தமிழக அரசியலில் இதுவரை கண்டிராத ஒரு மிகப்பெரிய மாற்றத்திற்கான அறிகுறிகள் தென்படுவதாக டெல்லி மற்றும் மும்பையை சேர்ந்த முன்னணி கருத்துக்கணிப்பு நிறுவனங்கள் இணைந்து நடத்திய ஆய்வில் தெரியவந்துள்ளது. தமிழக வெற்றி கழகத்தின் தலைவர் விஜய், தற்போதைய நிலையில் 40 சதவீதத்திற்கும் அதிகமான மக்களின் ஆதரவை பெற்று முதலிடத்தில் இருப்பதாக இந்த தகவல்கள் தெரிவிக்கின்றன. குறிப்பாக, கடந்த சில மாதங்களாக தமிழகம் முழுவதும் நடத்தப்பட்ட ரகசிய ஆய்வில், அனைத்து தரப்பு மக்களும் விஜய்யின் வருகையை ஒரு புதிய நம்பிக்கையாக பார்ப்பது உறுதியாகியுள்ளது. இந்த அதிரடி மாற்றமானது தமிழக அரசியல் வரலாற்றில் ஒரு திருப்புமுனையாக அமையும் என அரசியல் விமர்சகர்கள் கருத்துத் தெரிவித்து வருகின்றனர்.
இந்த கருத்துக்கணிப்பின் முடிவுகள் அரசியல் வட்டாரத்தில் பெரும் அதிர்வலைகளை ஏற்படுத்தியுள்ளன. குறிப்பாக, தவெக வரவிருக்கும் சட்டமன்ற தேர்தலில் 120 முதல் 150 தொகுதிகள் வரை வெற்றி பெற்று தனிப்பெரும் கட்சியாக உருவெடுக்க வாய்ப்புள்ளதாக கூறப்படுகிறது. கருத்துக்கணிப்பு எடுக்க சென்ற களப்பணியாளர்களுக்கே ஆச்சரியம் அளிக்கும் வகையில், “யாரை கேட்டாலும் விசிலுக்கு தான் என் ஓட்டு” என பொதுமக்கள் வெளிப்படையாக கூறி வருகின்றனர். இளைய தலைமுறை முதல் முதியவர்கள் வரை பரவலாக காணப்படும் இந்த ஆதரவு, தற்போதைய ஆளுங்கட்சி மற்றும் எதிர்க்கட்சிகளுக்குப் பெரும் சவாலாக உருவெடுத்துள்ளது.
தமிழக அரசியல் வரலாற்றில் இது ஒரு சாதாரண புரட்சி கிடையாது என்பதை இந்த ஆய்வுகள் அடிக்கோடிட்டு காட்டுகின்றன. இதற்கு முன்பு தமிழகத்தை ஆண்ட மாபெரும் தலைவர்களான எம்.ஜி.ஆர் போன்றவர்கள் கூட, ஏற்கனவே செல்வாக்கு மிக்க ஒரு கட்சியில் இருந்து பிரிந்து வந்துதான் ஆட்சி அமைத்தனர். அவர்களுக்கு பின்னால் ஒரு பெரிய அரசியல் பின்னணியும், ஏற்கனவே கட்டமைக்கப்பட்ட தொண்டர் படையும் இருந்தது. ஆனால், சினிமா பின்னணியை தவிர்த்து அரசியலுக்கு முற்றிலும் சம்பந்தம் இல்லாத ஒரு நபர், கட்சி ஆரம்பித்த இரண்டு ஆண்டுகளிலேயே ஆட்சியை பிடிக்கும் அளவிற்கு வளர்ந்திருப்பது இதுவே முதல்முறையாகும்.
விஜய்யின் இந்த அசுர வளர்ச்சிக்கு மிக முக்கியமான காரணமாக பார்க்கப்படுவது, அவர் முன்வைக்கும் “மாற்று அரசியல்” எனும் முழக்கமாகும். திராவிட கட்சிகளின் அரை நூற்றாண்டு கால ஆட்சியில் சலிப்படைந்த மக்கள், குறிப்பாக புதிய வாக்காளர்கள், ஒரு நேர்மையான மற்றும் வெளிப்படையான நிர்வாகத்தை விஜய்யிடம் எதிர்பார்க்கின்றனர். டெல்லி மற்றும் மும்பை நிறுவனங்கள் நடத்திய ஆய்வில், விஜய்க்கு இருக்கும் ஆதரவு என்பது வெறும் திரை கவர்ச்சியால் வந்தது மட்டுமல்ல, மக்கள் அவர் மீது வைத்துள்ள தனிப்பட்ட நற்பெயர் மற்றும் அவர் முன்னெடுக்கும் மக்கள் நலப்பணிகளால் உருவானது என்பதும் தெரியவந்துள்ளது.
கருத்துக்கணிப்பு நிறுவனங்கள் மேற்கொண்ட ஆய்வில் மற்றுமொரு சுவாரஸ்யமான தகவல் என்னவென்றால், விஜய்யின் ஆதரவு தளம் என்பது குறிப்பிட்ட ஒரு பகுதிக்கு மட்டும் மட்டுப்படாமல், தமிழகத்தின் வடக்கு முதல் தெற்கு வரை சமமாக பரவியுள்ளது. கிராமப்புறங்களில் நிலவும் அதிருப்தியும், நகர்ப்புறங்களில் நிலவும் மாற்றத்திற்கான வேட்கையும் விஜய்க்கு சாதகமாக மாறியுள்ளன. கருத்துக்கணிப்பு எடுப்பவர்களே வியக்கும் வண்ணம், பல ஆண்டுகளாக ஒரே கட்சிக்கு வாக்களித்த குடும்பங்கள் கூட, இந்த முறை விஜய்க்கு ஒரு வாய்ப்பு கொடுத்துப் பார்க்கலாம் என்ற முடிவுக்கு வந்துள்ளதாக இந்த தரவுகள் கூறுகின்றன.
மொத்தத்தில் 2026 சட்டமன்ற தேர்தல் என்பது தமிழக அரசியலில் ஒரு புதிய அத்தியாயத்தை எழுதப்போகிறது என்பதில் ஐயமில்லை. ஒரு பக்கம் அனுபவம் வாய்ந்த திராவிட கட்சிகள், மறுபக்கம் மக்களின் ஏகோபித்த ஆதரவுடன் களமிறங்கும் விஜய் என தேர்தல் களம் இப்போதே சூடுபிடிக்க தொடங்கிவிட்டது. 40 சதவீத வாக்கு வங்கி என்பது ஒரு கட்சியை ஆட்சியில் அமர்த்த போதுமான வலுவான அடித்தளமாகும். ஒரு தனி மனிதனாக தனது செல்வாக்கை அரசியல் சக்தியாக மாற்றி, குறுகிய காலத்தில் ஆட்சிக் கட்டிலை நோக்கி நகரும் விஜய்யின் இந்த வேகம், இந்திய அரசியலிலேயே ஒரு அபூர்வமான நிகழ்வாக பார்க்கப்படுகிறது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
