தமிழக அரசியல் களம் 2026 சட்டமன்ற தேர்தலை முன்னிட்டு இதுவரை கண்டிராத ஒரு வியூக போரை சந்தித்துக் கொண்டிருக்கிறது. அரசியலில் “இரண்டும் இரண்டும் நான்கு” என்ற கணக்கு எப்போதும் பலிக்காது; சில நேரங்களில் அது பூஜ்ஜியமாக மாறலாம், அதே பூஜ்ஜியம் எதிர்பாராத தருணத்தில் நூறாகவும் விஸ்வரூபம் எடுக்கலாம். இந்த நிலையில், நடிகர் விஜய்யின் தமிழக வெற்றி கழகம் மீது வைக்கப்படும் விமர்சனங்கள் அனைத்தும் வரும் மே மாதத்திற்கு பிறகு அர்த்தமற்றதாக போகின்றன. குறிப்பாக, ஒரு தொகுதியில் கூட டெபாசிட் வாங்க முடியாத கட்சிகள் எல்லாம், ஒரு மாபெரும் மக்கள் சக்தியை பின்னால் வைத்திருக்கும் விஜய்யை விமர்சிப்பது வேடிக்கையாக இருக்கிறது.
விஜய்யின் அரசியல் வருகையை ஏளனம் செய்பவர்கள், தமிழக மக்களின் அமைதியான மாற்றத்திற்கான தாகத்தை புரிந்துகொள்ள தவறிவிட்டனர். இதுவரை நடந்த தேர்தல்களில் மக்கள் ஏதாவது ஒரு பெரிய திராவிட கட்சிக்கு வாக்களிக்க வேண்டிய கட்டாயத்தில் இருந்தனர். ஆனால், 2026-ல் அவர்களுக்கு ஒரு வலுவான “மூன்றாவது மாற்று” கிடைத்துள்ளது. விஜய்யை வெறும் சினிமா நட்சத்திரமாக பார்ப்பவர்களுக்கு, அவர் திரைமறைவில் கட்டமைத்து வரும் பூத் கமிட்டி வேலைகளும், 70,000-க்கும் மேற்பட்ட களப்பணியாளர்களின் தீவிரமும் தெரிய வாய்ப்பில்லை. மற்றவர்கள் பேசுவதோடு நிறுத்திக்கொள்கிறார்கள், ஆனால் விஜய் அமைதியாக தனது வெற்றிக்கான அஸ்திவாரத்தை பலப்படுத்தி வருகிறார்.
விமர்சனங்களுக்கு பதிலடி கொடுப்பதை விட, தனது செயல்கள் மூலம் நிரூபிப்பதே விஜய்யின் பாணி. “அரசியல் கணக்கை யாராலும் கணிக்க முடியாது” என்பதற்கு தமிழக வரலாற்றிலேயே பல உதாரணங்கள் உண்டு. திமுக, அதிமுக போன்ற அசைக்க முடியாத கட்சிகள் கூட தேர்தலில் 1 இடம் அல்லது 1 இடம் கூட ஜெயிக்காமல் இருந்த இடம் தெரியாமல் போயுள்ளன. அதேபோல், நேற்று தொடங்கப்பட்ட ஒரு இயக்கம் நாளை ஆட்சிக் கட்டிலில் அமர முடியாது என்று எவராலும் அடித்துக் கூற முடியாது. இப்போது விஜய்யைப் பார்த்துச் சிரிப்பவர்கள், தேர்தல் முடிவுகள் வரும்போது தங்கள் அரசியல் எதிர்காலத்தை குறித்து கவலைப்பட வேண்டிய நிலைக்கு தள்ளப்படுவார்கள்.
வரும் மே மாதம் என்பது தமிழக அரசியலில் ஒரு முக்கிய திருப்புமுனையாக இருக்கும். அதுவரை விமர்சகர்கள் என்ன வேண்டுமானாலும் பேசி கொள்ளலாம், ஊடக விவாதங்களில் விஜய்யின் அரசியல் அறிவை கேள்வி கேட்கலாம். ஆனால், மே மாதத்திற்கு பிறகு கள எதார்த்தம் மாறும்போது, அதே விமர்சகர்கள் தங்களின் கருத்துகளை மாற்றிக்கொள்ள வேண்டிய சூழல் ஏற்படும். விஜய் மேடை போட்டு பேசுவதை விட, மக்கள் பிரச்சினைகளுக்காக களத்தில் இறங்கி செய்வதையே குறிக்கோளாக கொண்டுள்ளார். திராவிட கட்சிகளின் ஊழல் மற்றும் குடும்ப அரசியலுக்கு எதிரான ஒரு தர்ம யுத்தமாகவே அவர் இந்த தேர்தலை பார்க்கிறார்.
தமிழகத்தின் இளைய தலைமுறை வாக்காளர்கள் இன்று ஒரு புதிய தலைமையை தேடிக்கொண்டிருக்கிறார்கள். பழைய அரசியல் பாணிகள் மற்றும் வாக்குறுதிகள் இப்போதுள்ள இளைஞர்களுக்கு போதுமானதாக இல்லை. விஜய்யின் அரசியல் வருகை என்பது வெறும் அதிகாரத்தை கைப்பற்றுவதற்காக அல்ல, அது ஒரு சிஸ்டம் மாற்றத்திற்கான தொடக்கம். இதை உணர்ந்துகொண்ட பல அரசியல் கட்சிகள், தங்கள் வாக்கு வங்கி சரிவதை தடுக்கவே விஜய்யை நோக்கி விமர்சன கணைகளை தொடுத்து வருகின்றன. ஆனால், மக்களின் பேராதரவு இருக்கும் ஒரு தலைவனை எந்த ஒரு விமர்சனத்தாலும் தடுத்து நிறுத்திவிட முடியாது.
இறுதியாக, 2026 தேர்தல் என்பது தமிழக அரசியல் வரலாற்றில் ஒரு புதிய அத்தியாயத்தை எழுதும். விஜய் பேச மாட்டார், ஆனால் அவரது வாக்கு வங்கி பேசும்; அவரது வெற்றி பேசும். “செஞ்சு காட்டுவாரு” என்ற நம்பிக்கையில் காத்திருக்கும் லட்சக்கணக்கான தொண்டர்களுக்கும், மாற்றத்தை விரும்பும் பொதுமக்களுக்கும் 2026 ஒரு பொற்காலமாக அமையும். அன்று திராவிட கட்சிகளின் ஆதிக்கத்திற்கு முற்றுப்புள்ளி வைக்கப்பட்டு, ஒரு புதிய அரசியல் கலாச்சாரம் பிறக்கும். இன்று விமர்சிப்பவர்கள் அன்று மௌனமாக இருப்பார்கள், ஏனென்றால் விஜய்யின் வெற்றி அத்தகைய மௌனத்தை அவர்களுக்கு பரிசாகத் தரும்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
