அமெரிக்க அதிபர் டொனால்ட் டிரம்ப் மீண்டும் இந்தியாவுக்கு விதித்த வரியால், இந்தியாவுக்கு பெரிய அளவில் பாதிப்பில்லை. அமெரிக்காவின் நிபந்தனைகளையும் இந்தியா ஏற்க முடியாது என்று கூறிவிட்டார். இந்த நிலையில் அமெரிக்காவில் குடியேறிய இந்தியர்களை அடுத்தகட்டமாக வெளியேற்றலாம் என்ற முடிவை டிரம்ப் எடுப்பார் என்று எதிர்பார்க்கப்படுகிறது. டிரம்ப் இதனை அமல்படுத்தினால், இந்தியா அதற்கு எப்படி பதிலடி கொடுக்கும்? அமேசான், ஆப்பிள் போன்ற அமெரிக்க நிறுவனங்களுக்கு இந்தியாவில் தடை விதிக்கப்படுமா?
அமெரிக்காவில் வாழும் லட்சக்கணக்கான இந்தியர்கள், குறிப்பாக ஐ.டி. துறையில் பணிபுரிபவர்கள், டிரம்பின் அடுத்தகட்ட நடவடிக்கையால் பாதிக்கப்படக்கூடும் என்று அஞ்சப்படுகிறது.
ஒருவேளை அமெரிக்காவில் வாழும் இந்தியர்கள் வெளியேற்றப்பட்டால், இந்தியா அதை ஒரு நட்பு நாட்டின் மீதான தாக்குதலாகவே கருதும். இது, இரு நாடுகளுக்கும் இடையிலான உறவில் பெரும் விரிசலை ஏற்படுத்தும். இந்த சூழ்நிலையில், இந்தியா பதிலடி கொடுப்பதற்கான வாய்ப்புகள் அதிகம்.
அமெரிக்காவை சேர்ந்த பன்னாட்டு நிறுவனங்களான அமேசான், ஆப்பிள், கூகுள், மெக்டொனால்ட்ஸ், ஃபோர்டு, வால்மார்ட், கோகோ-கோலா போன்ற நிறுவனங்கள் இந்தியாவில் பெரும் சந்தையை கொண்டுள்ளன. இந்த நிறுவனங்களுக்கு தடை விதிப்பது அல்லது அவற்றின் வர்த்தக நடவடிக்கைகளை கடுமையாக்குவது போன்ற நடவடிக்கைகளை இந்தியா எடுக்கக்கூடும்.
இந்தியா, அமெரிக்காவுடனான பொருளாதார உறவுகளை படிப்படியாக குறைக்கலாம். புதிய வர்த்தக ஒப்பந்தங்களை நிறுத்துவது, பாதுகாப்பு மற்றும் தொழில்நுட்ப ஒப்பந்தங்களை மறுபரிசீலனை செய்வது போன்ற நடவடிக்கைகளை எடுக்கக்கூடும்.
அமெரிக்க நிறுவனங்களுக்கு தடை விதிப்பது இந்தியாவுக்கும் சில பாதிப்புகளை ஏற்படுத்தலாம். உதாரணமாக, அமேசான், வால்மார்ட் , மைக்ரோசாப்ட் போன்ற நிறுவனங்கள் இந்தியாவில் லட்சக்கணக்கானவர்களுக்கு வேலைவாய்ப்புகளை வழங்குகின்றன. எனினும், இந்தியாவின் உள்நாட்டு திறன் அமெரிக்க பொருட்களுக்கான மாற்றுகளை உருவாக்கிக் கொள்ளும் அளவுக்கு வலிமையானது.
இந்தியாவின் 140 கோடி மக்கள் தொகை கொண்ட உள்நாட்டு சந்தை, இந்த நிறுவனங்களுக்கு மிகப்பெரிய வாய்ப்புகளை வழங்குகிறது. இந்த நிறுவனங்கள் இந்தியாவில் தடையை சந்தித்தால், இந்திய நிறுவனங்கள் அந்த வெற்றிடத்தை நிரப்ப வாய்ப்புள்ளது.
இந்திய ஸ்டார்ட்அப்கள் மற்றும் தொழில்நுட்ப நிறுவனங்கள், அமேசான், கூகுள் போன்ற நிறுவனங்களுக்கு போட்டியாக வளர்ந்து வருகின்றன. இது, இந்தியாவுக்கு ஒரு சாதகமான சூழ்நிலையை உருவாக்கும்.
டிரம்ப் ஒருவேளை அமெரிக்காவில் உள்ள இந்தியர்களை வெளியேற்றினால், அது இரு நாடுகளுக்கும் இடையிலான உறவில் பெரும் புயலைக் கிளப்பும். இந்தியா அதற்கு பதிலடி கொடுக்கும் என்பதில் சந்தேகம் இல்லை. இந்த வர்த்தக மற்றும் அரசியல் மோதல், உலக அரங்கில் ஒரு முக்கியமான நிகழ்வாக அமையும்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
