விஜய்யை பார்த்து திமுக எம்.எல்.ஏக்களுக்கு பயமா? 3 பைல்கள் ரெடியாக இருக்கிறது என்று முதல்வர் விஜய் சொன்னதும் சட்டசபையே ஸ்தம்பித்திருக்க வேண்டாமா? ஏன் கே.என்.நேரு, எ.வ.வேலு அமைதியாக இருந்தார்கள்.. உதயநிதி வந்துதான் அதை பேச வேண்டுமா? அதுவும் 2 நாள் கழித்து.. மிக்சர் சாப்பிடுகிறார்களா திமுக எம்.எல்..ஏக்கள்.. செயற்குழுவில் அனல்பறந்த விவாதங்கள்..
தமிழக அரசியலில் தற்போது சட்டசபை செயல்பாடுகளை மையமாக வைத்து புதிய விவாதம் உருவாகியுள்ளது. தவெக ஆட்சியில் திமுக முக்கிய எதிர்க்கட்சியாக இருக்கும் நிலையில், ஆளும் தரப்பை எதிர்கொள்ளும் விதத்தில் திமுக எம்எல்ஏக்கள் போதிய வேகத்துடன் செயல்படவில்லை என்ற விமர்சனம் கட்சிக்குள்ளேயே எழுந்துள்ளதாக கூறப்படுகிறது. குறிப்பாக, கே.என். நேரு, எ.வ. வேலு உள்ளிட்ட மூத்த அமைச்சர்கள் மற்றும் சட்டமன்ற உறுப்பினர்களின் செயல்பாடுகள் குறித்து கட்சியின் மூத்த தலைவர்களிடையே அதிருப்தி இருப்பதாக பரவும் தகவல் தற்போது அரசியல் வட்டாரத்தில் பரபரப்பை ஏற்படுத்தியுள்ளது.
திமுக செயற்குழு கூட்டத்தில் பொதுச்செயலாளர் துரைமுருகன், எதிர்க்கட்சியாக இருக்கும் திமுக சட்டசபையில் இன்னும் காரசாரமாக செயல்பட வேண்டும் என்று கூறியதாக தகவல் வெளியாகியுள்ளது. குறிப்பாக முதலமைச்சர் விஜய் சட்டசபையில் மூன்று முக்கியமான பைல்கள் தன்னுடைய டேபிளில் தயாராக இருப்பதாக கூறியபோது, அதற்கு உடனடியாக பதிலடி கொடுக்க வேண்டியவர்கள் ஏன் அமைதியாக இருந்தார்கள் என்றும் அவர் கேள்வி எழுப்பியதாக கூறப்படுகிறது. அந்த நேரத்திலேயே “அந்த மூன்று பைல்களையும் வெளியே எடுத்து நடவடிக்கை எடுங்கள், பார்ப்போம்” என்று சவால் விடும் வகையில் பதில் கொடுத்திருக்க வேண்டும் என்பதே அவரது கருத்தாக இருந்ததாக கூறப்படுகிறது.
ஆனால், அந்த விவகாரம் சட்டசபையில் நடந்த உடனேயே திமுக தரப்பிலிருந்து பெரிய அளவில் எதிர்வினை வரவில்லை என்றும், சில நாட்கள் கழித்துதான் உதயநிதி ஸ்டாலின் இது தொடர்பாக பேசிய பிறகு விவகாரம் மீண்டும் சமூக வலைத்தளங்களில் பேசப்பட்டதாகவும் கூறப்படுகிறது. இதனால், ஆளும் தரப்பை எதிர்கொள்ள திமுக தலைவர்கள் தயக்கம் காட்டுகிறார்களா என்ற கேள்வியும் எழுந்துள்ளது. குறிப்பாக விஜய்யை எதிர்த்து சட்டசபையில் உடனுக்குடன் பதில் கொடுக்க முடியாத நிலை ஏன் ஏற்பட்டது என்பதையும் துரைமுருகன் கேள்வியாக முன்வைத்ததாக கூறப்படுகிறது.
மேலும், “விஜய்யை பார்த்து பயப்படுகிறீர்களா? அல்லது உங்கள் துறைகளுடன் தொடர்புடைய ஏதாவது கோப்புகள் சிக்கலில் இருக்குமோ என்ற அச்சமா?” என்ற வகையில் துரைமுருகன் கடுமையாக கேள்வி எழுப்பியதாகவும் தகவல்கள் வெளியாகியுள்ளன. அந்த நேரத்தில் கூட்டத்தில் இருந்தவர்கள் யாரும் உடனடியாக பதில் சொல்ல முடியாத சூழல் ஏற்பட்டதாகவும் கூறப்படுகிறது. இந்த தகவல் உண்மையா என்பது அதிகாரப்பூர்வமாக உறுதி செய்யப்படாத நிலையில், திமுகவுக்குள் எதிர்க்கட்சியின் செயல்பாடு குறித்து விவாதம் நடப்பதாக வெளியாகும் தகவல்கள் கவனம் பெற்றுள்ளன.
திமுக நீண்ட காலமாக சட்டசபையில் ஆளும் கட்சிக்கு வலுவான பதிலடி கொடுக்கும் எதிர்க்கட்சியாக செயல்பட்ட வரலாறு கொண்டது. சட்டசபை மட்டுமின்றி மக்கள் பிரச்னைகளை கையில் எடுத்தும் போராட்டங்கள், ஆர்ப்பாட்டங்கள் மூலம் அரசை அழுத்தத்திற்கு உள்ளாக்கிய காலங்கள் இருந்துள்ளன. ஆனால் தற்போது அந்த அளவுக்கு வேகமும் தாக்கமும் இல்லை என்றும், அனுபவம் வாய்ந்த பல எம்எல்ஏக்கள் இருந்தும் புதிய தலைமுறையினரிடம் கூட அரசியல் ரீதியாக வலுவான வாதத்தை முன்வைக்க முடியாத நிலை உருவாகிவிட்டதாக சில திமுக நிர்வாகிகள் அதிருப்தி தெரிவித்ததாக கூறப்படுகிறது.
இதனால், திமுக மீண்டும் தன்னை ஒரு வலுவான எதிர்க்கட்சியாக நிலைநிறுத்துமா என்ற எதிர்பார்ப்பு உருவாகியுள்ளது. சட்டசபையில் ஆளும் தரப்பின் ஒவ்வொரு குற்றச்சாட்டுக்கும் உடனடியாக ஆதாரங்களுடன் பதிலளிப்பது, மக்கள் பிரச்னைகளை தீவிரமாக எடுத்துச் செல்வது, அரசின் தவறுகளை சுட்டிக்காட்டுவது போன்ற நடவடிக்கைகளில் திமுக கவனம் செலுத்த வேண்டிய கட்டாயம் ஏற்பட்டுள்ளது. நாளை முதல் திமுக தனது பழைய அரசியல் வேகத்தை மீட்டெடுத்து, “நாங்கள் தான் உண்மையான எதிர்க்கட்சி” என்பதை நிரூபிக்குமா என்பதுதான் தற்போது தமிழக அரசியல் வட்டாரத்தில் எழுந்துள்ள அடுத்த கேள்வியாக உள்ளது.
