சின்னத்திரையில் இருந்து வெள்ளித்திரைக்கு சென்று நடிகர்களில் ஒருவர் சிவகார்த்திகேயன். விஜய் டிவியில் தொகுப்பாளராக மிமிக்ரி செய்பவராக தனது கேரியரை தொடங்கியவர் சிவகார்த்திகேயன். எந்த ஒரு சினிமா பின்புறமும் இல்லாமல் இன்றைக்கு இந்த அளவு வெற்றி நாயகனாக மாறி இருக்கிறார் சிவகார்த்திகேயன்.
தீபாவளியை முன்னிட்டு சிவகார்த்திகேயன் சாய்பல்லவி நடிப்பில் தற்போது வெளியாகியிருக்கும் படம் அமரன். ராணுவத்தில் பணிபுரிந்து வீரமரணம் அடைந்த மேஜர் முகுந்த் வரதராஜன் அவர்களின் வாழ்க்கை வரலாறை மையமாக வைத்து இந்த படம் எடுக்கப்பட்டிருக்கிறது. இந்த படத்தை சோனி பிச்சர்ஸ்சும் கமலஹாசனின் ராஜ்கமல் பிலிம்ஸ் நிறுவனமும் இணைந்து தயாரித்திருக்கிறது.
இந்த படம் மாபெரும் வெற்றி பெற்று திரையரங்குகளில் வெற்றிகரமாக ஓடிக் கொண்டிருக்கிறது. மக்கள் அனைவரும் இந்த படத்தை பார்த்து நல்ல விமர்சனங்களை கொடுத்து வெகுவாக பாராட்டி வருகிறார்கள். இது போன்ற படங்கள் இனி வரவேண்டும் என்று கூறுகிறார்கள். பலரும் ஆச்சரியப்படும் அளவுக்கு சிவகார்த்திகேயன் நடிப்பு அபாரமாக இந்த படத்தில் இருக்கிறது.
இந்தநிலையில் அமரன் திரைப்படம் வெளியாகி 12 நாட்கள் கடந்த விட்டது. இந்த திரைப்படத்தின் வசூல் எவ்வளவு என்று உங்களுக்கு தெரியுமா? தமிழ்நாடு அளவில் 122 கோடியும் உலக அளவில் 250 கோடியும் அமரன் திரைப்படம் வசூலித்து சாதனை படைத்திருக்கிறது. இதை அறிந்த தமிழ் திரையுலகமே வியப்பில் ஆழ்ந்திருக்கிறது. பெரிய ஹீரோக்கள் அளவிற்கு சிவகார்த்திகேயன் நடித்த அமரன் திரைப்படம் இடம் பிடித்திருக்கிறது என்பது குறிப்பிடத்தக்கது.