தமிழக அரசியல் களம் தற்போது முன்னெப்போதும் இல்லாத வகையில் ஒரு புதிய நட்சத்திரத்தின் வருகையால் பெரும் அதிர்வுகளையும் விவாதங்களையும் சந்தித்து வருகிறது. ‘தமிழக வெற்றிக் கழகம்’ என்ற கட்சியை தொடங்கி, 2026 சட்டமன்ற தேர்தலை நோக்கி பயணிக்கும் நடிகர் விஜய்யின் அரசியல் பிரவேசம், அதிகாரத்தில் இருக்கும் கட்சிகளுக்கும் பாரம்பரிய அரசியல் அமைப்புகளுக்கும் பெரும் சவாலாக மாறியுள்ளது. குறிப்பாக, மத்திய அரசின் ஏஜென்சிகளான சிபிஐ போன்ற அமைப்புகளை கொண்டு பாஜக மிரட்டல் விடுக்கிறது. அதேபோல் விஜய்யின் ‘ஜனநாயகன்’ திரைப்படம் பொங்கலுக்கே ரிலீஸாக இருக்க வேண்டிய நிலையில் அந்த படத்தையும் முடக்கி இடைஞ்சல் கொடுக்கிறது. இத்தனை நெருக்கடிகளுக்கு மத்தியிலும் விஜய் தனது நிலைப்பாட்டில் உறுதியாக நிற்பது அரசியல் வட்டாரத்தில் ஒரு ‘கெத்தான’ விஷயமாகவே பார்க்கப்படுகிறது.
காங்கிரஸ் போன்ற தேசியக் கட்சிகள் ஒருபுறம் நம்ப வைத்து ஏமாற்றும் போக்கை கடைப்பிடிப்பதாக விஜய்யின் ஆதரவாளர்கள் கருதுகின்றனர். அதே சமயம், தமிழகத்தின் ஆளுங்கட்சியான திமுக, தனது அதிகார பலத்தை பயன்படுத்தி விஜய்யின் ஒவ்வொரு நகர்விற்கும் முட்டுக்கட்டை போடுவதாக குற்றச்சாட்டுகள் எழுகின்றன. மாநாடுகள் நடத்துவதில் தொடங்கி, நிர்வாக ரீதியான அனுமதிகள் வரை திமுக அரசு பல்வேறு இடைஞ்சல்களை கொடுப்பதாக விஜய்யின் தரப்பில் கூறப்படுகிறது. ஒருபுறம் திமுகவின் நேரடி மோதல் என்றால், மறுபுறம் அதிமுகவும் தனது பங்கிற்கு அரசியல் ரீதியாக சில காய்களை நகர்த்தி வருகிறது. இத்தனை முனை தாக்குதல்களையும் தனி ஒருவராக நின்று சமாளிப்பது என்பது சாதாரண காரியமல்ல.
தமிழக ஊடகங்களின் செயல்பாடுகளும் தற்போது கடுமையான விமர்சனத்திற்கு உள்ளாகி வருகின்றன. ஏறத்தாழ 90 சதவீத ஊடகங்கள் விஜய்யின் அரசியலை எதிர்மறையாக சித்தரிப்பதையே முழுநேர வேலையாக கொண்டுள்ளன என்ற கருத்து நிலவுகிறது. ஒவ்வொரு சிறிய விஷயத்தையும் ஊதி பெரிதாக்கி, விஜய்யின் நற்பெயருக்கு களங்கம் விளைவிக்கும் முயற்சியில் சில ஊடக நிறுவனங்கள் செயல்படுவதாக கூறப்படுகிறது. ஆரோக்கியமான விமர்சனங்களை தாண்டி, தனிநபர் தாக்குதல்களிலும் வசைபாடல்களிலும் ஊடகங்கள் ஈடுபடுவது ஜனநாயகத்தின் நான்காவது தூண் மீதான நம்பிக்கையை தளர்த்தியுள்ளது. இத்தனை எதிர்மறை பிரச்சாரங்களையும் கடந்து விஜய் மக்கள் மத்தியில் செல்வாக்குடன் இருப்பது கவனிக்கத்தக்கது.
அரசியல் விமர்சகர்கள் என்று தங்களை அழைத்துக்கொள்பவர்களின் நிலையும் இதற்கு விதிவிலக்கல்ல. பல விமர்சகர்கள் நடுநிலையை தவறி, குறிப்பிட்ட கட்சிகளிடம் பணம் பெற்றுக்கொண்டு விஜய்க்கு எதிராக கூக்குரலிடுவதாக தெரிகிறது. “கொடுத்த காசுக்கு மேல் கூவுகிறார்கள்” என்ற விமர்சனம் இவர்கள் மீது முன்வைக்கப்படுவதற்கு அவர்களின் ஒருதலைப்பட்சமான கருத்துக்களே காரணமாகின்றன. விஜய்யின் அரசியல் வருகையால் தங்களின் இருப்பு கேள்விக்குறியாகும் என்று அஞ்சும் சிலர், திட்டமிட்டு அவரது கொள்கைகளையும் செயல்பாடுகளையும் கிண்டல் செய்து வருகின்றனர். இத்தகைய போலி விமர்சனங்களுக்கு தனது மவுனத்தையே பதிலாகத் தந்து விஜய் முன்னேறி வருகிறார்.
இத்தனை தடைகள், மிரட்டல்கள், அதிகார துஷ்பிரயோகங்கள் மற்றும் ஊடக புறக்கணிப்புகளுக்கு இடையிலும் ஒரு மனிதன் தனித்து நின்று போராடுகிறான் என்றால், அவனது மன உறுதி எவ்வளவு வலிமையாக இருக்க வேண்டும்? இது வெறும் சினிமா புகழ் மட்டுமல்ல, ஒரு மாற்றத்தை கொண்டு வர வேண்டும் என்ற துடிப்புதான் அவரை இவ்வளவு பெரிய ‘கெத்துடன்’ நிற்க வைக்கிறது. விஜய்யை போன்ற ஒருவரை வெறும் நடிகராக மட்டும் பார்க்காமல், அனைத்து சவால்களையும் நெஞ்சுயர்த்தி எதிர்கொள்ளும் ஒரு போராளியாக மக்கள் பார்க்க தொடங்கியுள்ளனர். ஒரு மனிதனின் நேர்மையையும் துணிச்சலையும் உரசி பார்க்கும் இந்த காலகட்டத்தில், அவர் காட்டும் உறுதி வியப்பிற்குரியது.
இறுதியாக, தமிழக மக்கள் சிந்திக்க வேண்டிய தருணம் இது. இத்தனை எதிர்ப்புகளையும் தாண்டி ஒருவன் மக்களுக்காக நிற்கும்போது, அவரை அங்கீகரிக்க வேண்டியது காலத்தின் கட்டாயம். இத்தகைய நேர்மையான மற்றும் துணிச்சலான ஒரு தலைவரை மக்கள் மிஸ் பண்ணலாமா என்ற கேள்வி பலரின் மனதில் எழுகிறது. அரசியல் சாக்கடை என்று ஒதுங்கி போகாமல், அதனை சீரமைக்க வந்திருக்கும் ஒருவருக்கு தகுந்த வாய்ப்பு வழங்குவது மக்களின் கைகளில்தான் உள்ளது. 2026 தேர்தல் களம் விஜய்யின் இந்த தியாகத்திற்கும் போராட்டத்திற்கும் தகுந்த பரிசை வழங்குமா என்பதை பொறுத்திருந்துதான் பார்க்க வேண்டும்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
