தமிழக வெற்றிக் கழகத்தின் தலைவர் விஜய், அரசியல் களத்தில் எடுத்து வைக்கும் ஒவ்வொரு அடியையும் ஒரு தெளிவான வியூகத்தின் அடிப்படையிலேயே மேற்கொள்ள வேண்டும் என்று அரசியல் பார்வையாளர்கள் கருத்து தெரிவித்து வருகின்றனர். குறிப்பாக, தி.மு.க.வின் கூட்டணியில் இடம்பெற்றுள்ள காங்கிரஸ் கட்சியுடன் கூட்டணி வைப்பதை தவிர்க்க வேண்டும் என்று அவர்கள் வலியுறுத்துகின்றனர். காங்கிரஸை ஒரு சுமையாக கருதும் விமர்சகர்கள், தமிழகத்தில் த.வெ.க. தனித்து போட்டியிடுவதே அக்கட்சிக்கு சிறந்த முடிவாக இருக்கும் என்று கூறுகின்றனர். இது, தி.மு.க. மற்றும் அ.தி.மு.க. போன்ற திராவிட கட்சிகளின் பிளவுபட்ட வாக்குகளைக் கவர்வதற்கும், நடுநிலை வாக்காளர்களின் நம்பிக்கையை பெறுவதற்கும் உதவும் என்பது அரசியல் விமர்சகர்களின் பொதுவான கணிப்பாக உள்ளது.
தமிழ்நாட்டில் தனித்து போட்டியிடுவது என்ற முடிவை எடுத்துவிட்டு, அண்டை மாநிலமான புதுச்சேரியில் மட்டும் என்.ஆர். காங்கிரஸ் கட்சியுடன் கூட்டணி அமைப்பது த.வெ.க.வின் வெற்றி வாய்ப்புகளை அதிகரிக்கும் என்றும் சிலர் கருதுகின்றனர். ஏற்கெனவே எம்.ஜி.ஆர். தனது அரசியல் அதிகாரத்தை தமிழகத்தில் நிலைநிறுத்துவதற்கு முன், புதுவையில் அ.தி.மு.க. கூட்டணி ஆட்சியை அமைத்த வரலாற்று பாடத்தின் அடிப்படையில், விஜய்யும் முதலில் புதுச்சேரியில் அதிகார பிடிப்பை உறுதி செய்து, அதன் மூலம் தமிழக வாக்காளர்களின் மத்தியில் ஒரு உளவியல் ரீதியான தாக்கத்தை ஏற்படுத்தலாம். என்.ஆர். காங்கிரஸ் கட்சி அங்கு வலுவான மக்கள் ஆதரவை பெற்றுள்ள நிலையில், முதல்வர் ரெங்கசாமியும் விஜய்க்கு நண்பர் என்ற முறையில் அக்கட்சியுடன் கூட்டணி அமைப்பது த.வெ.க.வுக்கு ஒரு வெற்றிகரமான தொடக்கத்தை கொடுக்கும் என்றும் எதிர்பார்க்கப்படுகிறது.
தமிழகம் மற்றும் புதுச்சேரி மட்டுமல்லாமல், கேரள மாநிலத்திலும் த.வெ.க.வின் சாத்தியமான அரசியல் வியூகம் கவனிக்கப்படுகிறது. கேரளாவில் இடதுசாரி கம்யூனிஸ்ட் கட்சி , காங்கிரஸ் தலைமையிலான ஐக்கிய ஜனநாயக முன்னணி ) மற்றும் பா.ஜ.க. ஆகியவை பிரதானமான கட்சிகளாக போட்டியிடுகின்றன. இக்கட்சிகளுடன் கூட்டணி இல்லாமல், கேரளாவில் த.வெ.க. தனித்து போட்டியிடும் பட்சத்தில், அது அங்கு நான்கு முனை போட்டியாக மாறும் நிலை உருவாகும். இந்த நான்கு முனைப் போட்டி, த.வெ.க.வுக்கு எதிர்பாரா அரசியல் லாபங்களைக்கொடுக்கும் என்று கணிக்கப்படுகிறது.
கேரளாவில் கம்யூனிஸ்ட், காங்கிரஸ், பா.ஜ.க. ஆகிய மூன்று பிரதான கட்சிகளும் பெரும்பாலும் தனித்தனியே போட்டியிடுவதே வழக்கம். இந்த சூழலில், த.வெ.க.வின் வருகை அங்குள்ள மூன்று அணிகளின் வாக்குகளிலும் சிறிய அளவில் பிளவை ஏற்படுத்தும். மேலும், தமிழ்நாட்டின் எல்லையோர மாவட்டங்கள் மற்றும் தமிழ் பேசும் மக்கள் நிறைந்த பகுதிகளில் த.வெ.க. தனது பலத்தை நிறுவ முடியும். அத்துடன், கேரளாவில் உள்ள திராவிட இயக்க ஆதரவாளர்கள் மற்றும் மத்திய, மாநில அரசுகளின் செயல்பாடுகளில் அதிருப்தி கொண்டவர்களும் த.வெ.க.வின் பக்கம் திரும்பலாம். இது, த.வெ.க.வுக்கு மாநிலத்தில் ஒரு புதிய அரசியல் அடையாளத்தை உருவாக்கி, கணிசமான வாக்குகளைப் பெற உதவும்.
இந்த தெளிவான வியூகத்தின் மூலம், தமிழகத்தில் தனித்து போட்டியிட்டு, புதுச்சேரியில் கூட்டணி ஆட்சியை அமைத்து, கேரளாவில் ஒரு குறிப்பிட்ட தாக்கத்தை ஏற்படுத்துவதன் மூலம், தேசிய அளவிலான கவனத்தை த.வெ.க.வால் பெற முடியும். இது, திராவிட கட்சிகளின் ஆட்சியை முழுமையாக கைப்பற்ற முடியாவிட்டாலும், தமிழகத்தில் வலுவான ஒரு எதிர்க்கட்சியாக உருவெடுப்பதற்கு கூட வாய்ப்பளிக்கலாம். ஒரு புதிய கட்சி, தனது முதல் சட்டமன்ற தேர்தலிலேயே எதிர்க்கட்சி தலைமையாக வருவது, அதுவே ஒரு மிகப்பெரிய சாதனையாகவே கருதப்படும்.
மொத்தத்தில், உணர்ச்சிவசப்பட்டு அவசர கூட்டணியில் இணைவதை தவிர்த்து, ‘எது பண்ணாலும் பிளான் பண்ணி பண்ணனும்’ என்ற தெளிவான வியூகத்துடன், தமிழகத்தில் தனித்து போட்டியிடுவது, புதுவையில் வலிமையான கூட்டணியை அமைப்பது, மற்றும் கேரளாவில் ஒரு மாற்று சக்தியாகக் களமிறங்குவது ஆகியன, தமிழக வெற்றி கழகத்தின் எதிர்கால அரசியல் பயணத்திற்கு ஒரு திடமான அடித்தளத்தை அமைத்துக்கொடுக்கும் என்று அரசியல் விமர்சகர்கள் நம்பிக்கை தெரிவிக்கின்றனர்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
