நாம் கல்வி கற்ற முறை காலங்காலமாக ஒரு ஆசிரியர் சில மாணவர்களுக்கு வகுப்பறையில் கற்பிப்பதாகவே இருந்தது. அதன்பின் யூடியூப் போன்ற தளங்களில் ஒரு ஆசிரியர் பதிவிடும் வீடியோவை லட்சக்கணக்கானோர் பார்க்கின்றனர். எதிர்காலத்தில், ஒரே ஒரு செயற்கை நுண்ணறிவு (AI) கருவி, பல கோடி மனிதர்களுக்கு பல்வேறு விஷயங்களை சொல்லித்தர போகிறது. இதுதான் வரவிருக்கும் மிகப் பெரிய மாற்றம். இந்த மாற்றத்திற்குள் நாம் எப்படி நுழைவது? என்பதை தெரிந்து கொள்ள வேண்டும்,.
செயற்கை நுண்ணறிவு உலகம் நாளுக்கு நாள் வளர்ந்து வருகிறது. இந்த வளர்ச்சியின் வளைவில் நாம் எப்போதும் முன்னணியில் இருக்க வேண்டும். இந்த முன்னேற்றங்களுக்கு தயாராக, ஒரு இரண்டு நாள் செயற்கை நுண்ணறிவு பயிற்சி வகுப்புக்கான அழைப்பு உங்களுக்கு விடுக்கப்படுகிறது. வரும் சனி மற்றும் ஞாயிறு ஆகிய இரண்டு நாட்களில், காலை 10 மணி முதல் இரவு 7 மணி வரை நடைபெறும் இந்த பயிற்சி வகுப்பு, உலகிலேயே முதன்முறையாக செயற்கை நுண்ணறிவை மையமாகக் கொண்ட கல்வி தளத்தால் நடத்தப்படுகிறது. இதற்கான கட்டணம் ரூ.10,000 என்பது குறிப்பிடத்தக்கது.
இந்தப் பயிற்சியில் நீங்கள் கற்றுக்கொள்ளும் விஷயங்கள்:
10-க்கும் மேற்பட்ட செயற்கை நுண்ணறிவு கருவிகளை பயன்படுத்துதல்.
Prompt Engineering கலையில் சிறந்து விளங்குதல்.
கோடிங் எழுதாமலேயே, கடினமான தரவுகளை ஆய்வு செய்து, மீண்டும் மீண்டும் செய்ய வேண்டிய வேலைகளை தானியங்குபடுத்துதல்.
சில நிமிடங்களில் பிரமாண்டமான பிரசன்டேஷன்கள், புகைப்படங்கள் மற்றும் வீடியோக்களை உருவாக்குதல்.
வணிகத்திற்கு தேவையான செயற்கை நுண்ணறிவு கருவிகளை உருவாக்குதல்.
ஏறக்குறைய ஒரு லட்சத்துக்கும் மேற்பட்ட நபர்கள், 40-க்கும் அதிகமான நாடுகளில் இருந்து இந்த பயிற்சியில் இணைந்துள்ளனர். நீங்கள் எந்தத் துறையில் இருந்தாலும் சரி – தொழில்நுட்பம், ஆசிரியர் பணி அல்லது பொறியியல் – செயற்கை நுண்ணறிவு உங்கள் வேலைகளை இந்த பயிற்சிக்கு பின் எளிதாக்கி கொள்ளலாம்.
கடந்த 15-20 ஆண்டுகளுக்கு முன்பு, இணைய உலாவல் என்பது ஒரு புரட்சிகரமான விஷயமாக இருந்தது. ஜி.பி.ஆர்.எஸ்., டயல்-அப் மோடம் போன்ற மெதுவான இணைய இணைப்புகள் மூலம் ஒரு இணைய பக்கத்தைப்பார்க்க அல்லது ஒரு படத்தை பதிவிறக்கம் செய்ய நீண்ட நேரம் ஆனது. இன்று, வைஃபை மற்றும் ஸ்டார்லிங்க் போன்ற அதிவேக இணைய இணைப்புகள் வந்துவிட்டன.
முன்பு, நாம் ஒரு விஷயத்தை தேடும்போது, ஒரு சொல்லை கொடுத்து, கிடைக்கும் முடிவுகளில் உள்ள பல இணைப்புகளை கிளிக் செய்து, நமக்கு தேவையான தகவலை தேடுவோம். இந்த முறைக்கு Navigation என்று பெயர். கூகிள் போன்ற நிறுவனங்கள், இந்த தேடல் மூலமாக விளம்பர வருவாயை ஈட்டின.
ஆனால், இப்போது நிலைமை மாறிவிட்டது. உதாரணமாக, ‘வடை சுடுவது எப்படி?’ என்று கேட்டால், செயற்கை நுண்ணறிவு கருவிகள் நேரடியாக அனைத்து வழிமுறைகளையும், தேவையான பொருட்கள் பட்டியலையும் ஒரே இடத்தில் கொடுத்து விடுகின்றன. இதனால், பயனர்கள் பல இணையதளங்களுக்கு சென்று தேட வேண்டிய அவசியம் இல்லை. இது கூகிள் போன்ற நிறுவனங்களுக்கு ஒரு பெரிய அடியாக அமைந்துள்ளது. ஏனெனில், பயனர்கள் இணையதளங்களுக்கு செல்லாததால், விளம்பரங்கள் காட்டப்படுவதில்லை, வருவாயும் குறைகிறது. எனவே, கூகிள் செயற்கை நுண்ணறிவு சார்ந்த உலாவி நிறுவனங்களை விலைக்கு வாங்க முயற்சிக்கிறது. எதிர்காலத்தில், மக்கள் சுருக்கமான பதில்களை மட்டுமே விரும்புவார்கள். இதனால், உங்கள் வணிகத்திற்கான இணையதளம் இருந்தாலும், மக்கள் அதை தேடி வருவது அரிதாகிவிடும்.
