தமிழக அரசியல் களம் 2026 சட்டமன்ற தேர்தலை நோக்கி சூடுபிடித்துள்ள நிலையில், நடிகர் விஜய் தனது கட்சியின் 2வது மாநில மாநாடு குறித்த தேதியை அதிகாரப்பூர்வமாக அறிவித்துள்ளார்.
தமிழக வெற்றிக் கழகத்தின் 2வது மாநாட்டை மதுரை மண்ணில் நடத்த விஜய் திட்டமிட்டிருப்பது, அரசியல் விமர்சகர்களால் முக்கியமான ஒரு முக்கிய நகர்வாக பார்க்கப்படுகிறது. மறைந்த மக்கள் கலைஞர் கேப்டன் விஜயகாந்த் தனது அரசியல் பயணத்தை மதுரையில் இருந்து தான் தொடங்கினார். விஜயகாந்த் அவர்களுக்கு மரியாதை செலுத்தும் வகையிலும், அவரது பிறந்த நாளில் அவரது மண்ணில் தவெக மாநாடு நடைபெறவுள்ளது. மதுரையில் தொடங்கும் எந்த ஒரு அரசியல் நிகழ்வும் வெற்றியைத் தரும் என்ற நம்பிக்கை அடிப்படையிலும் இந்த தேர்வு அமைந்துள்ளது. இது விஜய்யின் அரசியல் கணக்கு ஒரு நுட்பமான ஆலோசனையுடன் போடப்பட்டுள்ளது என்பதைக் காட்டுகிறது.
இளைஞர் படை: விஜயின் மிகப்பெரிய பலம்!
அரசியல் களத்திற்கு விஜய் இளைஞர்களின் பெரும் படையை கையில் வைத்துக்கொண்டு வருவதால் கிட்டத்தட்ட அனைத்து அரசியல் கட்சிகளும் பயத்தில் உள்ளன. இது அவருக்கு கிடைக்கும் மிகப்பெரிய சாதகமான அம்சம். சமூக வலைத்தளங்களில் அவரது ரசிகர்கள் மற்றும் இளைஞர்கள் காட்டி வரும் ஆர்வம், அரசியல் ரீதியாக ஒரு புதிய சக்தியை உருவாக்கி உள்ளது. இது பாரம்பரிய அரசியல் கட்சிகளுக்கு கணிசமான சவாலை ஏற்படுத்தும் என கணிக்கப்படுகிறது.
கூட்டணி சாரா உத்தி: மக்கள் தொடர்பு அவசியம்!
கூட்டணி அமைந்தாலும் இல்லாவிட்டாலும், விஜய் செய்ய வேண்டியது ஒன்றே ஒன்றுதான் என்று அரசியல் நோக்கர்கள் அறிவுறுத்துகிறார்கள்: அடுத்த 8 மாதங்களுக்குள் அவர் குறைந்தது 3 முறையாவது தமிழகம் முழுவதும் சுற்றுப்பயணம் செய்ய வேண்டும். குறிப்பாக, கிராமம் கிராமமாக சென்று மக்களை நேரடியாக சந்திப்பதன் மூலம், ஒரு நடிகராக இல்லாமல், மக்களின் தலைவராக தன்னை நிலைநிறுத்திக் கொள்ள முடியும். இந்த நேரடி மக்கள் தொடர்பு அவருக்கு பெரிய அளவில் கை கொடுக்கும் என எதிர்பார்க்கப்படுகிறது.
ஸ்டாலினின் கடைசி ஆட்சியா?
தற்போதைய முதல்வர் மு.க. ஸ்டாலின் 2021ல் முதல் முறையாக முதலமைச்சர் பதவியை ஏற்றார். ஆனால், சில அரசியல் கணிப்புகளின்படி, இதுதான் அவருக்கு கடைசி முறையாக முதலமைச்சராக இருக்கும் வாய்ப்பு என காங்கிரஸ் கட்சியின் ராவுத்தர் ஒரு பேட்டியில் தெரிவித்துள்ளார். விஜய்யின் வருகை, திமுகவுக்கு எதிரான வாக்குகளை பிரிப்பதோடு, புதிய தலைமையை எதிர்பார்த்து நிற்கும் ஒரு பெரும் பகுதியினரை ஈர்க்கும் எனவும் அவர் கூறினார்.
