இந்திய பொருட்களுக்கு அமெரிக்கா 50% வரி விதித்த டொனால்ட் டிரம்ப்பின் முடிவு, தற்போது அமெரிக்காவிலும் அவருக்கு எதிராகவே திரும்பியுள்ளது. அமெரிக்க அதிகாரிகள், முன்னாள் துணைச் செயலாளர், நாடாளுமன்ற உறுப்பினர்கள் மற்றும் பொருளாதார நிபுணர்கள் என பலரும் டிரம்ப்பின் இந்த முடிவை வெளிப்படையாக விமர்சித்துள்ளனர்.
டிரம்ப் முடிவுக்கு எதிராக அமெரிக்காவில் குரல்
டிரம்ப்பின் இந்தியா மீதான வர்த்தக கொள்கைகள் இரு நாடுகளுக்கும் இடையிலான உறவை சீர்கெடுக்கும் என அமெரிக்க அதிகாரிகள் எச்சரித்துள்ளனர். முன்னாள் அமெரிக்க துணைச் செயலாளர் கேம்பல், டிரம்ப்பின் இந்த முடிவு தவறு என்று நேரடியாக கூறியுள்ளார். அதேபோல், அமெரிக்காவின் மூத்த நாடாளுமன்ற உறுப்பினர் கீரி கோரி, “இந்தியாவின் நட்பை உறுதிப்படுத்த அமெரிக்கா பல ஆண்டுகளாக முயற்சித்தது. ஆனால், அந்த பணிகளை டிரம்ப் ஒரே நாளில் உடைத்துவிட்டார்” என்று கடுமையாக விமர்சித்துள்ளார்.
அமெரிக்காவின் முன்னாள் பாதுகாப்பு ஆலோசகர் ஜான் ஹோல்டர், “டிரம்ப்பின் கொள்கை பெரிய விளைவுகளை ஏற்படுத்தும். வரும் காலங்களில் இந்தியா, ரஷ்யா மற்றும் சீனாவுடன் நெருக்கம் ஆகிவிட்டால் அமெரிக்காவுக்குத்தான் சிக்கல்” என்று எச்சரித்துள்ளார். பொருளாதார நிபுணர் கிறிஸ்டோபர் பாடிலால், இந்த நடவடிக்கையால் இரு நாடுகளுக்கும் இடையே சரிசெய்ய முடியாத பாதிப்புகள் ஏற்படும் என்று கூறியுள்ளார்.
இந்தியா மீதான வரியால் உள்நாட்டிலும் செல்வாக்கு இழப்பு
இந்தியா மீது 50% வரி விதித்த டிரம்ப்பின் நடவடிக்கையால், அவர் தனது சொந்த நாட்டிலேயே தனது செல்வாக்கை இழந்து வருகிறார் என்பதை இந்த கருத்துக்கள் தெளிவாக காட்டுகின்றன. சீனா போன்ற பிற நாடுகளுக்கு வரி விதித்தபோது அமைதியாக இருந்த அமெரிக்க பிரபலங்கள், இந்தியாவுக்கு வரி போட்டவுடன் தான் பேசத் தொடங்கியுள்ளனர். இது டிரம்ப்புக்கு ஒரு பெரிய அதிர்ச்சியை ஏற்படுத்தியுள்ளது.
மோடியின் முடிவுக்கு அமெரிக்காவில் ஆதரவு
இந்தியா தனது உரிமைகளை பாதுகாக்க பிரதமர் மோடி எடுத்த முடிவு வரவேற்கத்தக்கது என்று அமெரிக்காவில் உள்ள பல பொருளாதார நிபுணர்களும் அரசியல் பிரபலங்களும் கூறி வருவது, டிரம்ப்புக்கு ஒரு பெரிய பின்னடைவாக பார்க்கப்படுகிறது. இந்த நிகழ்வு, சர்வதேச உறவுகளில் இந்தியா ஒரு முக்கிய பங்கு வகிப்பதை உறுதி செய்கிறது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
