ஆல்வேஸ் ஜாலிடே என்ற பாடலோடு பிக் பாஸ் வீட்டின் நேற்றைய நாள் புலர்ந்தது. இறுதிக் கட்டத்தினை நெருங்கவுள்ள நிலையில், பிக் பாஸ் வீட்டிற்குள் பெரிதளவில் சண்டைகள் ஏதும் இல்லாமல் சென்று கொண்டிருக்கிறது.
வீ ஆர் த பாய்ஸ் அணியில் ஷெரினும் ஒன்றாகிவிட்டார். காலையில் வழக்கம்போல் சாண்டி ஷெரினை கலாய்த்துக் கொண்டிருந்தார்.
போட்டியாளர்களுக்கு இனி சாண்டிதான் சமைக்க வேண்டும் என்று பிக் பாஸ் கூற, பிக் பாஸிற்கு சாண்டியின் சமையல் அவ்வளவு பிடித்துவிட்டதுபோல என அனைவரும் கிண்டல் செய்து வருகின்றனர்.
அடுத்து, உடைத்திடு, எடுத்திடு என்ற டாஸ்க்கினை பிக் பாஸ் கொடுத்தார்.
பலூன் உடைக்கும் இந்த டாஸ்க்கில் அனைவரும் ஆர்வமாக செயல்பட்டனர்.
இந்த டாஸ்க்கில் தர்ஷன் அதிகபட்சமாக 14 பலூன்கள் உடைத்து முதலிடம் பிடித்துள்ளார். பாஸ் என்ன பாஸ் நீங்க, கோல்டன் டிக்கெட்டை வின் பண்ணுவீங்கன்னு பார்த்தா, அதுல கோட்டைவிட்டுட்டு சின்னப்பிள்ளை மாதிரி விழுந்து விழுந்து பலூன் உடைக்கிறீங்க? என பலரும் கிண்டல் செய்து வருகின்றனர்.