தமிழக அரசியல் வரலாற்றில் இதுவரை கண்டிராத ஒரு மிகப்பெரிய மாற்றத்திற்கான அலை தற்போது வீச தொடங்கியுள்ளதாக அரசியல் விமர்சகர்கள் கருத்து தெரிவித்து வருகின்றனர். இதுவரை வெளியான பல்வேறு கருத்துக்கணிப்புகள் அனைத்தும் விஜய்யின் தமிழக வெற்றிக் கழகம் ஏற்படுத்தி வரும் தாக்கத்தை முழுமையாக கணிக்க தவறிவிட்டன என்பதே தற்போதைய கள யதார்த்தமாக உள்ளது. 2026 சட்டமன்ற தேர்தலில் பாரம்பரியமான வாக்கு வங்கிகள் அனைத்தும் சுக்குநூறாக உடைந்து சிதறும் அபாயம் ஏற்பட்டுள்ளதாக தெரிகிறது. திமுக மற்றும் அதிமுக ஆகிய இரு துருவ அரசியலை மையமாக வைத்து இயங்கிய தமிழகத்தில், இன்று விஜய் என்ற ஒற்றை மனிதர் அனைத்து கட்சிகளின் கோட்டைகளையும் தகர்த்து எறிந்து கொண்டிருக்கிறார் என்பது பலருக்கும் ஆச்சரியத்தை அளித்துள்ளது.
விஜய்யின் வருகையானது வெறும் அதிமுக அல்லது திமுக வாக்குகளை மட்டும் குறிவைக்கவில்லை; மாறாக பாஜக, காங்கிரஸ், விடுதலை சிறுத்தைகள், பாமக, தேமுதிக, நாம் தமிழர் மற்றும் மதிமுக என சகட்டுமேனிக்கு அனைத்து கட்சிகளின் வாக்கு வங்கிகளிலும் ஒரு மிகப்பெரிய ஓட்டையை போட்டுள்ளது. குறிப்பாக, சாதி மற்றும் மத அரசியலை கடந்து இளைஞர்கள் மற்றும் பெண்களின் ஆதரவு விஜய்க்கு பெருகி வருவதால், மற்ற கட்சிகளின் வாக்கு சதவீதங்கள் கணிசமாக சரிய தொடங்கியுள்ளன. நீண்டகாலமாக தங்களது கட்சிக்காக விசுவாசமாக இருந்த குடும்பங்களில் கூட, தற்போதைய தலைமுறையினர் விஜய்யின் பக்கமே சாய்ந்து கொண்டிருப்பது அந்தந்த கட்சிகளின் தலைமையை திணறடித்துள்ளது.
அரசியல் களத்தில் மிகவும் சுவாரஸ்யமான விஷயம் என்னவென்றால், கம்யூனிஸ்டு கட்சிகளின் வாக்கு வங்கி மட்டுமே ஓரளவுக்கு நிலைத்திருப்பதாகக் கருதப்படுகிறது. ஆனால், அங்கேயும் ஒரு சிக்கல் முளைத்துள்ளது. கம்யூனிஸ்டு தொண்டர்களின் வீட்டில் உள்ள வாரிசுகள் மற்றும் இளைய தலைமுறையினர், “எங்கள் வீட்டு பெரியவர்கள் யாருக்கு வேண்டுமானாலும் ஓட்டு போடட்டும், ஆனால் நாங்கள் எங்கள் தளபதி விஜய்க்குத்தான் ஓட்டுப் போடுவோம்” என்று வெளிப்படையாகவே கூற தொடங்கியுள்ளனர். “விசிலுக்குத் தான் எங்க ஓட்டு” என்று அந்த வீட்டு பிள்ளைகள் ஒற்றைக்காலில் நிற்பது, இடதுசாரி இயக்கங்களின் அடித்தளத்தையே அதிர வைத்துள்ளது.
தமிழக அரசியலில் எம்ஜிஆர் மற்றும் ஜெயலலிதா போன்ற ஆளுமைகள் மக்கள் மனதில் நீங்காத இடத்தைப் பிடித்திருந்தாலும், அவர்கள் கூட தங்களது ஆரம்பக்கட்ட அரசியல் பிரவேசத்தில் காணாத ஒரு மிகப்பெரிய எழுச்சியை விஜய் தற்போது பெற்றுள்ளதாக அரசியல் விமர்சகர்கள் சுட்டிக்காட்டுகின்றனர். எம்ஜிஆரின் காலத்தில் இருந்த ஊடக செல்வாக்கை விடவும், தற்போதைய டிஜிட்டல் யுகத்தில் விஜய்க்கு இருக்கும் சமூக வலைதள பலம் மற்றும் ரசிகர் மன்றங்களின் கட்டமைப்பு அவரை ஒரு மிகப்பெரிய சக்தியாக மாற்றியுள்ளது. எந்தவிதமான கூட்டணியும் இன்றி தனித்து போட்டியிட்டாலும் கூட, மிகப்பெரிய வெற்றியை பதிவு செய்யும் வல்லமை அவருக்கு இருப்பதாக கணிக்கப்படுகிறது.
விஜய்யின் ஒவ்வொரு நகர்வும் மற்ற அரசியல் கட்சி தலைவர்களை நிலைகுலைய செய்துள்ளது. இதுவரை விஜய்யை ஒரு சாதாரண நடிகராக மட்டுமே பார்த்தவர்கள், தற்போது அவரது அரசியல் முதிர்ச்சியையும் மக்களிடையே அவருக்கு இருக்கும் செல்வாக்கையும் கண்டு மிரண்டு போயுள்ளனர். குறிப்பாக, பட்டியலின மக்கள் மற்றும் வன்னியர் வாக்கு வங்கிகளில் கூட விஜய் கணிசமான வாக்குகளை பிரிப்பார் என்று தெரிகிறது. இது விசிக மற்றும் பாமக போன்ற கட்சிகளுக்கு பெரும் பின்னடைவை ஏற்படுத்தும் என எதிர்பார்க்கப்படுகிறது. அதேபோல், சீமானின் நாம் தமிழர் கட்சியின் இளைஞர் வாக்குகளையும் விஜய் தனது பக்கம் இழுத்துள்ளதாக கள ஆய்வுகள் கூறுகின்றன.
இறுதியாக, 2026-ம் ஆண்டு தேர்தல் முடிவுகள் வெளியான பிறகு, தமிழக அரசியல் வரைபடமே முழுமையாக மாறிவிடும் என்பதில் ஐயமில்லை. பல ஆண்டுகளாக ஆட்சி கட்டிலில் அமர்ந்திருந்த திராவிட கட்சிகளின் ஆதிக்கம் சரிந்து, ஒரு புதிய அரசியல் சகாப்தம் தொடங்கும் என்பதை அரசியல் விமர்சகர்கள் அடித்து கூறுகின்றனர். விஜய் பதிவு செய்ய போகும் அந்த வெற்றி என்பது வெறும் அரசியல் மாற்றம் மட்டுமல்ல, அது ஒரு சமூக மாற்றத்திற்கான அடையாளமாகவும் பார்க்கப்படுகிறது. அனைத்து கணக்குகளையும் தவிடு பொடியாக்கி, விஜய்யின் ‘தளபதி’ என்ற பிம்பம் ‘முதலமைச்சர்’ என்ற சிம்மாசனத்தை நோக்கி மிக வேகமாக நகர்ந்து கொண்டிருக்கிறது என்பதே அரசியல் விமர்சகர்களின் கணிப்பாக உள்ளது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