விஜய் அறுவடை செய்யப்போகும் வாக்கு வங்கிகள்:
விஜய் களமிறங்குவதன் மூலம், பல்வேறு வகையான வாக்கு வங்கிகளை அறுவடை செய்ய முடியும் என்று அரசியலை கூர்ந்து கவனித்து வருபவர்கள் தெரிவிக்கின்றனர்.
திமுக எதிர்ப்பு வாக்குகள்: தற்போதைய ஆளுங்கட்சி மீது அதிருப்தியில் இருக்கும் வாக்காளர்கள் விஜய்யை ஒரு மாற்று சக்தியாக பார்க்கலாம்.
பாஜக எதிர்ப்பு வாக்குகள்: பாஜகவின் கொள்கைகள் அல்லது செயல்பாடுகள் மீது அதிருப்தி கொண்ட வாக்காளர்களையும் விஜய் கவர வாய்ப்புள்ளது.
சிறுபான்மையினர் வாக்குகள்: சிறுபான்மையினரின் நம்பிக்கையை பெறும் பட்சத்தில், அவர்களது வாக்குகளையும் விஜய் ஈர்க்கலாம்.
அதிமுக – திமுகவை பிடிக்காதவர்கள்: தமிழகத்தில் இருபெரும் திராவிட கட்சிகள் மீது அதிருப்தி கொண்ட, ஒரு புதிய மாற்றுத் தலைமையை எதிர்பார்த்து நிற்கும் கணிசமான வாக்காளர்கள் உள்ளனர். இவர்களை விஜய் முழுமையாக அறுவடை செய்ய முடியும்.
முதல் தலைமுறை வாக்காளர்கள்: அரசியல் கட்சிகள் மீது எந்தவிதமான பிணைப்பும் இல்லாத, புதிய முகங்களை தேடும் முதல் தலைமுறை வாக்காளர்கள் விஜய்யின் பக்கம் செல்ல அதிக வாய்ப்புள்ளது.
கல்லூரி மாணவர்கள்: இளைஞர் ஐகானாக இருப்பதால், கல்லூரி மாணவர்கள் மத்தியில் விஜய்க்கு இயல்பாகவே பெரிய ஆதரவு உள்ளது.
பெண்கள்: திரைப்படங்கள் மூலம் கிடைத்திருக்கும் பிம்பம், மற்றும் எதிர்காலத்தில் அவர் முன்வைக்கப் போகும் பெண்களுக்கான திட்டங்கள் ஆகியவை பெண்களின் வாக்குகளை ஈர்க்கக்கூடும்.
ஒட்டுமொத்தமாக, விஜய்யின் அரசியல் பிரவேசம் தமிழக தேர்தல் களத்தை ஒரு பலமுனை போட்டியாக மாற்றும் என்பதில் சந்தேகமில்லை. அவரது உத்தி, மக்கள் தொடர்பு, மற்றும் அவர் கவரும் வாக்கு வங்கிகள் ஆகியவையே அவரது எதிர்கால அரசியல் வெற்றியை நிர்ணயிக்கும்.
மற்ற அரசியல் கட்சி தலைவர்கள் போல் விஜய்க்கு அரசியல் அனுபவம் இல்லாமல் இருக்கலாம், ஆனால் மக்கள் மீது அன்பு பாசம் பரிவு இருக்கிறது, ஊழலில் மூழ்கி போய் இருக்கிற நாட்டை மீட்க வேண்டும் என்ற ஆர்வம் உள்ளது. போதை பழக்கத்தில் மூழ்கி போயுள்ளவர்களை மீட்க வேண்டும், மக்களை முன்னேற்ற பாதைக்கு கொண்டு செல்ல வேண்டும், என்ற அன்பு அக்கறை பரிவு பாசம் இருக்கிறது, அந்த ஒன்றே போதும் அவர் வெற்றி பெற்று ஒரு முதல்வராவதற்கு என்று அவரது கட்சி தொண்டர்கள் கூறி வருகின்றனர்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
