தமிழக அரசியல் வரலாற்றில் இதுவரை கண்டிராத ஒரு பிரம்மாண்டமான மாற்றத்தின் தொடக்கமாக, தமிழக வெற்றி கழகத்தின் பொதுக்கூட்டங்களுக்கு திரளும் மக்கள் கடல் அமைந்துள்ளது. அரை நூற்றாண்டு காலமாக தமிழகத்தை மாறி மாறி ஆட்சி செய்து வரும் திமுக மற்றும் அதிமுக ஆகிய இரு பெரும் திராவிட கட்சிகளையும், விஜய்யின் இந்த மக்கள் எழுச்சி நடுநடுங்க வைத்துள்ளது.
ஒரு காலத்தில் மக்கள் திலகம் எம்ஜிஆர் மற்றும் கலைஞர் கருணாநிதி ஆகியோருக்கு திரண்ட கூட்டம்தான் தமிழகத்தின் உச்சபட்ச கூட்டமாக பார்க்கப்பட்டது. ஆனால், இன்று அந்த சாதனைகளையெல்லாம் சுக்குநூறாக உடைத்து, தவெக தலைவர் விஜய் ஒரு புதிய மைல்கல்லை எட்டியுள்ளார். “அப்படி என்னதான் இருக்குது அந்த விஜய்கிட்ட?” என்று அரசியல் விமர்சகர்கள் மண்டையை பிச்சிக்கொள்ளும் அளவிற்கு, கூட்டத்தை வெறும் கைகளால் கட்டி இழுக்கும் ஒரு காந்த சக்தியாக அவர் உருவெடுத்துள்ளார்.
இந்த மாற்றத்திற்கு பின்னால் இருக்கும் மிக முக்கியமான காரணன், இளைஞர்கள் மத்தியில் ஏற்பட்டுள்ள அரசியல் விழிப்புணர்வு ஆகும். “அரசியல் நமக்கு எதுக்கு?” என்றும், “அரசியல் ஒரு சாக்கடை” என்றும் ஒதுங்கி இருந்த இன்றைய தலைமுறை இளைஞர்கள், இப்போது “நாம்தான் இந்த நாட்டின் எதிர்கால அரசியல்” என்பதை ஆணித்தரமாக புரிந்து கொண்டுள்ளனர். இத்தனை காலமும் முதியவர்களாலும், ஓய்வுபெற்றவர்களாலும் வழிநடத்தப்பட்டு வந்த தமிழக அரசியல், இனி வரும் காலங்களில் இளைஞர்களின் கைகளுக்கு மாறப்போகிறது என்பதையே விஜய்க்கு திரளும் கூட்டம் உணர்த்துகிறது. இனிமேல் வயதானவர்களும், ரிட்டயர்டு ஆனவர்களும் தமிழ்நாட்டில் தங்களின் பழைய பாணி அரசியலை முன்னெடுக்க முடியாது என்ற ஒரு தெளிவான செய்தியை தவெக நிர்வாகிகள் உரக்க சொல்லியுள்ளனர்.
தமிழக வெற்றி கழகத்தின் நிர்வாகிகள் தற்போது சமூக வலைதளங்களில் “தவெக ராக்ஸ்” என்ற முழக்கத்துடன் ஆவேசமான பதிவுகளை இட்டு வருகின்றனர். விஜய்யின் வருகை என்பது வெறும் ஒரு நடிகரின் வருகையல்ல, அது 50 ஆண்டுகளுக்கு ஒருமுறை தோன்றும் ஒரு அதிசயம் நட்சத்திரம் போல, இளைஞர்கள் கண்டெடுத்த ஒரு மாற்று வழி. திராவிட கட்சிகளின் வாரிசு அரசியலுக்கும், இலவச திட்டங்களுக்கும் மயங்காத ஒரு புதிய வாக்காளர் கூட்டம் விஜய்யின் பின்னால் அணிவகுத்து நிற்கிறது. இளைஞர்கள் வெறும் கொடி பிடிப்பவர்களாக மட்டும் இல்லாமல், கொள்கைகளை வகுப்பவர்களாகவும் மாற தொடங்கிவிட்டது திராவிட கோட்டைகளின் அஸ்திவாரத்தையே அசைத்து பார்த்துள்ளது.
விஜய்யிடம் இருக்கும் அந்த எளிமையும், அவர் முன்வைக்கும் “சமத்துவ அரசியல்” மற்றும் “மதச்சார்பற்ற கொள்கைகள்” இன்றைய கால இளைஞர்களுக்கு ஒரு புதிய நம்பிக்கையை கொடுத்துள்ளது. திமுகவின் பலமான கட்டமைப்பு மற்றும் அதிமுகவின் நீண்டகால அனுபவம் ஆகியவற்றை தாண்டி, ஒரு தனி மனிதனாக விஜய் இவ்வளவு பெரிய தாக்கத்தை ஏற்படுத்தியிருப்பது தமிழக அரசியலில் ஒரு அதிசயம். 2026 சட்டமன்ற தேர்தலில் இந்த இளைஞர் பட்டாளம் ஒரு மிகப்பெரிய தீர்மானிக்கும் சக்தியாக மாறும் என்பதில் எள்ளளவும் சந்தேகமில்லை.
இறுதியாக, தமிழகத்தின் எதிர்காலத்தை இனி இளைஞர்கள்தான் தீர்மானிக்க போகிறார்கள். அந்த பயணத்தின் தளபதியாக விஜய் முன்னால் நிற்கிறார். பழைய அரசியல் தந்திரங்களும், மிரட்டல்களும் இனி வேலை செய்யாது என்பதை தவெகவின் ஒவ்வொரு தொண்டனும் தனது செயல்பாடுகள் மூலம் நிரூபித்து வருகிறான். கோட்டையை பிடிக்கப்போவது யார்? என்ற கேள்விக்கு, “இளைஞர்கள் கையில் இருக்கும் விஜய்தான்” என்று தவெகவினர் மிக உறுதியாக பதில் கூறுகின்றனர்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
