தமிழக அரசியல் வரலாற்றில் 2026 சட்டமன்ற தேர்தல் ஒரு மிக முக்கியமான மைல்கல்லாக அமையப்போகிறது என்பதற்கான அறிகுறிகள் தற்போதே தென்பட தொடங்கிவிட்டன. பொதுவாக தமிழகத்தில் தேர்தல் என்றாலே அரசியல் கட்சிகள் கூட்டத்தை கூட்டப் பிரியாணி பொட்டலங்களையும், மது பாட்டில்களையும் விநியோகித்து மக்களை அழைத்து வரும் கலாச்சாரம் நீண்டகாலமாக இருந்து வருகிறது. ஆனால், தற்போது ஒரு புதிய மாற்றம் மெல்ல உருவெடுத்து வருவதை யாராலும் மறுக்க முடியாது. ஒரு பக்கம் ஆளுங்கட்சியும் எதிர்க்கட்சியும் பெரும் சிரமப்பட்டு கூட்டத்தை கூட்டிக் கொண்டிருக்கும் வேளையில், மறுபக்கம் எந்தவித எதிர்பார்ப்பும் இன்றி தானாக சேரும் மக்கள் கூட்டத்தை கட்டுப்படுத்த முடியாமல் காவல்துறையினர் திணறி வரும் காட்சிகள் சமூக வலைதளங்களில் வைரலாகி வருகின்றன.
இந்த தன்னிச்சையான மக்கள் எழுச்சி என்பது வெறும் சினிமா மோகத்தால் உருவானது அல்ல, மாறாக பல ஆண்டுகளாக நிலவி வரும் திராவிட கட்சிகளின் ஆட்சி முறைக்கு எதிரான ஒரு மௌன புரட்சியாகவே பார்க்கப்படுகிறது. பணபலம், அதிகார பலம் மற்றும் வலுவான கூட்டணிகள் என அனைத்தும் ஒருபுறம் இருந்தாலும், மக்களின் உண்மையான ஆதரவு யாரிடம் இருக்கிறது என்பதை இந்த எழுச்சி வெளிச்சம் போட்டு காட்டுகிறது. பிரியாணிக்காகவும் பணத்திற்காகவும் வரும் கூட்டத்திற்கும், ஒரு மாற்றத்தை நோக்கி தானாக ஓடிவரும் கூட்டத்திற்கும் உள்ள வித்தியாசமே அடுத்த முதலமைச்சர் யார் என்பதை தீர்மானிக்கும் காரணியாக அமைய போகிறது.
இன்றைய வாக்காளர்கள், குறிப்பாக இளைஞர்கள், கவர்ச்சிகரமான சலுகை அறிவிப்புகளையோ அல்லது தேர்தல் நேரத்தில் வீசியெறியப்படும் பணத்தையோ கண்டு ஏமாற தயாராக இல்லை என்பதை இப்போதைய சூழல் உணர்த்துகிறது. காலம் காலமாக சொல்லப்பட்டு வரும் அதே வாக்குறுதிகள் மற்றும் இலவச திட்டங்கள் மக்கள் மத்தியில் சலிப்பை ஏற்படுத்தியுள்ளன. ஊடகங்களிலும் சமூக வலைதளங்களிலும் சில நூறு ரூபாய்களுக்காக சில தரப்பினர் ஒரு குறிப்பிட்ட கட்சிக்கு ஆதரவாக கூவினாலும், அடிமட்ட தொண்டர்களுக்கும் சாமானிய மக்களுக்கும் நிலவரம் என்ன என்பது நன்றாகவே தெரிந்திருக்கிறது.
தமிழக வெற்றி கழகத்தின் தலைவர் விஜய் அரசியலுக்கு வந்த பிறகு, அரசியல் களம் ஒரு புதிய திசையை நோக்கி நகர தொடங்கியுள்ளது. மற்ற கட்சிகள் ஒரு தொகுதியை கைப்பற்ற பல கோடி ரூபாய்களை செலவு செய்ய தயாராக இருக்கும் நிலையில், விஜய் போன்ற ஒரு புதிய தலைவர் மீது மக்கள் வைத்திருக்கும் நம்பிக்கை மற்ற அரசியல்வாதிகளுக்கு பெரும் அச்சத்தை ஏற்படுத்தியுள்ளது. பாரம்பரிய அரசியல் வியூகங்கள் அனைத்தும் இந்த முறை தோல்வியை தழுவக்கூடும் என்றும், மக்களின் உண்மையான எதிர்பார்ப்புகளை பூர்த்தி செய்யும் ஒரு புதிய தலைமைக்கு தமிழகம் வழிவிடும் என்றும் அரசியல் விமர்சகர்கள் கருத்து தெரிவிக்கின்றனர்.
ஆளுங்கட்சியின் அதிகார துஷ்பிரயோகம் மற்றும் எதிர்க்கட்சிகளின் பலவீனமான நிலைப்பாடு ஆகியவை விஜய்க்கு ஒரு மிகப்பெரிய சாதகமான சூழலை உருவாக்கியுள்ளன. Win-Win என்ற நிலையில் விஜய் இருக்கும் இந்த சூழலில், மற்ற கட்சிகள் தங்களது இருப்பை தக்கவைத்து கொள்ளவே போராட வேண்டியிருக்கும். காவல்துறையினரால் கூட கட்டுப்படுத்த முடியாத அளவிற்கு சேரும் இந்தக் கூட்டம், வாக்குச்சாவடிகளிலும் பிரதிபலிக்கும் பட்சத்தில் தமிழக அரசியலில் ஒரு மிகப்பெரிய சுனாமி ஏற்படுவது உறுதி. இது வெறும் ஒரு நடிகரின் வருகை அல்ல, ஒரு சகாப்தத்தின் தொடக்கமாகவே பார்க்கப்படுகிறது.
முடிவாக, 2026 தேர்தல் என்பது வெறும் வெற்றி தோல்வியை தீர்மானிக்கும் போட்டியல்ல, அது தமிழகத்தின் எதிர்காலத்தை தீர்மானிக்கும் ஒரு பெரும் போர். பணமோ, பிரியாணியோ மக்களின் மனதை மாற்றிவிட முடியாது என்பதை வரும் தேர்தல் முடிவுகள் நிரூபிக்கும். ஊடக பொய்களையும், அரசியல் தந்திரங்களையும் தாண்டி மக்கள் தங்களுக்கு தேவையான தலைவரை தேர்ந்தெடுப்பதில் உறுதியாக உள்ளனர். அந்த வகையில், தமிழக வெற்றிக் கழகத்தின் எழுச்சி என்பது மாற்றத்தை விரும்பும் ஒவ்வொரு தமிழனின் குரலாக ஒலித்து கொண்டிருக்கிறது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
