தமிழ் சினிமாவில் முன்ணனி நடிகராக இருந்து வருபவர் விஜய். இவரது தந்தை S A சந்திரசேகர் தமிழ் சினிமாவில் பணியாற்றிய இயக்குனர் மற்றும் தயாரிப்பாளர். அதன் மூலம் அவருக்கு சினிமாவில் நடிக்கும் வாய்ப்பு கிடைத்தது. ஆரம்பத்தில் குழந்தை நட்சத்திரமாக தமிழ் சினிமாவில் அறிமுகமானார் விஜய்.
தொடர்ந்து 1990களில் தனது 18 வது வயதில் தமிழ் சினிமாவில் நாயகனாக அறிமுகமானார் விஜய். ஆரம்பத்தில் குடும்பக் கதை அம்சம் கொண்ட படங்களில் நடித்து மக்கள் மனதில் இடம் பிடித்தார். 2000 காலகட்டத்திற்கு பிறகு சமூக நீதி கருத்துக்கள் கொண்ட படங்களில் நடித்து பிரபலமான நடிகராக ஆனார் விஜய். 2010 காலகட்டத்திற்கு பிறகு விஜய் நடித்து வெளிவந்தாலே அந்த படம் ஹிட்டுதான் என்ற அளவுக்கு புகழின் உச்சிக்கு சென்றார் விஜய்.
தற்போது தமிழ் சினிமாவின் டாப் ஹீரோவாக அதிக சம்பளம் வாங்கும் முன்னணி நடிகராக இருந்த போதும் மக்களுக்கு சேவை செய்ய வேண்டும் என்று விரும்பிய விஜய் அரசியலில் இறங்கபோவதாக கூறி தமிழக வெற்றி கழகம் என்ற கட்சியை ஆரம்பித்து அதன் பணிகளில் ஈடுபட்டு வருகிறார். தான் இறுதியாக கமிட்டான ஜனநாயகன் படத்தில் நடித்து முடித்துவிட்டு முழுநேர அரசியல்வாதியாக மாறப்போவதாக கூறியிருக்கிறார்.
இந்நிலையில் விஜய் நடிக்கும் ஜனநாயகன் திரைப்படம் வருகிற பொங்கலுக்கு ரிலீசாகும் என்று கூறப்பட்டிருக்கிறது. இந்த திரைப்படத்தின் இசை வெளியீட்டு விழாவை டிசம்பர் மாதம் நடத்தலாம் என்று பட குழுவினர் முயற்சி செய்து வருகின்றார்கள். தமிழகத்தில் இசை வெளியீட்டு விழாவை நடத்துவதற்காக நேரு ஸ்டேடியம் மற்றும் பல இடங்களில் முயற்சி செய்து கொண்டிருக்கும் படக்குழுவினருக்கு எங்குமே அனுமதி கிடைக்கவில்லையாம். அதனால் ஜனநாயகன் படக்குழு இந்த திரைப்படத்தின் இசை வெளியீட்டு விழாவை மலேசியாவில் நடத்தலாம் என்று அதிரடியாக முடிவு எடுத்து திட்டமிட்டு கொண்டிருக்கின்றனர் என்ற தகவல் வெளியாகியிருக்கிறது. இது தமிழகத்தில் இருக்கும் விஜய் ரசிகர்களுக்கு சிறிது ஏமாற்றம் தான் என்றாலும் வேறு வழியில்லாமல் படக்குழு இந்த முடிவை எடுத்திருக்கலாம் என்று கூறப்படுகிறது.
