தமிழ் சினிமாவில் முன்னணி நடிகராக இருந்து வருபவர் அஜித்குமார். எந்த ஒரு சினிமா பின்புறமும் இல்லாமல் இன்று தனக்கென தனி இடத்தை தமிழ் சினிமாவில் பிடித்திருக்கிறார். ஆரம்பத்தில் இவருக்கு கார் ரேசிங்கில் தான் அதிக ஆர்வம் இருந்திருக்கிறது. தனது 18 வது வயதில் கார் ரேசிங்கில் கலந்து கொண்டார் அஜித்குமார். அந்த நேரத்தில் மாடலிங்கும் செய்து வந்தார். அதன் மூலம் அவருக்கு சினிமாவில் நடிக்கும் வாய்ப்பு கிடைத்தது.
1990களில் தமிழ் சினிமாவில் நாயகனாக அறிமுகமான அஜித் குமார் காதல் மன்னன் வாலி போன்ற பல வெற்றி திரைப்படங்களில் நடித்து தமிழ் சினிமாவின் சாக்லேட் பாயாக வலம் வந்தார். 2000 காலகட்டத்திற்கு பிறகு பல கமர்சியல் வெற்றி திரைப்படங்களில் நடித்து முன்னணி நடிகராக ஆனார் அஜித்குமார்.
தற்போது நீண்ட இடைவேளைக்கு பிறகு அஜித்குமார் நடித்த விடாமுயற்சி திரைப்படம் பொங்கலுக்கு வெளியாகும் என்று கூறி பிப்ரவரி ஆறாம் தேதி ரிலீசானது. அதே போல் இவர் நடித்த Good Bad Ugly திரைப்படம் ஏப்ரல் பத்தாம் தேதி ரிலீசாக உள்ளது. இந்நிலையில் Good Bad Ugly படத்தின் டீசர் வெளியாகி அனைவரின் பாராட்டுக்களை பெற்று வருகிறது.
இந்த Good Bad Ugly டீசரில் அஜித்குமார் ஒரு சட்டை அணிந்து வருவார். இந்த சட்டை மிகவும் விலை உயர்ந்தது மற்றும் இந்த சட்டையின் விலை 1,80,000 ரூபாய் என்று கூறப்படுகிறது. இதைக் கேட்ட ரசிகர்கள் அடேங்கப்பா இவ்வளவு ரூபாயா என்று ஆச்சரியத்தில் இருக்கின்றனர்.
