தமிழக அரசியலில் தற்போது எந்த ஒரு விவாதத்தை எடுத்துக்கொண்டாலும், அது ஆளுங்கட்சி அல்லது எதிர்க்கட்சியை தாண்டி, இறுதியில் தமிழக வெற்றி கழகத்தின் தலைவர் விஜய்யை சுற்றியே முடிவதை காண முடிகிறது. “காய்த்த மரத்திற்குத்தான் கல்லடி படும்” என்ற பழமொழிக்கு ஏற்ப, விஜய்யின் அரசியல் வருகை மற்ற கட்சியினரிடையே ஒருவித அதிர்வலையை ஏற்படுத்தியுள்ளது. அவர் இன்னும் முழுமையான தேர்தல் களத்தில் இறங்குவதற்கு முன்பே, மற்ற அரசியல்வாதிகள் அவரை பற்றி பேச வேண்டிய கட்டாயத்திற்கு தள்ளப்பட்டுள்ளனர். இது ஒரு புதிய அரசியல் சக்தியின் எழுச்சியையே காட்டுகிறது.
இன்றைய ஊடக சூழலில் விஜய்யை பற்றிய செய்திகள் தவிர்க்க முடியாத ஒன்றாக மாறிவிட்டன. காலை முதல் இரவு வரை நடக்கும் விவாதங்களில் விஜய்யின் பெயர் இடம்பெறாத நாட்களே இல்லை என்று சொல்லலாம். அது அவருக்கு சாதகமான செய்தியாகவோ அல்லது விமர்சனமாகவோ இருக்கலாம், ஆனால் செய்திகளின் மையப்புள்ளியாக அவர் மட்டுமே இருக்கிறார். ஊடகங்கள் அவரைப் பற்றி தொடர்ந்து பேசுவதற்கு பின்னால் உள்ள முக்கிய காரணம், மக்கள் அவர் மீது வைத்துள்ள ஆர்வமும் எதிர்பார்ப்பும் ஆகும்.
தொலைக்காட்சி மற்றும் இணையதள ஊடகங்களுக்கு விஜய்யை பற்றிய செய்திகள் ஒரு மிகப்பெரிய ‘டிஆர்பி’ ஆதாரமாக விளங்குகின்றன. விஜய்யின் அரசியல் நகர்வுகள், அவரது அறிக்கைகள் அல்லது அவரது மேடை பேச்சுகள் குறித்த செய்திகள் வெளிவரும்போது, அதன் பார்வையாளர்களின் எண்ணிக்கை பலமடங்கு அதிகரிக்கிறது. வணிக ரீதியாக ஊடகங்களுக்கு விஜய் ஒரு தவிர்க்க முடியாத சக்தியாக உருவெடுத்துள்ளார். இது மற்ற அரசியல் தலைவர்களுக்கு கிடைக்காத ஒரு தனித்துவமான கவனத்தை விஜய்க்கு பெற்று தந்துவிட்டது.
அரசியல் களத்தில் உள்ள அனைத்து தரப்பினரும் விஜய்யை நோக்கியே தங்கள் பார்வையை திருப்பியுள்ளனர். ஒரு தரப்பினர் அவரது கொள்கைகளையும் துணிச்சலையும் பாராட்டி வரவேற்கின்றனர்; மற்றொரு தரப்பினர் அவரால் நம்முடைய ஓட்டு வங்கிக்கு பெரும் பாதிப்பு என கருதி மிக கடுமையாக எதிர்க்கின்றனர். பாராட்டுகளும் எதிர்ப்புகளும் சம அளவில் இருப்பது, அவர் ஒரு வலுவான சக்தியாக உருவெடுத்திருப்பதையே உறுதிப்படுத்துகிறது. யாருமே அவரை புறக்கணிக்க முடியாமல் போனதே அவரது ஆரம்பக்கட்ட அரசியல் வெற்றியாக கருதப்படுகிறது.
வரலாற்று ரீதியாக பார்த்தால், எந்த ஒரு புதிய தலைவரை பற்றி பழைய அரசியல் சக்திகள் அதிகம் விமர்சிக்கிறார்களோ, அவரே மாற்றத்திற்கான நாயகனாக திகழ்ந்திருக்கிறார். விஜய்யின் ஒவ்வொரு செயலையும் நுணுக்கமாக ஆராய்ந்து, அதற்கு எதிர்வினையாற்றும் மற்ற கட்சிகளின் போக்கு, அவர்கள் உள்ளூர விஜய்யை கண்டு அச்சப்படுகிறார்களோ என்ற கேள்வியை எழுப்புகிறது. இந்த தீவிர விவாதங்கள் அனைத்தும் விஜய் ஒரு மிகப்பெரிய வாக்கு வங்கியை தன்வசம் வைத்திருப்பதைமறைமுகமாக சுட்டிக்காட்டுகின்றன.
முடிவாக, தமிழக அரசியலில் நிலவும் இந்த விஜய் மையவாத அரசியல் போக்கு, 2026 சட்டமன்ற தேர்தலில் ஒரு மிகப்பெரிய மாற்றத்தை ஏற்படுத்தும் என்பதற்கான அறிகுறியாக தெரிகிறது. மக்கள் மனதில் அவர் ஏற்கனவே இடம்பிடித்துவிட்ட நிலையில், ஊடக வெளிச்சமும் அரசியல் விமர்சனங்களும் அவரை இன்னும் பெரிய அளவில் மக்களிடம் கொண்டு சேர்க்கின்றன. எனவே, தற்போது அவர் சந்திக்கும் கல்லடிகளும், விமர்சனங்களும் அவரது வெற்றிக்கான படிக்கட்டுகளாகவே அமையும் என்பதில் ஐயமில்லை.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
