உலகின் முன்னணி ஓடிடி தளங்களில் ஒன்று நெட்பிளிக்ஸ் நிறுவனம் வாடிக்கையாளர்கள் தங்களுடைய பாஸ்வேர்டை மற்றவர்களுக்கு பகிர்ந்தால் கூடுதல் கட்டணம் செலுத்த வேண்டும் என அறிவித்துள்ளது பரபரப்பை ஏற்படுத்தி உள்ளது.
முதல்கட்டமாக அமெரிக்காவில் உள்ள பயனர்களிடம் கூடுதல் கட்டணம் வசூலிக்க இருப்பதாகவும், அதன் பின்னர் மற்ற நாடுகளிலும் இந்த கூடுதல் கட்டண முறை அமலுக்கு வரும் என்றும் நெட்பிளிக்ஸ் தெரிவித்துள்ளது.
நெட்பிளிக்ஸ் நிறுவனத்தின் புதிய அறிவிப்பின்படி பயனர்கள் தங்கள் பாஸ்வேர்டை தங்கள் வீட்டிற்கு வெளியே உள்ளவர்களுடன் பகிர்ந்து கொள்பவர்களுக்கு கூடுதல் கட்டணம் விதிக்கப்படும். கட்டணத்தின் அளவு இன்னும் அறிவிக்கப்படவில்லை, ஆனால் இது மாதத்திற்கு $7 முதல் $8 வரை இருக்கும் என எதிர்பார்க்கப்படுகிறது.
பாஸ்வேர்டு பகிர்வை எதிர்த்துப் போராட புதிய திட்டம் அவசியம் என்று பாஸ்வேர்டை வாடிக்கையாளர்கள் பகிர்வதால் ஒவ்வொரு ஆண்டும் நிறுவனத்திற்கு பில்லியன் டாலர்கள் நஷ்டம் என்று நெட்பிளிக்ஸ் கூறியுள்ளது.
நெட்பிளிக்ஸ் நிறுவனத்தின் இந்த அறிவிப்பால் பல பயனர்கள் அதிருப்தியில் உள்ளனர். தாங்கள் பல ஆண்டுகளாக வாடிக்கையாளர்களாக இருப்பதாகவும், கூடுதல் கட்டணம் வசூலிப்பது அநியாயம் என்றும் கூறுகின்றனர். புதிய திட்டத்தால் மக்கள் நெட்ஃபிளிக்ஸ் வாடிக்கையாளரில் இருந்து வெளியேறவும் வாய்ப்புள்ளது.
பாஸ்வேர்டு பகிர்வுக்கு எத்தனை பயனர்கள் கூடுதல் கட்டணம் செலுத்துவார்கள் என்பதை பொறுத்திருந்து தான் பார்க்க வேண்டும். இருப்பினும், போதுமான பயனர்கள் பணம் செலுத்த மறுத்தால், அது பாஸ்வேர்டு நிறுவனத்தின் வணிகத்தை நிச்சயம் பாதிக்கும்.
