அமெரிக்காவின் முன்னாள் அதிபர் டொனால்ட் டிரம்ப், உலக நாடுகளின் மீது வரிகளை விதிப்பதில் உறுதியாக இருந்தாலும், ரஷ்ய அதிபர் விளாடிமிர் புடின் மற்றும் சீனாவுடன் அவர் எதிர்கொண்ட அனுபவங்கள், இந்தியாவுடனான அவரது அணுகுமுறையில் ஒரு முக்கிய பாடத்தை கற்றுக்கொடுக்கின்றன. ஆனால், ஒரு அதிபராக அல்லாமல், ஒரு தொழில்முனைவோராக செயல்படும் டிரம்ப், இந்தியாவின் வலிமையை புரிந்துகொள்ள தவறிவிட்டார் என அரசியல் பார்வையாளர்கள் கருதுகின்றனர்.
புடினிடம் பணிந்த டிரம்ப்: வாலை ஒட்ட அறுத்த சீனா
டிரம்ப், உலக நாடுகளின் மீது வரிகளை விதித்தாலும், ரஷ்ய அதிபர் புடினிடம் மட்டும் நேரடியாக மோதவில்லை. புடினின் வலிமை மற்றும் ராஜதந்திரம் அவருக்கு நன்கு தெரியும். புடினிடம் மோதினால், அது தனது அரசியல் வாழ்க்கைக்கு ஆபத்தாக அமையும் என்பதை டிரம்ப் புரிந்துகொண்டிருந்தார்.
ரஷ்யாவை தொடர்ந்து, சீனா மீது டிரம்ப் வரி விதித்தார். ஆனால், சீனா 135% வரி விதித்து, டிரம்ப்புக்கு ஒரு கடுமையான பதிலடியை கொடுத்தது. இந்த அதிரடி நடவடிக்கையால், டிரம்ப் பின்வாங்க வேண்டிய நிலை ஏற்பட்டது. இதன் விளைவாக, சீனாவுக்கான வரிகளை குறைக்க அவர் நிர்பந்திக்கப்பட்டார். சீனாவிடம் தன் ‘வாலை’ சுட்ட டிரம்ப், இப்போது இந்தியாவிடம் அதே அணுகுமுறையை கையாள முயற்சிக்கிறார்.
இந்தியாவின் வலிமை: மோடியின் ‘ஒரிஜினல் முகம்’
டிரம்ப், ரஷ்யா மற்றும் சீனாவை அடுத்து, தற்போது இந்தியாவிடம் வாலாட்ட தொடங்கியுள்ளார். பிரதமர் நரேந்திர மோடி நட்புறவுடன் இருக்கும்போது தன் உயிரை கூட கொடுப்பார்; ஆனால், அந்த நட்புக்கு துரோகம் நடந்தால், அவரது இன்னொரு முகத்தை டிரம்ப் எதிர்கொள்ள நேரிடும். மோடியின் இந்த ‘ஒரிஜினல் முகம்’ அமெரிக்காவின் அஸ்திவாரத்தையே ஆட்டம் காண வைக்கும் திறன் கொண்டது என அரசியல் ஆய்வாளர்கள் எச்சரிக்கின்றனர்.
வரலாற்றைப் பார்த்தால், மோடியுடன் மோதிய உலக தலைவர்கள் எல்லாம் பின்வாங்கியிருக்கிறார்கள். அமெரிக்கா இதற்கு விதிவிலக்காக இருக்காது. மோடியிடம் வாலாட்டினால், இந்தியா, ரஷ்யா, சீனா, பிரேசில், தென் ஆப்பிரிக்கா போன்ற பிரிக்ஸ் நாடுகள் ஒன்றிணைந்து, அமெரிக்க பொருளாதாரத்திற்கு மொத்தமாக ஆப்பு வைப்பார்கள் என்ற அச்சம் அமெரிக்கப் பொருளாதார நிபுணர்களுக்கு உள்ளது.
டிரம்ப்பின் ‘பிசினஸ்’ அணுகுமுறை மற்றும் அதன் விளைவுகள்
ஒரு அதிபராக இல்லாமல், ஒரு ‘பிசினஸ்மேன்’ போல செயல்படும் டிரம்ப், நாட்டின் நீண்டகால நலன்களை பற்றி கவலைப்படுவதில்லை. அவரது வர்த்தக போர் நடவடிக்கைகள், அமெரிக்காவில் பணவீக்கத்தை அதிகரித்துள்ளது. இதனால் அமெரிக்க மக்களிடையே அவருக்கு எதிரான அதிருப்தி அதிகரித்து வருகிறது.
இதன் விளைவாக, டிரம்ப்பின் ஆட்சியை அவரது சொந்தக் கட்சியினரே கவிழ்த்தால் கூட ஆச்சரியப்படுவதற்கு இல்லை என்ற பேச்சு அமெரிக்காவில் தற்போது எழுந்துள்ளது. டிரம்ப் தனது அரசியல் செல்வாக்கை பயன்படுத்தி மற்ற நாடுகளை மிரட்டினாலும், இந்தியாவின் உறுதியான நிலைப்பாடு மற்றும் சர்வதேசக்கூட்டணியின் பலம், அவரது வர்த்தக போருக்கு ஒரு முற்றுப்புள்ளி வைக்கும் என எதிர்பார்க்கப்படுகிறது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
