அமெரிக்காவின் பெருநிறுவனங்களான கூகுள், ஆப்பிள், டெஸ்லா, மைக்ரோசாஃப்ட் போன்ற உலகளாவிய தொழில்நுட்ப நிறுவனங்கள், அமெரிக்க பொருளாதாரத்தின் முதுகெலும்பாக விளங்குகின்றன. ஆனால், இந்த நிறுவனங்களின் வெற்றிக்கு காரணம், இந்தியாவில் இருந்து புலம்பெயர்ந்த திறமையான நிபுணர்கள்தான்.
கூகுளின் சுந்தர் பிச்சை போன்றவர்கள் இதற்கு சிறந்த எடுத்துக்காட்டுகள். இவர்களை போன்ற அறிவாளிகள் இந்தியாவில் உள்ள நிறுவனங்களில் பணிபுரிந்திருந்தால், அந்த நிறுவனங்கள் இன்று கூகுளுக்கு இணையாக வளர்ந்திருக்கும்.
அமெரிக்காவின் பலம், இந்தியாவின் இழப்பு:
இந்தியா, தனது சிறந்த மனிதவளத்தை அமெரிக்காவுக்கு ஏற்றுமதி செய்வதால் தான் அமெரிக்கா வல்லரசாக தொடர்கிறது. ஆனால், இந்தியா ஒரு வளர்ந்து வரும் நாடாகவே இருந்து வருகிறது. இந்த நிலை மாற வேண்டும். எதிர்காலத்தில், நமது நாட்டில் படிக்கும் அறிவார்ந்த மாணவர்களுக்கு நம் நாட்டிலேயே வாய்ப்புகளை ஏற்படுத்தி, இந்தியாவின் முன்னேற்றத்திற்காக பாடுபட ஊக்குவிக்க வேண்டும்.
தாய்நாட்டுப் பற்று தேவை:
ஐ.ஐ.டி. , ஐஐஎம் போன்ற உயர்தர கல்வி நிறுவனங்களில் மாணவர்களை பயிற்றுவிக்க மத்திய அரசு பெரும் தொகையை செலவு செய்கிறது. ஆனால், படித்து முடித்தவுடன், அவர்களுக்கு அமெரிக்காவில் ரூ.4 கோடி, ரூ.5 கோடி என அதிக சம்பளத்துடன் வேலை கிடைக்கிறது. இதனால், அவர்கள் அமெரிக்காவின் முன்னேற்றத்திற்காக சென்றுவிடுகிறார்கள். இதனை தடுத்து நிறுத்தி, அமெரிக்காவில் கிடைக்கும் அதே அளவிலான சம்பளத்தையும், வாய்ப்புகளையும் இந்தியாவிலேயே வழங்க வேண்டும். அப்போதுதான், தாய்நாட்டிற்காக பணிபுரிய வேண்டும், தாய்நாட்டை உயர்த்த வேண்டும் என்ற எண்ணம் இந்திய இளைஞர்களுக்கு ஏற்படும்.
இந்தியா, அறிவை ஏற்றுமதி செய்வதை நிறுத்திவிட்டால், அமெரிக்காவின் ஆதிக்கம் ஆட்டம் காணும். நமது நாட்டின் திறமையான மனிதவளத்தை நம் நாட்டிலேயே தக்கவைத்துக்கொண்டால், இந்தியாவும் வல்லரசாக மாறும். இது ஒரு கொள்கை ரீதியான முடிவாகவும், இந்தியாவின் நீண்டகால வளர்ச்சிக்கு அவசியமானதாகவும் பார்க்கப்படுகிறது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
