புத்தாண்டு ராசி பலன் 2025 – திடீர் ஜாக்பாட்.. அனுபவிக்கத் தயாராகும் மிதுன ராசிக்காரர்கள்!

2025ஆம் ஆண்டு இன்னும் சில வாரங்களில் பிறக்கப்போகிறது. இந்த ஆண்டிலாவது நமக்கு திருமணம் நடைபெறுமா நல்ல வேலை கிடைக்குமா என பலருக்கும் எதிர்பார்ப்பு இருக்கும். 2025ஆம் ஆண்டில் ஆண்டு கோள்களான சனி, குரு, ராகு, கேது பெயர்ச்சி நிகழப்போகிறது. இந்த கிரகங்களின் இடப்பெயர்ச்சியால் மிதுன ராசிகளில் பிறந்தவர்களுக்கு திடீர் ஜாக்பாட் அடிக்குமா? கை நிறைய சம்பளத்தில் நல்ல வேலை கிடைக்குமா? என்ன மாதிரியான பலன்களை தரப்போகிறது என்று பார்க்கலாம்.

மிதுன ராசி:

புதன் பகவானை ராசி அதிபதியாகக் கொண்ட மிதுன ராசிக்காரர்களுக்கு பிறக்கப்போகும் புத்தாண்டின் முற்பகுதியில் நவ கிரகங்களின் பயணத்தால் சுப காரியங்கள் தடைகளை தாண்டி நடைபெறும். விரைய ஸ்தானத்தில் பயணம் செய்யும் குரு பகவான் சுப விரையங்களை தருவார். சனி பகவான் மார்ச் மாதம் வரைக்கும் பாக்ய ஸ்தானத்தில் பயணம் செய்வார். ஆன்மீக பயணங்கள் செல்வீர்கள். பத்தாம் வீட்டில் பயணம் செய்யும் ராகு தொழில் வியாபாரத்தில் வெற்றியை தேடித்தருவார்.

சனி பெயர்ச்சி:

2025ஆம் ஆண்டில் சனி பகவானின் பயணம் உங்களுக்கு சாதகமாகவே இருக்கப்போகிறது. பத்தாம் வீட்டிற்கு வரப்போகும் சனிபகவான் உங்களுக்கு பலவித நன்மைகளை செய்யப்போகிறார். கர்ம சனி காலம் என்பதால் செய்யும் வேலைகளில் கவனம் தேவை. சனி பகவானின் பார்வை உங்கள் ராசிக்கு விரைய ஸ்தானம், சுக ஸ்தானம், களத்திர ஸ்தானத்தின் மீது விழப்போவதால் குடும்பத்தில் கணவன் மனைவி இடையே தேவையற்ற வாக்குவாதங்களை தவிர்க்கவும், விட்டுக்கொடுத்து செல்வது நல்லது.

குரு பெயர்ச்சி:

குரு பகவான் 2025ஆம் ஆண்டு மே மாதம் வரைக்கும் 12ஆம் வீடான விரைய ஸ்தானத்தில் பயணம் செய்வார். பண வருமானம் அதிகரித்தாலும் சுப விரைய செலவுகளும் அதிகரிக்கும். குரு பகவானின் பயணத்தினால் உங்களுக்கு பல வழிகளிலும் பணம் வரும். மே மாதத்தின் மத்தியில் இடப்பெயர்ச்சியாகும் குரு பகவான் ஜென்ம குருவாக வந்து உங்கள் ராசியில் அமரப்போகிறார். குருபகவானின் பயணம் உங்களுக்கு மன அழுத்தத்தை கொடுத்தாலும் அவரது பார்வை உங்கள் ராசிக்கு 5,7,9ஆம் இடங்களின் மீது விழுவதால் திருமணம், சுபகாரிய முயற்சிகளில் வெற்றி கிடைக்கும். ஆண்டு முழுவதும் ஆன்மீக பயணங்கள் செல்வீர்கள்.

அதிசார குரு பெயர்ச்சி:

குரு பகவான் அக்டோபர் மாதத்தில் அதிசாரமாக உங்கள் ராசிக்கு இரண்டாம் இடத்திற்கு பயணம் செய்யும் காலத்தில் பண வருமானம் அதிகரிக்கும். குடும்பத்தில் இருந்த பிரச்சினைகள் முடிவுக்கு வரும். குருபகவானின் பார்வை தொழில் ஸ்தானத்தின் மீது விழுவதால் நல்ல வேலை கிடைக்கும். திடீர் ஜாக்பாட் அடிக்க வாய்ப்புள்ளது. வேலை செய்யும் இடத்தில் பொறுமையையும் நிதானத்தையும் கடைபிடிக்க வேண்டியது அவசியம். மன தைரியம் அதிகரிக்கும்.

ராகு கேது பெயர்ச்சி:

2025ஆம் ஆண்டின் முற்பகுதியில் ராகு பத்தாம் வீட்டில் பயணம் செய்வதால் வேலை தொழிலில் இருந்த பிரச்சினைகள் முடிவுக்கு வரும். கேது நான்காம் வீட்டில் பயணம் செய்வதால் அம்மாவின் உடல் ஆரோக்கியத்தில் அக்கறை காட்டுவது அவசியம். மே மாதத்தில் ராகு, கேது பெயர்ச்சி நிகழப்போகிறது. ராகு பாக்ய ஸ்தானத்தில் பயணம் செய்யும் காலத்தில் அப்பா வழி சொந்தங்களிடம் கவனம் தேவை. திடீர் ஆன்மீக பயணம் செல்வீர்கள். வெளிநாடு வேலைக்காக செல்லும் முயற்சிகளில் வெற்றி கிடைக்கும். கேது முயற்சி ஸ்தானமான 3ஆம் வீட்டில் பயணம் செய்யும் காலத்தில் இளைய சகோதரர்களின் உதவி கிடைக்கும். குடும்பத்தில் சுப காரியங்களில் ஏற்பட்ட தடைகள் விலகும். மறைமுக எதிரிகள் மாயமாவார்கள். பூர்வீக சொத்துகளில் இருந்து வந்த பிரச்னைகள் விலகும்.

மொத்தத்தில் 2025ஆம் ஆண்டில் மிதுன ராசிக்காரர்களுக்கு சாதகமும் பாதகமும் நிறைந்த ஆண்டாக அமையப்போகிறது. மிதுன ராசிக்காரர்கள் ஆண்டு முழுவதும் புதன்கிழமை பெருமாள் கோவிலுக்கு சென்று துளசி வாங்கிக் கொடுக்க பாதிப்புகள் குறைந்து பாதிப்புகள் குறைந்து நன்மைகள் நடைபெறும்.

மேலும் ஜோதிட தகவல்களுக்கு தமிழ் மினிட்ஸ் இணையதளத்தை பின்தொடருங்கள்.