பிக் பாஸ் சீசன் 3 கிட்டத்தட்ட இறுதிக் கட்டத்தை நெருங்கிவிட்டது. இன்னும் நிகழ்ச்சி முடிவடைய ஒரு வாரம் மட்டுமே உள்ளது. பிக் பாஸ் வீட்டில் முகேன், தர்ஷன், கவின், சாண்டி, லாஸ்லியா மற்றும் ஷெரீன் என 6 பேர் இருந்தனர்.
இவர்களில் முகேன் ஏற்கனவே டாஸ்க்குகளில் வெற்றி பெற்றதன் மூலம் பைனலுக்கு நேரிடையாக சென்றுவிட்டதால், முகேனை தவிர மற்ற 5 பேரும் இந்த வாரம் நாமினேட் செய்யப்பட்டிருந்தனர்.
இந்நிலையில் நிகழ்ச்சியின் 94வது நாளன்று பிக் பாஸ் திடீரென்று ஒரு சலுகையை அறிவித்தார். போட்டியில் ஒருத்தர் மட்டுமே 50 லட்சம் ரூபாயை வெல்ல முடியும். எனவே இப்போது உடனே வெளியேறுபவர் 5 லட்சம் பெற்றுக் கொண்டு வெளியேறலாம் என்று அறிவித்தார்.
உடனே கவின் இந்த சலுகையைப் பெற்றுக் கொண்டு வெளியேறுவதாக பிக் பாஸிடம் தெரிவித்தார். வீட்டில் இருந்த சகப் போட்டியாளர்கள் கவின் முடிவிற்கு எதிர்ப்பு தெரிவித்தாலும், கவின் அவர்களை சமாதானம் செய்துவிட்டு பிக் பாஸ் வீட்டை விட்டு வெளியேறினார்.
இந்த வாரம் நாமினேட் செய்யப்பட்டவர்களில் வேறு யார் எலிமினேட் ஆகப் போகிறார்கள் என்ற எதிர்ப்பார்ப்பும் ரசிகர்கள் மத்தியில் எழுந்துள்ளது.