ஒரு காலத்தில், ஒரு இசைக்கடை ஊழியர், வாடிக்கையாளர்களின் ரசனைக்கேற்ப பாடல்களை வகைப்படுத்தி தருவார். ஆனால், இன்று ஸ்பாட்டிஃபை போன்ற இசை தளங்களில் உள்ள அல்காரிதம்கள் மற்றும் செயற்கை நுண்ணறிவு கருவிகள் இந்த வேலையை செய்கின்றன. உங்கள் ரசனைக்கேற்ப பாடல்களை தேர்வு செய்து, பிளே லிஸ்ட்டுகளை உருவாக்குகின்றன. இது மனிதர்களின் முடிவெடுக்கும் திறனை இயந்திரங்கள் எடுத்துக்கொள்வதற்கு ஒரு எடுத்துக்காட்டு. உங்கள் வேலையும் இதேபோன்ற தானியங்குமயமாக்கலுக்கு உட்பட்டால், நீங்கள் எச்சரிக்கையாக இருக்க வேண்டும்.
ஒரு பணியின் 30% பகுதியை செயற்கை நுண்ணறிவு மூலம் தானியங்குபடுத்தினால், ஒருவர் வருடத்திற்கு 1,000 மணி நேரத்துக்கும் மேலாக சேமிக்க முடியும் என்று ஒரு கணக்கீடு கூறுகிறது. இந்த நேரத்தை ஒருவர் வேறு வேலைகளில் அல்லது குடும்பத்துடன் செலவிடலாம்.
உதாரணமாக, முன்பு, ஒரு வீடியோவுக்கு சப்டைட்டில்கள் உருவாக்க, மனிதர்கள் பல மணிநேரம் செலவழித்து ஒவ்வொரு வரியையும் டைப் செய்ய வேண்டியிருந்தது. ஆனால், இன்று, ஒரு செயற்கை நுண்ணறிவு கருவி சில நிமிடங்களில் அதை செய்துவிடுகிறது. இது வேலையை எளிதாக்கியுள்ளது, ஆனால் இந்த வேலையை செய்து வந்த இரண்டு பேரின் பணி நேரம் குறைந்துவிட்டது. அவர்கள் இப்போது வேறு வேலைகளை செய்ய வேண்டியுள்ளது.
எதிர்காலத்தில், செயற்கை நுண்ணறிவு கல்வி தளங்கள், ஒவ்வொரு மாணவரின் புரிதலுக்கு ஏற்ப தனிப்பட்ட முறையில் பாடங்களை கற்பிக்கும். உதாரணமாக, ஒரு மாணவர் ஒரு குறிப்பிட்ட பாடத்தில் கடினமாக உணர்ந்தால், அந்த தலைப்பை மேலும் எளிமையாக்கி அந்த செயற்கை நுண்ணறிவு கருவி கற்பிக்கும். நீங்கள் ஒரு ஆசிரியர் என்றால், இதுபோன்ற செயற்கை நுண்ணறிவு தளங்களுக்கு தேவையான கண்டென்டை உருவாக்குவதன் மூலம் புதிய வாய்ப்புகளைப் பெறலாம்.
எப்படி ஒரு இணையதளத்தை உருவாக்கி அதில் பொருட்களை விற்க முடியுமோ, அதேபோல, நீங்கள் ஒரு செயற்கை நுண்ணறிவு கருவியை உருவாக்கி அதை விற்க முடியும். உதாரணமாக, பொருட்கள், கதாபாத்திரங்கள் மற்றும் இடங்களை வைத்து தானாகவே கதை சொல்லும் ஒரு செயற்கை நுண்ணறிவு கருவியை உருவாக்கலாம்.
ஒரு பெரிய கண்டென்டை எடுத்து, அதை பல சிறிய துண்டுகளாகப் பிரித்து, அவற்றை பல்வேறு சமூக வலைத்தளங்களில் பயன்படுத்தலாம். இந்த வேலையை செய்வதற்கும் செயற்கை நுண்ணறிவு கருவிகளை பயன்படுத்தலாம்.
சந்தையில் எப்போதும் வாய்ப்புகள் உண்டு. ஆனால், அந்த வாய்ப்புகளை பயன்படுத்த, நாம் புதிய தொழில்நுட்பங்களை அறிந்து வைத்திருக்க வேண்டும். செயற்கை நுண்ணறிவு கருவிகளை கற்றுக்கொள்வது மட்டுமல்லாமல், அவற்றை உருவாக்குபவர்களாகவும் மாற வேண்டும். 2030-ல் உலகளாவிய இ-கற்றல் சந்தை $400 பில்லியன் மதிப்புள்ளதாக இருக்கும் என்று எதிர்பார்க்கப்படுகிறது. எனவே, இந்த துறையில் நுழைவது ஒரு நல்ல வாய்ப்பு.
நீங்கள் ஒரு தொழில்முனைவோராகவோ, மாணவராகவோ, அல்லது வேலை தேடுபவராகவோ இருந்தாலும், செயற்கை நுண்ணறிவின் வளர்ச்சியை புரிந்துகொள்வது அவசியம். இந்த துறையில் நீங்கள் சிறந்து விளங்க, கற்றுக்கொள்வதில் முதலீடு செய்வது சரியான முடிவாக இருக்கும்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
