மற்ற அரசியல் தலைவர்களை போல இல்லாமல், நடிகர் விஜய் ஒரு ‘ஸ்மார்ட்’ தலைவராக செயல்படுவதாக அரசியல் விமர்சகர்கள் கருத்து தெரிவிக்கின்றனர். தனக்கு ஏற்படும் சிக்கல்களைக்கூட அவர் விளம்பரத்திற்காக பயன்படுத்தாமல், அமைதியாகவும் சட்டதிட்டங்களுக்கு உட்பட்டும் கையாள்வது, அவரை ஒரு தனித்துவமான தலைவராக காட்டுகிறது.
சவால்களை எதிர்கொள்ளும் விதம்,.. மதுரை மாநாடு:
தமிழக வெற்றிக் கழகத்தின் 2வது மாநாடு மதுரையில் நடைபெறவுள்ளது. இந்த மாநாட்டிற்கு பல்வேறு இடையூறுகள் ஏற்பட்டபோதும், விஜய் அவற்றை வெளிப்படையாக கூறி அரசியல் செய்யவில்லை. மாறாக, மாநாட்டை வெற்றிகரமாக நடத்துவதில் மட்டுமே அவர் கவனம் செலுத்தினார்.
அமைதியான அணுகுமுறை:
தற்போது ஆகஸ்ட் 25-ல் நடைபெறவிருந்த மாநாட்டிற்கு, விநாயகர் சதுர்த்தியை காரணம் காட்டி காவல்துறையினர் தேதியை மாற்ற சொல்லினர். அப்போதுகூட, காவல்துறையையோ, ஆளுங்கட்சியையோ குற்றம் சொல்லாமல், அவர்கள் கொடுத்த தேதிகளில் ஒன்றான ஆகஸ்ட் 21ஆம் தேதியை தேர்ந்தெடுத்து, மாநாட்டுக்கான ஏற்பாடுகளை தொடர்கிறார். இதுதான் விஜய்யின் தனித்துவமான அணுகுமுறை.
சீமானுடன் ஒப்பிடுதல்:
இதுபோன்று ஒரு மாநாட்டு தேதி மாற்றப்பட்டிருந்தால், நாம் தமிழர் கட்சியின் ஒருங்கிணைப்பாளர் சீமான் புலம்பி ஒப்பாரி வைத்திருப்பார். அதை ஒரு வாரம் முழுவதும் அரசியல் பேசுபொருளாக மாற்றியிருப்பார். ஆனால், விஜய் அப்படி செய்யாமல், சட்டத்திற்கு மதிப்பளித்து, பிரச்சினைகளை தவிர்த்து, அடுத்தகட்ட வேலைகளை அமைதியாக செய்வது அவரது அரசியல் முதிர்ச்சியை காட்டுகிறது.
விஜய்யின் வித்தியாசமான அரசியல் பாணி.. சட்டத்திற்கு மரியாதை:
விஜய், சட்டத்தை மதித்து, அதன் வரம்புகளுக்கு உட்பட்டே செயல்படுபவராக இருக்கிறார். தடைகளை மீறி எதையும் செய்ய வேண்டும் என்ற எண்ணம் அவரிடம் இல்லை. இது அவரை மற்ற அரசியல் தலைவர்களிடமிருந்து வேறுபடுத்தி காட்டுகிறது.
நீண்ட கால லட்சியம்:
விஜய்யின் அரசியல் திட்டங்கள், குறுகிய கால வெற்றிகளை நோக்கியதாக இல்லாமல், தமிழகத்தை ஒரு உயர்ந்த நிலைக்கு கொண்டு செல்ல வேண்டும் என்ற தொலைநோக்குடையதாக இருப்பதாக விமர்சகர்கள் கருதுகின்றனர்.
தமிழகத்தின் எதிர்காலம்:
விஜய்யின் இந்த கனவுகள் நனவானால், தமிழகம் இந்தியாவின் முதன்மையான மாநிலமாக மாறுவதுடன், உலகத்திற்கே வழிகாட்டும் ஒரு மாநிலமாக மாறும் என்றும் அரசியல் விமர்சகர்கள் நம்பிக்கை தெரிவிக்கின்றனர்.
விஜய்யின் இந்த ‘ஸ்மார்ட்’ அரசியல் அணுகுமுறை, அவரை மக்கள் மத்தியில் ஒரு நம்பிக்கைக்குரிய தலைவராக காட்டுகிறது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
