இந்தியா தனது புவிசார் அரசியல் சவால்கள் மற்றும் வாய்ப்புகளை எதிர்கொள்ளும்போது, அதன் கண்டம் சார்ந்த மற்றும் கடல்சார் சக்தியாக விளங்கும் தனித்துவமான புவியியல் அமைப்பை அறிந்துகொள்வது மிகவும் முக்கியம். குறிப்பாக, அண்டை நாடான சீனாவின் கடலோர பகுதிகள் கொண்டுள்ள பலவீனங்களுக்கு மத்தியில், இந்திய பெருங்கடல் பிராந்தியத்தில் இந்தியாவின் முதன்மையான இடத்தை இந்த ஆய்வு வலியுறுத்துகிறது.
புவியியல் ரீதியாக பார்க்கும்போது, சீனாவின் கடலோர வளர்ச்சி பலவீனமானது என்பதை புரிந்துகொள்ளலாம். ரஷ்யா, ஜப்பான், பிலிப்பைன்ஸ் மற்றும் தைவான் போன்ற நாடுகள் சீனாவை சூழ்ந்துள்ளதால், அதன் கடலோர பகுதிகள் அச்சுறுத்தலுக்கு உள்ளாகின்றன.
இந்த கட்டுப்பாடுகள், சீனாவின் கடல்சார் அபிலாஷைகளை கட்டுப்படுத்துகின்றன. தெற்கு கடலில் ஒன்பது-புள்ளி கோடு அல்லது பதினொரு-புள்ளி கோட்டை முன்வைப்பது மற்றும் செயற்கை தீவுகளை இராணுவமயமாக்குவது போன்ற நடவடிக்கைகள், உண்மையில் இந்த பலவீனங்களுக்கு கிடைத்த பதில்களாகவே உள்ளன.
இந்தியா இன்று சந்திக்கும் மிக உறுதியான சவால்களில் முதன்மையானது எல்லை பிரச்சினை ஆகும். சுதந்திரம் பெற்றது முதல் நாட்டின் பாதுகாப்பை தொடர்ந்து அச்சுறுத்தி வருகிறது. இவற்றில், சீனாவுடனான எல்லை பிரச்சினை மிகவும் முக்கியமானது.
20-ஆம் நூற்றாண்டின் புவிசார் அரசியல் நிகழ்வுகள் காரணமாக, இந்தியா பெரும்பாலும் ஒரு கண்டம் சார்ந்த நாடு என்ற கண்ணோட்டத்துடன் தன்னை அடையாளப்படுத்தி கொண்டது. இருப்பினும், இந்தியாவின் புவியியல் இருப்பிடம் வேறுவிதமாக கூறுகிறது:
இந்தியா ஒரு பெரிய நிலப்பரப்பை கொண்டுள்ளது, மக்கள்தொகையின் பெரும் பகுதி மையபகுதியிலேயே வாழ்கிறது. நாம் ஆசிய நிலப்பரப்புடன் இணைக்கப்பட்டுள்ளோம். இதனால், இந்தியா ஒரு கண்டம் சார்ந்த சக்தியாக உள்ளது.
அதே சமயம், தீபகற்ப வடிவம் இந்திய பெருங்கடல் பிராந்தியத்தில் நீண்டு செல்வது, இந்தியாவை ஒரு கடல்சார் சக்தியாகவும் நிலைநிறுத்துகிறது. இருபுறமும் அமைந்துள்ள நமது தீவு பிரதேசங்கள் (அந்தமான், லட்சத்தீவுகள்) நிலப்பரப்புக்கு ஆழத்தையும் பாதுகாப்பையும் வழங்குகின்றன.
இந்திய பெருங்கடல் பிராந்தியத்தில் வசிக்கும் பெரிய சக்திகளை பார்த்தால், பெரும்பாலானவை கரையோர நாடுகளாக உள்ளன. ஆப்பிரிக்காவின் கிழக்கு கடற்கரையில் உள்ள நாடுகள் சிறியவை. ஆனால், இந்திய பெருங்கடல் பிராந்தியத்தில் இந்தியா ஒரு மேலாதிக்கமான இடத்தை பெற்றுள்ளது.
இதன் காரணமாகவே, இந்திய பெருங்கடலில் உள்ள மற்ற நாடுகளுக்கு இந்தியா எப்போதும் முதல் பதிலளிப்பவராகவும் தேர்ந்தெடுக்கப்பட்ட கூட்டாளியாகவும் உள்ளது.
வரலாற்று சம்பவங்கள் காரணமாக இந்தியா கண்டம் சார்ந்த விஷயங்களில் கவனம் செலுத்தி வந்தது. ஆனால், இன்று, அந்த நிலப்பரப்பே இந்தியாவுக்கு சவாலாக உள்ளது.
மேற்குப் பயணம் சாத்தியமில்லை: ஆப்கானிஸ்தானுக்குத் தரைவழிப் பாதை வழியாக உதவிகளை அனுப்ப இந்தியாவால் முடியவில்லை.
திபெத்தில் சீனர்களின் ஆதிக்கம் இருப்பதால் வடக்கே செல்ல முடியாது. மியான்மர் எப்போதும் ஏதோ ஒரு இன மோதலில் சிக்கி இருப்பதால் கிழக்கே பயணம் செய்ய முடியாது. எந்தப் பக்கமும் தரைவழியாக பயணிக்க முடியாத நிலையில், இந்தியாவுக்கு எஞ்சியிருப்பது கடல் மார்க்கம் மட்டுமே. புவியியல் ரீதியாக பார்த்தால், இந்தியா ஒரு தீவு நாட்டை போலவே செயல்படுகிறது.
எனவே, இந்தியாவின் நீண்ட கால எதிர்காலமும், அதன் தலைவிதியும் கடலில்தான் அமைந்துள்ளது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
