ஒரு காலத்தில் எல்லாம் தமிழ் சினிமாவில் இருக்கும் நடிகர்களை பற்றி ஏதாவது பேசிவிட்டால் அது மிகப்பெரிய அளவில் சர்ச்சையாக மாறுவது வழக்கமாக இருக்கும். ஆனால் தற்போது எல்லாம் சமூக வலைதளத்தின் பயன்பாடு அதிகமாக இருப்பதால் ஒரு நடிகரைப் பற்றி என்ன பேசினாலும் அவர்களே பார்க்கும் அளவுக்கு வளர்ச்சி அடைந்து விட்டது என்றே கூறலாம்.
முன்பெல்லாம் தங்களைப் பற்றி யாராவது விமர்சனம் தெரிவித்தால் அதற்கு பதில் கருத்துக்களை கூறாமல் தான் நடிகர்கள் இருப்பார்கள். ஆனால் தற்போதெல்லாம் சமூக வலைத்தளத்தில் தங்களைப் பற்றி ஏதாவது விமர்சனம் பகிரப்பட்டாலே அதனை பகிர்ந்து அதற்கேற்ப பதிலடி கருத்துக்களையும் கொடுத்து வருகிறார்கள்.
அது மட்டுமில்லாமல் இன்று பிரபல நடிகர்கள் செய்த பல விஷயங்களை ரசிகர்களே கலாய்க்க, அதனை அவர்கள் மிக ஜாலியாக எடுத்துக் கொண்டு பதில் கூறும் விஷயமும் வழக்கமான ஒன்றாக இருக்கிறது. தங்களை தாங்களே ட்ரோல் செய்து படத்திலோ அல்லது ஏதாவது வீடியோவிலோ வசனங்கள் பேசுவதையும் பிரபலங்கள் சாதாரண விஷயமாக எடுத்துக் கொள்வதால் இன்று பெரிய அளவில் விமர்சனங்கள் இருந்தாலும் ஜாலியாக தான் பார்க்கப்படுகிறது.
ரஜினி தொடங்கி கமல், அஜித், விஜய், சூர்யா என பல முன்னணி நடிகர்களை கூட மீம் வீடியோக்கள் மூலம் ட்ரோல் செய்து வரும் நிலையில் விஷாலும் அதிலிருந்து தப்பவில்லை. கடந்த சில மாதங்களுக்கு முன்பாக நிகழ்ச்சி ஒன்றில் கலந்து கொண்டிருந்த நடிகர் விஷால் உணவருந்தும் போது ஹிந்து, முஸ்லிம் மற்றும் கிறிஸ்துவம் என மூன்று மதத்தின் கடவுளையும் வணங்கி விட்டு பின்னர் உணவருந்த தொடங்கி இருந்தார்.
அப்போது அவர் அருகே அமர்ந்திருந்த காமெடி நடிகர் யோகி பாபு விஷாலை கலாய்ப்பது போல யார்டா இவன் என்ற ஒரு ரியாக்ஷனை கொடுத்து விட்டு பின்னர் சாப்பிட ஆரம்பித்திருந்தார். இந்த வீடியோவை அங்கிருந்த யாரோ எடுத்து ஒருவர் பகிர் பெரிய அளவில் விஷால் மீதும் மீம்ஸ்கள் வைக்கப்பட இதனை நம்மால் அடிக்கடி சமூக வலைத்தளங்களில் பார்க்க முடிந்தது.
அப்படி ஒரு சூழலில் இந்த ரியாக்சன் மூலம் விஷாலை கலாய்க்கவில்லை என்றும் நல்ல எண்ணத்தில் தான் அதை செய்ததாகவும் சமீபத்தில் ஒரு நிகழ்ச்சி ஒன்றில் தெரிவித்துள்ளார். இது பற்றி சமீபத்தில் கலந்து கொண்ட நிகழ்ச்சி ஒன்றில் பேசி இருந்த யோகி பாபு, “அது நான் மிக யதார்த்தமாக செய்தது. எனக்கு விஷால் அப்படி செய்ததும் நல்லதாக தான் தோன்றியது. உணவு அருந்தும் போது தெய்வத்தை தொழுகிறாரே என்ற நல்ல எண்ணம் தான் இருந்தது. நிஜத்தில் நான் வேண்டுமென்றே செய்யவில்லை.
ஆனால், இதை யாரோ எனக்கு தெரியாமல் வீடியோ எடுத்து இன்று உலக அளவில் போய்க் கொண்டிருக்கிறது. ஆனால் இதன் மூலம் ஏதாவது பிரச்சனை வரும் என நாங்கள் எதிர்பார்க்கவில்லை” என விஷாலும் தானும் இருந்த மீம் வீடியோ குறித்து முதல் முறையாக மனம் திறந்துள்ளார்.