க வேண்டும். திருமணம் நடக்க வேண்டும், குழந்தை பிறக்க வேண்டும், கடன் பிரச்சினை தீர வேண்டும் என்று இறைவனை வேண்டுவார்கள். 2025ஆம் ஆண்டில் ஆண்டு கோள்களான சனி, குரு, ராகு, கேது பெயர்ச்சி நிகழப்போகிறது. இந்த கிரகங்களின் இடப்பெயர்ச்சியால் சிம்ம ராசிகளில் பிறந்தவர்களுக்கு கோடி கோடியாக செல்வம் தேடி வரப்போகிறது. குருவின் அருளாலும் ராகு, கேதுவின் புண்ணியத்தாலும் அற்புத மாற்றங்கள் நிகழப்போகிறது.

அஷ்டமத்து சனி:

2025 ஆம் ஆண்டு புத்தாண்டில் சிம்ம ராசிக்காரர்கள் கொஞ்சம் கவனமாக இருக்க வேண்டிய காலமாகும் காரணம் சனிபகவான் ஏழாம் வீட்டில் இருந்து எட்டாம் வீட்டிற்கு இடப்பெயர்ச்சி அடைகிறார். அஷ்டமத்து சனி காலம் என்றாலும் பயப்பட தேவையில்லை சனி பகவான் நல்லவர்களுக்கு நன்மையே செய்வார். சோதனைகள் கொடுத்தாலும் படிப்பினையை தருவார். பணம் கொடுக்க வாங்க விஷயத்தில் கவனம் தேவை. வாகன பயணங்களில் கவனம் தேவைப்படும். வேலை செய்யும் இடத்தில் பொறுமையாகவும் நிதானமாகவும் நடந்து கொள்வது அவசியம். உடல் ஆரோக்கியத்தில் அக்கறை தேவை.

குரு பெயர்ச்சி:

2025 ஆம் ஆண்டின் முற்பகுதியில் குரு பகவான் சாதகமான நிலையில் பயணம் செய்கிறார் தொழிற் ஸ்தானத்தில் பயணம் செய்யும் குரு பகவான் வேலை தொழிலில் நல்லதொரு மாற்றத்தை ஏற்படுத்துவார். குரு பெயர்ச்சி 2025 ஆம் ஆண்டு மே மாதம் 15 ஆம் தேதி நிகழப்போகிறது. குரு பகவான் உங்கள் ராசிக்கு லாப ஸ்தானத்தில் பயணம் செய்யப் போவதால் சிம்ம ராசிக்காரர்களுக்கு கை நிறைய சம்பளத்தில் வேலை கிடைக்கும் வேலையில் இருப்பவர்களுக்கு பிரமோஷன் கிடைக்கும்.

குருபார்வையால் நன்மை:

குரு பகவானின் பார்வை உங்கள் ராசிக்கு சாதகமாக நிலத்தில் விழுகிறது. ஆண்டின் பிற்பகுதியில் குரு பகவானின் பார்வை உங்கள் ராசிக்கு மூன்றாம் வீடு ஐந்தாம் வீடு ஏழாம் வீடுகளின் மீது படுகிறது குரு பலன் வந்து விட்டதால் திருமண யோகம் கைகூடிவரும். 2025 ஆம் ஆண்டின் இறுதியில் அக்டோபர், நவம்பர், டிசம்பர் மாதங்களில் உங்கள் ராசிக்கு விரைய ஸ்தானத்திற்கு குரு அதிசாரமாக இடப்பெயர்ச்சி அடையப்போவதால் எவ்வளவு பணம் வந்தாலும் சுப செலவுகள் அதிகரிக்கும். தொழில் வியாபாரத்தில் செய்யும் முதலீடுகளில் இரட்டிப்பு லாபம் கிடைக்கும். வேலை செய்யும் இடத்தில் இருந்த பிரச்சனைக்கும் முடிவுக்கு வரும்

ராகு, கேது பெயர்ச்சி:

ராகு ஆண்டின் முற்பகுதியில் அஷ்டம ஸ்தானத்தில் பயணம் செய்வது நல்லதல்ல. கேது உங்கள் ராசிக்கு குடும்பஸ்தானத்தில் பயணம் செய்வதால் பணம் விசயங்களில் கவனம் தேவை. வாக்கு கொடுத்து மாட்டிக்கொள்ள வேண்டாம். மே மாதம் இறுதியில் ராகு கேது பெயர்ச்சி நிகழ உள்ளது. ராகு உங்கள் ராசிக்கு ஏழாம் வீட்டிற்கும் கேது உங்கள் ராசியிலும் வந்து அமரப்போகின்றார். களத்திர ஸ்தானத்தில் வந்து அமரும் ராகு நன்மையே செய்வார். குடும்பத்தில் ஏற்பட்டிருந்த குழப்பம் நீங்கும். பல வழிகளில் இருந்தும் பணம் வரும். கூட்டு தொழில் சிறப்படையும். கேது உங்கள் ராசியில் வந்து அமரப் போகிறார் ஜென்ம கேது மன குழப்பத்தை ஏற்படுத்தும் தொழில் வியாபார விஷயமாக முக்கிய முடிவு எடுக்கும் போது ஆலோசனை தேவை.

குல தெய்வ வழிபாடு:

கடந்த இரண்டரை ஆண்டு காலமாக எத்தனையோ பிரச்சனைகளை சந்தித்து விட்டோம் இனி எதையும் சமாளிக்கலாம் என்ற தைரியம் தெம்போடு இருப்பீர்கள். குரு பகவான் உங்களுக்கு நல்ல பலன்களை தர போகிறார் குருவின் பயணமும் பாதையும் சிறப்பாக இருப்பதால் எதையும் சமாளிப்பீர்கள். சிம்ம ராசிக்காரர்கள் குலதெய்வ வழிபாடு செய்வது நல்லது. தினசரி சூரிய நமஸ்காரம் செய்ய வேண்டும் அம்மன் கோவிலுக்கு சென்று விளக்கேற்ற வழி விடுவது நல்லது.