ஒருவர் பிறக்கும்பொழுது உடல், மனோகாரகன் சந்திரன் இருக்கும் நட்சத்திரம் அவரின் ஜென்ம நட்சத்திரம், அந்த நட்சத்திரம் எந்த ராசியில் உள்ளதோ அதுவே ஜென்ம ராசி ஆகும். ராசி மண்டலத்தில் 12 ராசிகளில் மொத்தம் 27 நட்சத்திரங்கள் , இவற்றில் 3 நட்சத்திரங்களுக்கு ஒரு கிரகம் என்ற கணக்கில் 9 கிரகங்கள் அதிபதியாக உள்ளன.
நட்சத்திரங்கள் – அதிபதி
அஸ்வினி மகம் மூலம் – கேது
பரணி பூரம் பூராடம் – சுக்கிரன்
கார்த்திகை உத்திரம் உத்திராடம் – சூரியன்
ரோகினி ஹஸ்தம் திருவோணம் – சந்திரன்
மிருகசீரிஷம் சித்திரை அவிட்டம் – செவ்வாய்
திருவாதிரை சுவாதி சதயம் – ராகு
புனர்பூசம் விசாகம் பூரட்டாதி – குரு
பூசம் அனுஷம் உத்திரட்டாதி – சனி
ஆயில்யம் கேட்டை ரேவதி – புதன்
எடுத்துக்காட்டாக ஒருவர் பூர நட்சத்திரத்தில் பிறந்திருந்தால் அது ஜென்ம நட்சத்திரமாகும் . பூராடம், பரணி அவரின் அனுஜென்ம, திரி ஜென்ம நட்சத்திரங்கள் ஆகும்.
ஜென்ம நட்சத்திரத்தில் செய்ய வேண்டியவை
குலதெய்வ, இஷ்டதெய்வ வழிபாடு , புத்தாடை அணிதல், அன்னதானம், தானதர்மங்கள் செய்தல், நிலம், சொத்துகள் வாங்குதல், பதவியேற்பது போன்றவற்றை செய்யலாம்.
ஜென்ம நட்சத்திரத்தில் தவிர்க்க வேண்டியவை
திருமணம், சீமந்தம், முடி இறக்குதல், காது குத்து, எண்ணெய் ஸ்நானம் ( எண்ணெய் குளியல்), தாம்பத்தியம், மருந்து உண்ணுதல், அறுவை சிகிச்சை போன்ற உடல் தொடர்பான விசயங்கள் செய்வதை தவிர்க்கலாம்.
