அஜித் நடிப்பில் மகிழ் திருமேனி இயக்கத்தில் தயாராகி வரும் திரைப்படம் விடாமுயற்சி. இந்த படத்தில் அஜித்துடன் இணைந்து திரிஷா ஐந்தாவது முறையாக ஜோடி சேர்ந்திருக்கிறார். இவர்களுடன் சேர்ந்து அர்ஜுன் ஆரவ் ரெஜினா போன்ற பல முக்கிய பிரபலங்கள் நடித்திருக்கின்றனர்.
ஒரு ஆக்சன் திரில்லர் கதைக்களமாக உருவாகும் இந்த படம் எப்போது ரிலீஸ் ஆகும் என ரசிகர்கள் கேட்டு வருகின்றனர். இந்த வருட தீபாவளிக்கு கண்டிப்பாக விடாமுயற்சி திரைப்படம் ரிலீஸ் ஆகிவிடும் என ரசிகர்கள் எதிர்பார்த்துக் கொண்டிருந்தனர்.
ஆனால் ரிலீஸ் தேதியில் கொஞ்சம் இழுபறியாக இருப்பதினால் அடுத்த பொங்கலுக்கு தான் வருமா? இல்லை எப்போது வரும் என ரசிகர்கள் நாள்தோறும் விடாமுயற்சி படத்தை பற்றிய அப்டேட்டுகளை கேட்ட வண்ணம் இருக்கின்றனர்.
இன்னும் இந்த படத்தில் ஒரே ஒரு பாடல் காட்சி மட்டும் படமாக்க வேண்டி இருப்பதால் அந்தப் பாடல் காட்சியை படமாக்க ஐந்து நாட்கள் தேவைப்படுமாம். அதன் பிறகு போஸ்ட் புரொடக்ஷன் வேலை மற்ற வேலைகள் என விறுவிறுப்பாக அடுத்த கட்ட நிலைக்கு படக்குழு இறங்கிவிடும்.
இந்த நிலையில் சமீபத்தில் நடந்த சைமா விருது விழாவில் நடிகர் அர்ஜுன் கலந்து கொண்டார். அப்போது விடாமுயற்சி பற்றி அவரிடம் கேட்டபோது அதற்கு அர்ஜுன் இந்த மாதம் டிசம்பர் மாதத்தில் வெளியாகி விடும் என நான் நினைக்கிறேன் என பதில் அளித்து இருக்கிறார்.
அந்த படத்தில் ஒரு முக்கியமான கேரக்டரில் நடித்து வரும் அர்ஜுனே இப்படி சொல்லும் நிலையில் கண்டிப்பாக டிசம்பர் மாதத்தில் தான் ரிலீஸ் தேதியை பிளான் பண்ணி இருப்பார்கள் என கூறி வருகிறார்கள் .ஒருவேளை டிசம்பர் மாதம் ரிலீஸ் ஆனால் அடுத்த வருடம் ஜனவரி மாதமே குட் பேட் அக்லி திரைப்படமும் ரிலீஸ் ஆக இருக்கின்றது. அதனால் அஜித் ரசிகர்களுக்கு அடுத்தடுத்து டபுள் ட்ரீட்டு தான் என செய்தி வெளியாகி வருகின்றன.